Eskola publikoarentzako lehenengo plan estrategikoa aurkeztu du Pedrosak
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar puntu nagusitan ardaztuko dela iragarri du.
Hezkuntza Batzordean aurkeztu du plana Hezkuntza sailburu Begoña Pedrosak. Azpimarratu nahi izan du hezkuntza komunitatearen parte-hartze handia izan duen dokumentua dela –500 lagunek baino gehiagok parte hartu dutela adierazi du– eta EAErako Hezkuntza Legearen testuinguruan kokatzen dela 2025-2028 urteetarako plana.
“Irakasleek azken asteetan helarazi dizkiguten eskaera asko plan horretan jasota daude: babes handiagoa, ikasleentzako arreta hobea, hezkuntzako zerbitzu publikoaren kalitatea eta egonkortasuna”, azaldu du, eta planak bere gain hartzen dituen erronkak ere aipatu ditu, hala nola ikasleen segregazioa, indarkeria, hezkidetza, ekitatea, hezkuntza-sistemaren hobekuntza eta heziketa emozionala.
3.000 milioi eurotik gora eta lau eremu nagusi
Hezkuntza Sailetik nabarmendu dutenez, “Jaurlaritzak inoiz izan duen hezkuntza-aurrekonturik handienaren babesa” izango du planak. 2025ean, 3.247,5 milioi euro inbertituko ditu hezkuntzan.
Hamar ardatz estrategiko ditu aurkezturiko planak, lau arlotan banatuta: erantzunkidetasuna –“lidergo pedagogiko partekatuarekin eta sareko lanarekin”–, hezkuntza bikaintasuna –tartean euskara, berrikuntza pedagogikoa eta irakasleen sustapena–, ekitatea eta gizarte-kohesioa –inklusioa, bizikidetza, hezkidetza eta ongizate emozionala oinarri–, eta “etengabeko hobekuntza eta iraunkortasuna, digitalizazioaren, nazioartekotzearen, ebaluazio-kulturaren eta kontzientzia ekologiko aktiboa txertatzearen bidez”.
Oposizioan diren alderdi politikoek nagusiki kritikatu dute aurkezturiko planean proposamen zehatzak eta edukiak falta direla, plana oso orokorra dela. Aurrerago Eusko Legebiltzarrean plana onduago aurkezteko asmoa duela iragarri du Pedrosak.
Gipuzkoako sorrera prozesuari buruzko bere doktore tesia aitzindaria izan zen, lurralde historikoen bilakaera ulertzeko. Deustuko Unibertsitateko irakaslea, historialari askorentzat eredu izan da bere lan egiteko eta irakasteko modua. Igande honetan hil da Elena Barrena Osoro... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Hirugarren greba zikloa iragarri dute Steilas, ELA, LAB eta CCOO sindikatuek maiatzaren 12tik 16ra bitartean, hezkuntza publikoa indartzearen alde. Azaldu dute Hezkuntza Sailak helarazitako azken proposamenak ez diela euren aldarrikapenei erantzun egokirik ematen.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Lehengai anitzekin papera egitea dute urteroko erronka Tolosako Lanbide Heziketako Paper Eskolako ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota eskoletan kiloka pilatzen den... [+]
Garai kuriosoak bizi ditugu eta bizi gaituzte, zinez. Hezkuntza krisian dela dioten garaiak dira eta, gutxien-gutxienean, aliritzira, ba aizue, 2.361 urte ditu gaurgero boladatxoak.
Ez zen ba debalde joan Aristoteles bere maisu maite Platonen akademiatik lizeo bat muntatzeko... [+]
“Ba al zenekiten testuliburu gehienetan ia ez dela aipatzen armen industriak egungo gatazketan duen rola? Edo oso gutxitan jartzen dela zalantzan gerra ezinbestean gertatu behar dela esaten duen narratiba?”, dio Gerrarik Ez Araba elkarteak. Bestelako narratibak,... [+]
UEUren 53. Udako Ikastaroak izango dira aurtengo udakoak. Zein jardunaldi eta ikastaro izango diren jakinarazi berri dute. Matrikulazioa aurrerago, maiatzean.
Araba, Bizkaia eta Gipuzkoako hezkuntza publikoko irakasleek urtarrilean abiaturiko greba zikloaren bigarren kolpea amaitu eta biharamunean deitu du bilera Eusko Jaurlaritzako Hezkuntza Sailak. Begoña Pedrosa sailburuak adierazi du "akordio bat lortzeko nahia"... [+]
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]
Ugaritu diren “txiringito pribatuei” muga jartzeko asmoz, unibertsitate berriak sortzeko baldintzak gogortu nahi ditu Espainiako Gobernuak. Euskal Herrian polemika artean jaio zen azken unibertsitate pribatuak adibidez, Gasteizko Euneizek, gaur gaurkoz ez ditu... [+]
Nafarroa Behereako Arberoa ikastola erre zen pasa den urrian. Administraziotik laguntzarik jaso ez duten arren, herritarrek berehala erantzun dute. Astelehenean, hain zuzen, elkartasuna eta berotasuna jaso dute Gipuzkoako Ibarran. Elkartasunak eraikitako sarea da gakoa.
ARGIAri jakinarazi diotenez, 40-50 irakasle inguruk Eusko Jaurlaritzaren Lakuako egoitzaren pareko belardian igaro dute gaua. Dozena bat kide identifikatu ditu gauerdian Udaltzaingoak.
Gaurko greba deialdiak %75eko jarraipena izan du sindikatu deitzaileen arabera... [+]