Eskola-jangelak eraldatzeko topaketa antolatu du EHIGEk
Euskal Herriko Ikasleen Gurasoen Elkartea da EHIGE eta Gure Platera, Gure Aukera ekimenaren bidez eskola jantokietan elikadura osasuntsuago eta jasangarriagoa sustatzen du. Martxoaren 27an online Topaketa antolatu du, eskola jantokien egungo egoeraren informazioa emateko, elikadura burujabetzan bidea urratzen ari diren eskolen esperientzia ezagutzeko eta aurrera begirako aukerak eta sinergiak lantzeko. "Eskola-jangela eredu-aldaketan inplikatuta dagoen edo inplikatzeko asmoa duen pertsona edo kolektibo orori" egin diote dei parte hartzeko.
Gure Platera Gure Aukera ekimenak 30 kolektibo sozial, sindikal eta hezitzaile biltzen ditu eta sei urte daramatza lanean "eskola-jantoki osasuntsuago, hurbilago, bidezkoago eta hezigarriago batzuen alde". Topaketen berri emateko oharrean gogoratu dute gaia zertan den: catering enpresen lehia iruzurragatik ikerketa batzordea osatu zen eta Eusko Legebiltzarrean 2019ko urrian akordioa erdietsi zuten: "Urrats zehatzak, irmoak eta benetakoak behar dituen fase berri batean gaudela uste dugu" dio EHIGEk.
Legebiltzarrean 2019ko urriaren 24an lotutako akordioak zer dio?
EHIGEk azaldu duenez, "akordio horren arabera, eskola-jantokien kudeaketa sistemak aldaketak eta hobekuntzak behar ditu esleipen, gardentasun- eta kontrol-prozeduretan. Akordio horretan, Eusko Legebiltzarrak sistema osagarri baten oinarriak zehazteko ere eskatu zion Eusko Jaurlaritzari, kudeaketa berritzaile eta deszentralizatuaren alde egiten duten ikastetxeek aukera bideragarriak izan ditzaten". Gai honetan gakoa da, azken urteetan Jaurlaritza izan dela eskoletako jantoki guztiak zuzenean kudeatu dituenak, eta horren ondorio dela lehia publikora ateratzen dituen zerbitzuak catering enpresa handien bidez hornitzea, tokian tokiko ekoizle eta langileak kontratatu beharrean, eta eskola komunitate bakoitzak bere jantokian zer jango den erabaki beharrean.
EHIGEren azalpenen arabera, Legebiltzarrak 2019ko urrian Jaurlaritzari eskatu zion "hala eskatzen zuten ikastetxeetan sukaldeak eraikitzeko, baita informazio-prozesu bat ezartzeko ere, eskola-jantokien zerbitzuaren kontratazio-pleguen oinarri tekniko berriak kontrastatzeko eta, horrekin guztiarekin, indarrean dagoen araudia berridazteko".
Proposamen erreal eta gauzagarriak
EHIGEk positibo baloratu du urtez urte irekitzen ari den bidea: "Azken urteotan egindako lan guztiak eta lortutako aurrerapen txikiek metxa txiki asko piztu dituzte, eta proposamen erreal eta gauzagarri bihurtzen ari dira Euskal Herriko hainbat eskualdetan. Azken asteotan, pertsona asko jarri dira harremanetan Gure Platera Gure Aukera osatzen duten erakundeekin, eskola-jangelen buruzko informazioa eskatzeko. Beraiek pausoak ematen hasi dira eskola-jangela kudeatzeko eredu berri eta gauzagarri bat eratzeko helburuarekin. Ekimen horiek guztiak modu desberdinean sortu dira, baina guztiek eskola-jangela osasuntsuagoa, hurbilago,a bidezkoagoa eta hezigarriagoa lortzeko helburua dute, eta horretarako sinergia desberdinak sortu dira beste hainbeste sektoretan".
Martxoaren 27an Topaketa
Topaketa martxoaren 27an izango da, online, 10:30ean. Beharrezkoa izango da izena ematea, hemen.
