Ertzaintzaren interbentzio batean hil zen pertsona baten kasua ikertzen ari dira
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
Ertzaintzaren Kontrol eta Gardentasun Batzordea deiturikoa, Juan Luis Ibarra epaile ohia buru dela, iazko abuztuaren amaieran Irundik (Gipuzkoa) gertu izandako gertakariak ikertzen ari da. Abuztuaren 29an, GI-636 errepidean, trafiko-istripu bat izan zen auto baten eta moto baten artean. Motoko gidaria zauriturik eraman zuten ospitalera, baina autoko gidaria atxilo hartu nahi izan zuten ertzainek. Une horretan, bihotzekoak eman zion gizonari, eta Donostiako (Gipuzkoa) ospitalean hil zen handik denbora batera.
Aurretiazko txostenek diote "kausa naturalengatik" galdu zuela bizia pertsona horrek, eta ez dituzte interbentzioan parte hartu zuten ertzainak ikertu edo inputatu. Hainbat lekukok gaineratu dute Guardia Zibilak ere esku hartu zuela atxiloketa saiakeran. Badirudi, orain, esku-hartze polizialari buruzko ikerketa bat egiten ari dela aipatutako batzordea, Irungo auzitegi batek heriotzari buruzko auzi bat ireki baitzuen. Joan den otsailean, batzordeak txosten bat eskatu zion Eusko Jaurlaritzako Segurtasun Sailari, zabalik dagoen auzi judizialaren egoerari buruz.
Jaurlaritzak halako kasuetan erabili ohi dituen hainbat akusazio egin zituen hildakoaren aurka: Ertzaintzak zailtasunak izan zituela bera atxilotzeko, "asaldatuta" zegoela, ertzainei "eraso" eta "mehatxu" egin ziela, ihes egiten saiatu zela, eta abar. Une horretan izan zuen bihotzekoa gizonak.
Eneko Valdésen heriotzan, Ertzaintza defendatu zuen batzordeak
Duela urtebete, Astigarragan (Gipuzkoa) Eneko Valdések bizia galdu zuen interbentzio poliziala ikertzean, Ertzaintzaren Kontrol eta Gardentasun Batzordeak errugabetzat jo zituen polizia-indarrak. Ertzainek eta udaltzainek parte hartu zuten operazioan, biktimak agerraldi psikotiko bat jasan zuenean, baina ordubete baino gutxiagoan hilik zegoen. Kolpeak zituen aurpegian, hautsirik zituen hainbat hezur, urradurak zituen eta taser pistolen markak ikus zitezkeen bere gorpuan, besteak beste. Ertzaintzak esan zuen Enekok "bere buruari egin" zizkiola lesioak.
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
"Amorru handiko eguna" dela adierazi du Zabarteren senar Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra,... [+]
2023an Zaballako espetxean euskal presoen alde egindako martxarengatik ezarri zizkieten isunak. Helegiteen ezeztapenaren aurrean epaitegietara joko dutela adierazi du antolakundeak, eta Poliziaren inpunitatea salatu du.
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.
.jpg)
31 urteko emakume kolonbiarra osasun zentrora eraman ordez ertzain etxera eramatean agenteek "akatsa" egin zutela aitortu du Segurtasun sailburuak, baina azpimarratu du ez zuela "jipoirik" jaso.
Martxoaren 3ko Memoriala hornitzeko erabiliko dira bildutako objektuak. Ekimena ahalik eta jende gehienarengana iristeko asmoz, jardunaldiak antolatuko ditu Martxoak 3 elkarteak Gasteizko auzoetan.
.jpg)
Karen Daniela Ágredok dioenez, zortzi bat ordu eman zituen ziegako zoruan etzanda Ertzaintzak ospitalera eraman aurretik. Segurtasun sailburu Bingen Zupiriak berak eskatu du Eusko Legebiltzarrean agerraldia egitea.
Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.
Segurtasun sailburu Bingen Zupiriak adierazi du oraingoz ez dutela neurririk hartuko kasuaren inguruan, "gauzak ondo edo gaizki egin izanaren inguruko segurtasun edo ziurtasunik" ez duten bitartean. Ertzaintzaren agenteek eraso egin zioten emakumea "indarrik... [+]