“Eskolak sozializatzeko ematen duen aukera ez digu teknologiak emango”
Koronabirusaren garaian etxeak eskola ere bihurtu dira. Nola daramate gurasoek haien umeak etxetik eskola jarraitzen aritzea? Euskal Herriko Ikasleen Gurasoen Elkartea da EHIGE eta galdeketa bat abiatu du martxoaren 15ean, eskola publikoetako gurasoen artean. Bertako koordinatzaile Lurdes Imazek erantzun dizkigu galderak idatziz.
Zein dira gurasoen kezka nagusiak distantziara eta ordenagailu bidez orain egiten den ikaskuntza modu honetan?
Martxoaren 15ean inkesta bat abiatu genuen eta esan beharra dago egun horretan proban ipini genuela gure webguneko zerbitzaria. Familiek hitz egiteko gogoa zeukaten. 8.500 erantzun jaso ditugu jada eta informazio baliagarri asko daukagu. Askotarikoak dira kezkak, baina hauek dira gehien errepikatzen direnak: lan hirukoitza etxean uztartu beharra, hau da, familia, lana eta eskola; seme-alaben arlo emozional eta psikologikoa; umeei eskolako lanetan laguntzeko dituzten zailtasunak euskaraz ez dakitelako edo ikasgaiak ezagutzen ez dituztelako (batez ere goi mailetan), ebaluazioei buruzko kezka (batez ere DBH eta batxilergoaren amaieran) eta egoera zaurgarrian dauden familiekiko kezka.
Etxeak azpiegitura aldetik ongi hornituta daude? Interneta, ordenagailuak, argi egokia, ikasteko aparteko leku bat, bestelako materialak (liburu, koaderno, pintura...).
"Ordenagailuak izan arren etxean, ez dira nahikoak etxeko kide guztiek momentu berean erabili ahal izateko"
Beheko etapetako familiek faltan botatzen dituzte inprimagailuak, baita paper dendak itxita egotea ere. Bestalde, kontuan izan behar da ordenagailuak izan arren etxean, seguraski ez direla nahikoak izango etxeko kide guztiek momentu berean erabili ahal izateko. Ikastetxeak eta udaletxeak identifikatzen ari dira aparailuak edo internet zerbitzua ez daukaten familiak, lagundu ahal izateko.
Bestalde, ez da berdina baserrian edo terraza argitsua duen 100 metroko etxean bizitzea edo argirik gabeko espazio bakarreko etxebizitza izatea.
Gurasoek beren rola egokitzeko beharra sentitu dute?
"Familia guztiek ez dituzte baldintza berak. Batzuk etxean daude eta seme-alabei laguntzeko aukera dute, beste batzuk lanera joan behar dutenez ez, askok lana galdu dute eta kezka ekonomikoa dute…"
Gurasoak ez dira irakasleak, ez behintzat gehienak. Horren inguruko gomendio batzuk jaso ditugu gure web gunean Iñaki Eizmendiren laguntzarekin. Familiek ikasteko ohiturekin lagun dezakete, errefortzu positiboa eman, interesa erakutsi. Irakasleekiko komunikazioa funtsezkoa da ere, are gehiago horrelako egoera batean. Eurak esango digute zeintzuk diren helburuak eta nola lagundu dezakegun.
Dena den kontuan izan behar dugu familia guztiek ez dituztela baldintza berak. Batzuk etxean daude eta seme-alabei laguntzeko aukera daukate, beste batzuk lanera joan behar dute eta ez daude etxean, askok lana galdu dute eta kezka ekonomikoa daukate…
Ikaskuntza etapen arabera, ikastetxeak oso ezberdinak dira presentzialak direnean bertan. Adibidez, LH-n pedagogia berri gehiago daude, DBH ertsiagoa da... Ikaskuntza mota horiek ordenagailura eta distantziara pasatu direnean, ezberdin pasatu dira?
"Familia batzuek diote honelako egoera berezietan seme-alaben beste gaitasun batzuk landu nahi dituztela, ardura nagusia ongizate emozionala delako"
Inkestan ikusi dugu goi mailetan (DBH, batxilergoa) plataformak erabiltzen dituztela, maila txikiagoetan anitzagoak dira euskarriak. Idazte-irakurtze gaitasuna lantzen ari direnak eskuz idatzi beharko dute, esaterako. Etxeko errutinei dagokienean ere ikusten dugu helduen errutinak zorrotzagoak direla eta haur hezkuntzaren kasuan orokorrean ez dago jarduerarik. Familia batzuek esaten digute honelako egoera berezian seme-alaben beste gaitasun batzuk landu nahi dituztela, euren ardura nagusia haien ongizate emozionala delako.
Hainbeste urte eskola digital programekin gora eta behera, eta nola harrapatu gaitu aldaketa honek?
Teknologia tresna bat da eta ez ditu konponduko gure arazo guztiak. Lehenik eta behin helburuak finkatu beharko ditugu: nolako ikasleak hezi nahi ditugu? eta gero erabaki zein baliabide erabiliko ditugun helburu horiek lortzeko. Eskolak sozializatzeko ematen duen aukera ez digu teknologiak emango. Bestalde, familiek asko baloratzen dute tutoreen telefono deia jasotzea, eta teknologia zaharra da hori.
Onartu behar da hala ere teknologia oso baliagarria izaten ari dela oraingo egoeran eta arlo honetan atzean zeuden ikastetxeak motibatuko direlakoan nago.
Zein da ebaluazioari buruz familiek duten ikuspegia?
"Errepikatzearen ondorio kaltegarriak ikertuta daudenez, hori erabiltzea oso ondo justifikatu beharko litzateke"
Gai honek kezkatu egiten ditu familia asko eta estresa sortzen die, ardura handia daukatelako orain bizkar gainean. Ez-ohiko egoera batek ez-ohiko erantzunak eskatzen ditu. Eskola etxera pasatu den momentutik baldintza desberdinetan daude umeak. Hori guztia kontuan hartu beharko da ebaluazioari buruzko erabaki bat hartu baino lehenago.
Bestalde, errepikapenaren ondorio kaltegarriak zabal ikertuak izan dira, beraz, aukera hori erabiltzea oso ondo justifikatu behar da.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.