Eskolako guraso elkarteetan gizonezkoak hamarretik bi baino ez direla utzi dute agerian Katalunian
Gurean ere agerikoa den errealitatea islatzen dute Kataluniako datuek: guraso elkarteetan, eskolako bilera eta zereginetan, gurasoei zuzendutako tailerretan… emakumeak dira gehiengoa. “Haurrak heztearen funtzioa amek hartzen dute eta sentsazioa dute gainezka daudela”. Seme-alaben hezkuntzan aitak gehiago inplikatzera deitu dute.
Ikastetxe mota eta hezkuntza maila guztietako guraso elkarteak kontuan hartuta, kideen %79 emakumeak dira Katalunian, eta elkarteen %38an, guraso elkarteko kide guztiak dira emakumeak. Ohiko gai bati heltzeko eman ditu datuok Criar.cat-ek: eskolari lotutako lan, zeregin, antolakuntza, gestio, informazio, formazio eta abar luzean amak dira gehiengoa, sarri boluntarioak diren betebeharrak tarteko. “Guraso elkarteetan parte hartzea ez da gizonentzako erakargarria, lan ikusezina delako eta haurren zaintzarekin eta hezkuntzarekin lotuta dagoelako”, diote erreportajean. Seme-alaben heziketan pisu handiena oraindik ere amak izan ohi du.
Gizonak guraso elkarteetan inplikatzeko programa abiatu du Generalitateak, 460.000 euro inbertituta, baina gizonak eurak dira bidea egin behar dutenak
Gizonak guraso elkarteetan inplikatzeko programa abiatu du Generalitateak, 460.000 euro inbertituta: funtsean, haurren zaintzaz eta heziketaz gizonei bideratutako tailerrak jarri ditu martxan, eta Euskal Herrian ere badira preseski aitei zuzendutako saioak, semea-alaben heziketan gehiago inplikatu daitezela bilatzen dutenak. Baina erreportajean dioten gisan, gizonek eurek egin behar dute bidea, konpromiso eta inplikazio pertsonalari dagokionean: “Aitatasuna leiho bat da eredu zaharkitua alboratzeko, bizitzaren fase honek erabaki beharrean jartzen gaitu ea txikitan bizitakoa birproduzitu nahi dugun ala zerbait ezberdina eraiki nahi dugun gure seme-alaben harremanari lotuta”.
Zein arduratzen da planifikatzeaz?
Aipaturiko rol tradizionala aldatzen ari ote den galdetu diogu berriki ARGIAn Esther Martinez adituari: “Aldatu, aldatu da, eta guraso eskoletan, esaterako, aita batzuek parte hartzen dute, aitak ikusten ditugu beste funtzio batzuk hartzen. Baina guraso eskoletan gehiengoa oraindik amak dira, heztearen funtzioa amek hartzen dute eta oraindik ere sentsazioa dute gainezka daudela, nekatuta, estresatuta, bikotekidearen babesik gabe... Esan dezakegu, funtzio banaketa argiagoa dagoen arren, amak jarraitzen duela izaten planifikatzen duena, zer dagoen afaltzeko, soinketa dagoenean labadoran zer sartu, udan zein ekintza egin eta nola antolatu… eta hortik gainezka egitearen sentsazioa, planifikazio horrek sekulako denbora eskatzen baitu”.
"Gizon gehiago ikusi ohi da Eskola Kontseilua bezalako erabakiguneetan, guraso elkarteek antolatutako ekintzetan baino; txokolatea prestatzen gizon gutxi ikusi dut, alegia"
Eta esanguratsua da, hezkuntzan ere, botereguneetan zenbat eta gorago egin, orduan eta gizon gehiago ikusteko aukera dagoela. Hala zioen ARGIAn ikastetxeko Ordezkaritza Organo Goren edo Eskola Kontseiluko kide Susana Aribayosek: “Gure kasuan, nahiz eta ama gehiago garen, aitak ere badira, eta urte hauetan gizonen parte-hartzea igotzen ikusi dut. Halere, egia da gizon gehiago ikusi ohi dela hau bezalako erabakiguneetan, guraso elkarteek antolatutako ekintzetan baino; txokolatea prestatzen gizon gutxi ikusi dut, alegia”.
Eskola kontuez ari garelarik, “gai hori nire emazteak darama” esaldia sarri entzun ohi zuela zioen irakasle honek 2018an; zenbat aldatu ote da panorama?
Gasteizko EHUko Farmazia Fakultateko irakasle batek sare sozialetan “mezu faxistak” zabaltzen dituela salatu du Ikama ikasle taldeak. Joan den irailean, EHUk Leioako Campuseko irakasle bat kanporatu zuen sare sozialetan zabaltzen zituen mezuengatik.
