Ertzaintzak Tolosan zauritutako gazteak “lente kristalinoa hautsita” dauka
Jon Pazosek, gaztearen aitak, esan du begian jasotako kolpeak “ondorioak” eragingo dizkiola, eta oraindik ezin diotela ebakuntza egin. Familiak salaketa jarri du akusazio partikularraren bidez.
Ospitalean dago oraindik eta froga medikoak egiten ari zaizkie Tolosako inauterietan Ertzaintzaren oldarraldiaren ondorioz zauritutako gazteari. Jon Pazosek, gaztearen aitak, Berria egunkariari jakinarazi dioenez gazteak “lente kristalinoa hautsita” dauka eta erretina askatua. Lente kristalinoa enfokatzeko eta argitasuna behar bezala jasotzeko garrantzitsua da. Hori dela eta “ondorioak” izanen ditu aurrerantzean.
Ostegunean ebakuntza egin behar zioten begian, baina medikuek atzeratzea erabaki dute berriz ere, oraindik puztuegia duelako. Froga mediko gehiago egingo dizkiote, eta horren arabera erabakiko dute ebakuntza noiz egin. Baliteke ostiralean egitea. Horrez gain, hamabost puntu eman dizkiote jaurtigaiak eragindako kolpean.
Astelehenen goizaldean, Tolosako inauterietan sortutako liskarretan zauritu zuten gaztea, eta hark esan zuen Ertzaintzaren foam jaurtigailu batek eragin ziola zauria. 2013. urtean Ertzaintzak gomazko pilotak erabiltzeari utzi, eta foam jaurtigailuengatik ordezkatu zituen. Halere, jaurtigailu horiek ere kalte larriak eragin ditzakete.
Familia, epaitegira
Familiak iragarri duenez, Tolosako epaile batek ikerketa abiatu du ofizioz eta familiak akusazio partikularra jarri du. Horrez gain, Joseba Erkorekak, Eusko Jaurlaritzako sailburuak esan zuen atzo “bere kabuz eta gardentasunez” eman zuela istiluen berri Ertzaintzak eta ikerketa abiatu duela.
Gazteari eragindako ondorioak salatzeko mobilizazioak egin dituzte azken egunetan, eta larunbatean berriz, 12:00etan, elkarretaratzea egingo dute Tolosako Triangelu plazan.
Galdera batzuen aurrean, behin eta berriz helduok ume sentitzen garela dio Iñigo Martinezek, “bizitza zulo existentzialez beterik” dagoelako. Galderaz galdera "behin-behineko erantzunen bila" aritzeko asmoa du irakasle eta filosofoak. ARGIA... [+]
Euskal Herriko Laborantza Ganberak hogei urte bete ditu. 2005ean sorturik, bataila anitzetatik pasa da Ainiza-Monjoloseko erakundea. Epaiketak, sustengu kanpainak edota Lurramaren sortzea, gorabehera ainitz izan ditu hogei urtez. Asteburu honetan, urteroko besta antolatuko dute... [+]
Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Elkarteko Andoni Burguetek nabarmendu du espetxean dauden presoek egindako delitu gehienek behar sozioekonomikoekin lotura dutela.
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Araba, Bizkaia eta Gipuzkoako hezkuntza publikoko irakasleek urtarrilean abiaturiko greba zikloaren bigarren kolpea amaitu eta biharamunean deitu du bilera Eusko Jaurlaritzako Hezkuntza Sailak. Begoña Pedrosa sailburuak adierazi du "akordio bat lortzeko nahia"... [+]
Bilboko Guggenheimeko museoaren kanpoaldean bildu dira plataformako kideak, bertan zuelako bere lehen agerraldi publikoa Bilboko Guggenheim Museoko zuzendari berri Miren Arzallusek. Landuko dituen ildoez hitz egiteko "goizegi" dela adierazi du Arzallusek, nahiz eta... [+]
Behatokiak Hizkuntza Eskubideen Egoera 2024 txostena aurkeztu du. Herritarrek helarazitako gertakarien bilduma aztertuta, ondorioztatu dute 2024an egoerak ez duela hobera egin, eta gainera, kexak jaso dituzten hainbat entitateren eskutik urraketak iraunarazteko jarrera sumatu... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Mundu osoarentzat %10eko muga-zerga globala inposatuko du Donald Trumpen administrazioak, eta hainbat herrialderen inportazioak are gehiago zergapetuko ditu, tartean Txinakoak (%34) eta EBkoak (%20). Baina Hegoalde Globaleko herrialdeak izango dira kaltetuenak: Lesoto (%50),... [+]
Heriotza-zigorra eskatzeko argudio gisa, "indarkeria politikoko ekintza" izan zela adierazi du AEBetako Fiskal Nagusiak.
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]
Ion Aranburu koma egoeran eta ZIUan ingresatuta egon zen hainbat astez, erasoaren ondorioz.