Ertzaintzaren taser pistolen erabilera bi kasutik hamabira igo da lau urtean
2018 eta 2022 artean, gutxienez 32 aldiz erabili zuen arma hori Ertzaintzak. 2017an, Jaurlaritzak 50.687 euro bideratu zituen taser pistolen erosketara. Azken hilabeteetan, dozenaka pertsona zauritu dituzte ertzainek hamaika polizia-kargatan.
Azken hilabeteetan, gutxienez zazpi pertsona zauritu ditu Ertzaintzak foam jaurtigaiekin jota: hiru Donostian (Gipuzkoa) Realaren partida baten aurretik, bat Gasteizen (Araba) Martxoaren 3ko manifestazioan, eta beste hiru Tolosako (Gipuzkoa) Inauterietan. Bestelako polizia-kargetan, baina, askoz ere pertsona gehiago zauritu dituzte ertzainek, besteak beste, borra-kolpeka oldartuta: hala gertatu zen Gasteizen bertan Martxoaren 3aren urteurrenean, edota aurreko asteburuan hiri berdinean, emantzipatzeko ezintasunaren kontrako protesta-ekintza batean; hainbat eta hainbat gazteri bortizki eraso egin zien Ertzaintzak.
Hori gutxi balitz, aurreko hilean atera zen argitara Eneko Valdésen heriotza: joan den otsailean hil zen Astigarragan (Gipuzkoa), agerraldi psikotiko bat zela-eta, Ertzaintzak modu bortitzean eta indarrez esku hartu zuenean. Poliziak Enekori eragindako askotariko lesioak erakusten dituzte autopsiak eta irudiek, eta bere senideekin harremanetan izan diren adituen esanetan, taser pistolak ere erabili zituzten ertzainek astigarragarraren kontra.
Taser pistolen erabilera, gora
Ahoztar Zelaietak Hordago atarian azaldu duenez, 2021ean, Ertzaintzaren Bilboko (Bizkaia) komisaria batean izan ostean, taser pistolen erabilerari buruzko txosten bat eskatu zuen Angel Gabilondo Arartekoak. Erabilera horren barruan sartu zituen ondoko kasuak, esaterako: arma hori bere zorrotik atera izana "disuasio-izaerarekin" eta "gailua aktibatu" izana, "ohartarazpen-arkuaren etengailua" erabili izana, edota norbaiten kontra zuzenean tiro egin izana. Horrekin batera, galdetu zuen ea tirokatutako pertsona horiek osasun-etxe batera eraman ote zituzten, mediku batek miatu zitzan.
Eusko Jaurlaritzako Segurtasun Sailak erantzun zuen Brigada Mugikorra izan dela taser pistolez baliatu den bakarra, eta esku-hartze guztiak grabatu dituela bideoz. Esan zuen arma horren erabilerak gora egin zuela 2018tik 2022ra bitartean, lau urteko epean: ertzainek bi aldiz erabili omen zituzten taser armak 2018an, eta hamabi aldiz 2022an. Datu ofizial horien arabera, 2019an bost aldiz erabili zituzten, 2020an sei aldiz eta 2021ean zazpi aldiz.
Segurtasun Sailak Arartekoari esan zion pistolekin tirokatutako pertsona guztiei egin dietela gero mediku-txosten bat. Dena den, taser armen erabilera arautzen duen 011 Agindu Operatiboak jasotzen duenez, pistola horiekin tirokatuko dituzten pertsonei ohartarazpen bat egin behar die Ertzaintzak, unean bertan: arma horien presentziaren eta erabilera posiblearen berri eman behar omen die esku-hartzean. Arartekoak adierazi zuen, baina, jasota geratu dela ertzainek ez dutela hala jokatu hainbat kasutan.
Protokoloak eta isiltasuna
Taser pistolei buruzko protokoloari buruz ere jardun du Hordago-n Zelaietak. Arma horren erabilera arautzeko, foam jaurtigaiak saltzen dizkion hornitzaile baten txostena hartu omen zuen oinarritzat Segurtasun Sailak: Andreu Soler i Associats enpresak egindako txosten bat, hain zuzen ere. Idatzi hori, baina, sekretupean mantendu zuten.
Ter García kazetariak joan den urtarrilean salatu zuen Jaurlaritza informazioa ezkutatzen ari zela, taser pistolen erabilera arautzeko protokoloari buruz. Hordago-k plazaratu duenez, Informazio Publikoaren Sarbiderako Euskal Batzordeak 2023ko irailean ebatzi zuen "arriskutsua" zela Ertzaintzaren "jarduteko prozedura" horiei buruzko informazioa argitaratzea, "agenteen esku-hartzeen eraginkortasunari" begira.
50.000 eurotik gorako erosketak
2017an, Taser X26 modeloko pistolen aurreneko erosketa bat egin zuen Segurtasun Sailak, horretara 50.687 euro bideratuta. Zelaietaren arabera, gainera, Telefónica enpresak kamera txiki batzuk txertatuta dituen hamasei pistola saldu zizkion Jaurlaritzari aurreko urtean. Arma horiek Taser X7 modelokoak dira.
Lurrean zela, polizia batek Realeko zaleari ostikoa jo ziola ikus liteke Ertzaintzak bere ikerketan erabilitako bideoetako batean, Noticias de Gipuzkoa-k zabaldu duenez. Martxoan, Realaren eta PSGren arteko Donostiako futbol partidaren testuinguruan izandako istiluetan zauritu... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]
Agintaritzaren aurkako atentatua egitea leporatu diete bi atxilotuei. Ertzaintzak adierazi duenez, bi polizia agente zauritu zituzten igandeko operazioan.
Gazte Koordinadora Sozialistak agerraldia egin du Gasteizen, larunbat gauean hainbat gaztek jasandako polizia-indarkeria salatzeko. Izan ere, etxebizitza huts batean sartu ziren gazteei babesa adieraztera bertaratu zen jendea jipoitu zuen Ertzaintzak. Lau pertsona ospitaleratu... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]
Drogen eraginez agerraldi psikotiko betean zen 36 urteko gizon batek Poliziaren laguntza eskatu zuen Astigarragan, pasa den otsailaren 2an. Lagundu ordez, Ertzaintzak gizona bortizki tratatu zuela eta anbulantzian sartu zutenerako hilda zegoela salatu du haren familiak.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Egun osoko jardunaldi politikoaren barruan, manifestazio bat egingo du 19:30ean, Gipuzkoa Plazatik abiatuta. "Azken asteotako jazarpen polizialaren eta errepresioaren" kontra mobilizatuko dira.
PSGren aurkako partidaren aurretik izandako karga polizialean zauritu zuten pilotakada batez emakumea.
Bilboko aste nagusian atxilotu zituzten 79 pertsonen argazkiak eta izen abizenak argitara atera ziren iazko udan. Argazkietan Poliziaren logoa ageri zen.
44 urteko emakumea zainketa intentsiboetako unitatetik atera zuten martxoaren 8an. Hilaren 5ean, Realaren eta Paris Saint Germain-en arteko futbol partida hasteko zegoela Ertzaintzaren agenteek egindako kargetan zauritu zuten. Ertzaintzaren interbentzioa "basakeria"... [+]