Ertzaintzari “erantzukizunak” eskatu dizkio Realak, foam jaurtigailuz zaurituriko zalearen kasuan
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Reala eta Paris Saint-Germain taldeen arteko futbol partida batean Donostiako zelaiaren kanpoaldean larri zauritutako zalearen kasuak astearte honetan jauzi egin du Realak egindako batzar nagusira, eta Donostiako klubeko presidente Jokin Aperribayk azalpenak eman behar izan ditu bazkide guztien aurrean.
2024ko martxoaren 5ean Amaia Zabarte zalea Reale Arena kanpoaldean mugikorraren estaldura bila ari zela larri zauritu zen Ertzaintzaren oldarraldi batean, itxura guztien arabera foam jaurtigailu batek buruan jota. Ondoren, bideo irudietan ageri denez, ertzain batek lagundu beharrean ostikoz kolpatu zuen gainera.
Realeko batzarrean Zabarteren familiak hartu du hitza eta klubari egotzi dio publikoki ez gaitzestea poliziaren erasoa: “Atsekabetuta eta triste sentitzen gara”, azaldu du bikotekide Joseba Novoak, eta Realak “bigarren mailako” biktima gisa tratatu dituela salatu du.
Aperribayk erantzun dio ez dutela beharrik ikusi ohar publiko bat kaleratzeko, baina Ertzaintzari modu pribatuan “erantzukizunak” eskatu dizkiola. Azaldu duenez, erantzun bat izango dutela ziurtatu diote.
Zabarteren kasua epaitegietan dago momentu honetan. Eusko Jaurlaritzaren Segurtasun Sailak dio ezin dela “baieztatu foam jaurtigaia izan zenik” Realeko zalea buruan larri zauritu zuena. Baina Gipuzkoako Lurralde Auzitegiak azaroan auzia berriz ireki eta berriz ikertzeko eskatu zion Donostiako Instrukzio Epaitegiari. Izan ere, epailearen ustez zalea foam jaurtigailu batekin zauritua izan zenaren “ebidentzia erakusten” dute egun hartako bideo irudi batzuek.
Segurtasun Sailak, hilabete ugari pasa diren arren, ez du Ertzaintzak jazotakoaren inguruan egindako barne ikerketaren berririk eman. Familiak orain eskatu du beste Polizia indar batek ikertzeko kasua: “Beste edozeinek hobeto egingo du”, esan du.
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.
Gutxienez hamabi poliziak inguratu zuten gaztea. Erail zuen agenteak esan du gainera joan zitzaiola agerraldia izan zuen gaztea, baina bertsio hori gezurtatu du lekuko batek. 2020an izan zen hilketa, eta orain ari dira epaiketa egiten.
Eusko Jaurlaritzako Segurtasun sailburuak orain arteko bertsioari eutsi dio. Bestalde, esan du Amaya Zabartek, martxoan PSGren kontrako futbol partiduan Anoetan larri zauritutako Realeko zaleak, ez zuela bere deklarazioan aipatu ertzain batek ostikoa jo zionik.
Alde Zaharreko Gazte Asanbladak (AZGA) salatu du Donostiako Udaltzaingoak auzoko hainbat gazteren aurka astelehen gauean egindakoa: “Auzoko hainbat gazte futbolean jokatzen ari ziren Trinitate enparantzan, Udaltzaingoa hurbildu eta mehatxuka guztiak identifikatzeko agindua... [+]
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
2021ean Pablo Hasel rap musikariaren atxiloketaren aurka Bartzelonan egon zen manifestazioetako batean parte hartu zuen neskak eta begia galdu zuen mossoek jaurtitako foam bala baten ondorioz. Epailearen ustez, neskak “ondorioak bereganatu beharko lituzke”, istiluak... [+]
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]