Eskaera bat Sarako Idazleen Biltzarreko antolatzaileei
Aberri Eguna ala Sarako Idazleen Biltzarra? Horrela izan da aurten, nahita nahi ez, orain arte Sarako Idazleen Biltzarrean parte hartu dugun idazle ttipioi harrarazi diguten hautua, eta anitzi konponezinezko korapilo bihurtu zaigu.
Sarako Idazleen Biltzarra orain arte, aitzindaria izan da Iparralde osoan, idazle eta erosle-irakurleen arteko harreman zuzeneko kontuetan, horretaz gain, ongi antolatua eta arras baliagarria. Lerro hauetatik nire eskerrik beroena helarazi nahi diet urtez urte, eta jadanik aurten 34 urte luzez, biltzarra antolatu duten guztiei. Milesker bihotzez.
Aurten, berriz, egoera arras makurra gertatu zaigu. Biltzarrak bi eguneko egitura hartu du –eta horren aurka ez dut deus erran beharrik–. Arazoa zera da, lehen Bazko astelehenean egiten zena orain Bazko igande eta astelehenera pasatu dela, eta ezinbesteko baldintza parte hartzeko bi egunetan bertan egon beharra ezarri dutela.
Argitaletxe handientzat ez da arazo, baina idazle abertzale ttipientzat bai, hori de facto gaindiezinezko oztopoa baita. Zer egin behar dugu, Aberri Egunean Saran egon gure bihotzaren kontra eginez? Norbait ordaindu behar dugu igandean gure salmahaian egon dadin?, zeren gure ingurukoak, senideak eta adiskideak Aberri Eguna ospatzen egonen baitira.
Eta norbaiti ordaintzeak merezi digu lauzpabost liburu bakarrik saltzen ditugun idazle ttipioi? Lehenagotik dugu Aberri Eguna Biltzarra baino, beraz, zerbait konpondu behar bada Biltzarraren afera da, argi eta garbi.
Nik lerro hauetatik, jendaurreko gutun honen bidez –barneko bideak erabiliz ez baitut deus atzeman–, irtenbide bat galdatu nahi nieke Sarako Idazleen Biltzarraren antolatzaile eta sostengatzaileei. Konponketarako bi aukera ikusten ditut. Lehena litzateke idazleoi aukera ematea, orain arte izan den bezala, astelehenean bakarrik egoteko. Bigarren aukera, berriz, Biltzarra dataz aldatzea. Dena den, ene ustez, lehen aukera da errazena eta garbiena.
Bihotzez itxaro dut, afera itsusi hau hurrengo urterako konpon dadin, nik –eta jakin badakit nire kasu berean idazle eta elkarte ttipi gehiago izan direla–, aurtengo edizioan neure burua guztiz baztertuta eta diskriminatuta ikusi baitut, Biltzarrean parte hartu ezinik.
Borondate pixka batez, bada irtenbidea, eta horixe da galdatzen dudana 2018ko Biltzarrean, orain arte egin dudan bezala, Bazko astelehenez parte hartu ahal izatea. Biba Aberri Eguna eta biba Sarako Idazleen Biltzarra!
Adeitasunez.
Joseba Aurkenerena Barandiaran. Idazlea.
(Urruña)
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Gogoan daukat, 16 urterekin, Bergarako epaitegi aurrean egindako euskararen aldeko elkarretaratze batean identifikatu ninduela Ertzaintzak lehen aldiz. Euskal Herrian epaitegiak euskalduntzeko aldarria zilegi zela pentsatzen genuen, baina, orduan ere, faltako zen baimenen bat,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Sobietar Batasuna desagertu zenetik errusofobia handituz joan da. NBEko Segurtasun Kontseiluaren 2002ko segurtasun kontzeptua oso argia da, eta planetaren segurtasun eta egonkortasunak AEBei erronka egiteko asmorik ez duen estatuen menpe egon behar dutela adierazten du. AEBei... [+]
Andoni Urrestarazu Landazabal Araiako herrian 1902ko uztailaren 16an jaio zen eta 1993ko azaroaren 21ean hil zen Gasteizen. 31 urte bete dira jadanik eta bere izena eta izana aitortzeko une aproposa dela deritzot, ez baita ongi ezagutzen utzitako ondarea. Umandi, bere herriko... [+]
Autobiografia idaztea omen da garapen pertsonalerako tresnarik eraginkorrena, askatzaileena. Iraganeko kontuei tira egin eta gogora ekartzeak, orainaldiko korapiloak askatzen laguntzen omen du. Bai, laguntzen du orainaldia ulertzen eta komeni zaigun etorkizun bat marrazten... [+]
Pandemiaren iragarpenetik Valentziako tragediarainoko errepasoa egin eta ondorioztatu dut gezurra eta forupea suhesi gisa dituen kudeaketa instituzional negargarria klase gobernariaren konstantea dela.
Ez dugu gobernari ordezko baliogarririk sistema pendular hau aldatzen ez... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Adimen artifiziala gizakion eremu asko ordezkatzen ari dela badakigu: erosotasuna, abiadura, efizientzia... Mundu kapitalista honen abiadura beharretan, gizakion ahalegina oztopo dela sinetsarazi digute. Gure, klase xumeen, egiteko eta sortzeko aukerak murrizteko erasoak leku... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
Autoestimuak batzuetan gauza intimoa dirudi. Baina autoestimuak zerikusia baldin badu norberak bere buruaz duen irudiarekin, norbere buruari ematen zaion balioarekin, zerikusia izango dute hartu ditzakeen erabakiek ere. Zer balio du erabakirik hartu ezin duen norbaitek? Eta... [+]
Sanmartinak gure baserrietan oso ezagunak dira, txerria hiltzeko garaia baita. Jende askok, ordea, ez du jakingo antzina San Martin egunak nekazaritza urtearen amaiera ezartzen zuela. Eta hori ez zen ahuntzaren gauerdiko eztula. Izan ere, urte amaierarekin etxeko ugazabari... [+]
Aste oso batez aritu gara Collodiren Pinotxoren abenturak liburuaren inguruan, unibertsitateko ikasgelan, Haur Hezkuntzako eta Lehen Hezkuntzako irakaslegaiekin. Gure erreferentzia nagusia Galtzagorrik 2011n argitara emandako edizio ederra izan da –hitzaurrea barne, 171... [+]
“Ibiliz ikasten da ibiltzen, eta kantuan kantatzen”. Horixe izan da aste honetako ikasgaietako bat C2ko taldeetan. Helburua ez zen abesten edo oinez ikastea, gerundioa behar bezala erabiltzea baizik. Zer pentsatua eman dit jarduerak, eta irakasten nola ikasten dugun... [+]