Bi ordu edo bi ordu eta erdiz haur eta gazte andana hartzen ditu jantokiaren tarteak eskoletan. Jateko, jolasteko eta elkarbizitzeko espazio horretan jantokiko arduradunak esku hartzeko dituen mugez, jarraitzen diren irizpideez, begiraleen rolaz eta duten formazioaz arituko... [+]
Catering-enpresarik gabe jardun nahi duten eskolentzat bestelako eredu bat arautzea adostu zuen Eusko Legebiltzarrak 2019an. Horren ordez, catering-enpresen bidezko zerbitzua ematera derrigortzen ditu ikastetxeak Eusko Jaurlaritzak berriki argitaratu duen aginduak. Bitartean,... [+]
Nekazariak protestan ari dira, baina eredu agroindustrialak hartu du lidergoa. "Itun Berdea" ere, Europar Batasunaren hurrengo hamarkadako estrategia nagusia zena, pikutara bota dezakete, begirik kliskatu gabe. Bitartean, euskal eskoletan zorriak eta harrak... [+]
Ikasturtean zehar enpresaren jantoki-zerbitzuak hainbat ikastetxeetan sortutako “arazoengatik” eten dute kontratua.
Herriko ikastetxe eta ikasle guztientzako bestelako jantoki eredu bat bideragarria ote litzatekeen aztertzea izango du helburu lanketak. Hernaniko ikastetxe bakoitzeko gurasoen ordezkariarekin elkarlanean egingo dute.
Arantzabela, Errekabarri eta Salburua ikastetxeek sukalde propioa nahi dute, auzoko eskoletako jangelak hornitzeko, baina hilabeteak joan hilabeteak etorri, administrazioaren erantzunik gabe jarraitzen dutela salatu dute: "Arduragabekeria eta utzikeria zantzuak sumatzen... [+]
Hernaniko ikastetxe guztietako Haur Hezkuntza zikloan eta ikastetxe bateko Lehen Hezkuntza zikloan jangelan oihalezko ahozapiak erabiltzen hasi dira, paperezkoen ordez. Udalak izan du ekimena eta berak erosi ditu 213 ikaslerentzako kotoizko zapiak herriko oihal denda batean... [+]
Aurretik beste eskola batzuetan gertatu bezala Serunion enpresa da zerbitzuaren arduraduna. Murgiako Bigarren Hezkuntzako Institutuak ohartarazi du asteartean lehen platera zerbitzatzeari utzi diotela jantokian, eta “aurrekoetan bezala” Hezkuntza Ordezkaritzari... [+]
Hernaniko Langile Ikastolako gurasoek jakinarazi dute iragan ostiralean haurretako batek har bat aurkitu duela zerbitzatutako janarian; eta Duranako Ikasbidea Ikastola zentro publikoan ere joan den asteazkenean bigarren platera erretiratu behar izan dute, ohi baino garratzagoa... [+]
Eskola-jangeletako elikaduraren kalitatea kritikatu du guraso elkarte ugarik, eta gaiaz galdetu dio EH Bilduk Jokin Bildarratz Eusko Jaurlaritzako Hezkuntza sailburuari. Catering enpresen inguruko intzidentziak helarazi zaizkienean, auditoretza-kontrolak egin dituztela erantzun... [+]
Eskolako jangelan menu osasungarriak, kalitatezkoak eta jasangarriak eskaintzeko lehen urrats gisa, menu horiek ikastetxean bertan prestatu ahal izateko eskolan sukaldea eraikitzea eskatu diote EAEko hamazazpi eskola eta institutu publikok Eusko Jaurlaritzako Hezkuntza Sailari.
Eskola jantokietan haur eta gazteei eskaintzen zaien janariaren inguruan “ezin konta ahala dei, kontsulta eta kexa” jaso ostean, inkesta egin du Bizkaiko Ikasleen Guraso Elkarteak. 96 ikastetxetako guraso elkarteek erantzun dute eta jakien kalitate, kopuru eta... [+]
Nafarroa hegoaldean nekazaritza-ekoizpena eta euskara sustatzeko xedea duen Errigora ekimenean parte hartzen duten ekoizleen produktuak hamar jantoki kolektibotan baliatu dituzte ikasturte honetan. Hurrengo urteetan ere ildo horretan sakontzeko asmoa dute.