Iruñerriko IAk azaldu duenez, irakasle horrek ikasleak sexualizatu eta bortxaketak justifikatu zituen. Aurreko ostiralean eserialdi bat egin zuten eta sinadura bilketa bat izan dute martxan, irakaslea botatzeko.
Hezkuntza Sailak ez ei du ulertzen publikoko langileak zergatik joan garen grebara. LAB sindikatuari galdetzea dauka. Sindikatu horrek akordioa sinatu zuen sailarekin, 2023ko apirilean. Urte bi geroago grebara deitu dute haiek ere, aurrekoetan ez bezala, Hezkuntza Sailak... [+]
Haur Hezkuntzatik hasi eta Derrigorrezko Bigarren Hezkuntza amaieraraino, ikastetxeetan mugikorra debekatzea du helburu Kataluniako Generalitateko Hezkuntza kontseilariak. 6 urtera arteko haurren ikasgeletan material teknologikorik ez egotea eta eskolen digitalizazioa aztertzea... [+]
Erretiratu berri den lankide-ohi baten omenez, Historiako irakaslea. Bejondeizula!
Hezkuntza-legeek azpimarratzen dute zein garrantzitsua den ikasleengan pentsamendu kritikoa sustatzea. Baina irakasle-klaustroak, garai batean ideien eztabaidarako eta proposamenak... [+]
Eskola segregatua izan da Gasteizko Judimendi ikastetxe publikoa, hiri guztiko ikasleak hartu ditu, jatorri atzerritarreko familien seme-alabak. Baina A hizkuntza eredutik D eredura igarotzeaz gain, auzoak eskola bere sentitzeko eta auzoko familiak erakartzeko egindako... [+]
.jpg)
Ikasturtea hasi denetik hirugarren greba eguna izan da ostegunekoa Nafarroako Hezkuntza Publikoan eta goizeko mobilizazioen ondoren, LAB, Steilas, ELA eta CCOO –protestaren deitzaileak– pozik agertu dira. Euri jasak eta hotzak lagundu ditu etengabe irakasleak... [+]
Bizieskola ekimenaren bitartez Gasteizko Eraman kooperatiba ikastetxeetako umeak trebatzen hasi da ikasturte honetan, hirian bizikletaz segurtasunez eta modu independentean ibiltzeko. Gasteizko Udalarekin batera parte hartzen du ekimenean, eta kooperatibako kideek ikastetxeetako... [+]
Gure bizitzetan pantailen inbasioa azkartu da azken urteotan. Euskal Herrian, alde batetik, “pantailak euskaraz” nahi ditugula diogu ikus-entzunezkoen eskaintza handitzeko, eta bestetik, antolatzen gara eskoletan askotariko pantailek irabazi dituzten eremuak... [+]
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Euskarazko murgiltze eredua eta eredu elebiduna duten ikastetxeak gutxiengo izatetik gehiengo izatera pasa dira Ipar Euskal Herrian hogei urteotan, Euskararen Erakunde Publikoaren azterketak erakutsi duenez.
Kirol klub batean aritu nahi duen haurrak ez duela zertan Eskola Kirola egin dioen epaiari helegitea jarriko dio orain Gipuzkoako Diputazioak. Umeak nahi duen kirola aukeratzeko askatasuna batetik, helburu hezitzaile eta integratzaileak bultzatzen dituen eredua bestetik,... [+]
Sistema duala abian da ikasturte honetan Hego Euskal Herriko Lanbide Heziketan, eta eredugarri saldu duten arren, arazotsua izaten ari da hainbat zentrotan: ikasle guztiek derrigorrezko praktikak egin ditzaten enpresak bilatzen “gorriak pasatzen ari dira” irakasleak,... [+]
"Sexu-hezkuntzaikasgeletatik haratago" ikastaroa emango du UEUrekin online Itsaso Bakedano Moreno (Baldorba, 1992) sexologoak. INCISEXeko Sexu-hezkuntza eta -aholkularitza masterra du, Biko Arloak-eko Training sexologia klinikoko formakuntza du eta Lanbide Heziketako... [+]
Aparteko iragarpenik egin gabe, "askatasun akademikoaren eta izpiritu kritikoaren" aldeko aldarria egin du Joxerra Bengoetxeak EHUko errektore karguaren zina egin duenean, Ajuria Enean: "Ebidentzia zientifikoak ukatzen dituztenen aurkako euste-horma izango da... [+]