Ertzaintzak, iragan ostiraleko TALKA espazio feministaren desalojo saiakeraren berri ematen ari ziren Hala Bediko kazetariak mehatxatu zituen. Poliziaren jarduna grabatzeagatik telefonoa kendu eta 300.00 euro arteko isuna jarri nahi izan zioten irratiko kide bati. Hala Bedik auzitara eramango du Ertzaintzak izandako jarrera. Prentsa askatasunaren aurkako erasoen gainetik informatzen eta eskubide urraketen berri ematen jarraituko du.
Iragan ostiralean, maiatzak 8, Hedegile kaleko TALKA espazio feminista desalojatzen saiatu ziren. Adolfo Dominguezek langile bat bidali zuen lokaleko sarrera hormatzera. Desalojo saiakerari erantzuteko, zarata egiteko tresnak eskutan, Hedegile kalean gora paseatzeko deia egin zuten TALKAko kideek. Hala Bediko zenbait kazetari ere gerturatu ziren mobilizazioa jarraitzera.
Ertzaintzak Hedegile kalea husteari ekin zion, kazeroladan parte hartzen ari ziren dozenaka lagun bertatik kanporatuz. Ertzaintzaren prozeduran hainbat pertsona identifikatuak izan ziren eta bi lagun atxilotu zituzten.
Hala Bediko kazetari baten aurkako mehatxuak
Poliziaren jarduna grabatzen ari zen Hala Bediko kazetari batek mehatxuak jaso zituen Ertzaintzako agente baten partetik. Azken honek, polizia grabatu ezin zuela ohartarazi zion kazetariari, “pertsona fisiko bat” zela argudiatuta eta “Datuen Babeserako 2018ko maiatzaren 25eko Errege Dekretuak” hala agintzen zuela esanez. Eztabaida izan zen bertan, Hala Bediko kazetaria esanez baietz, poliziak kalean egindako interbentzio oro grabatu zezakeela, eta ertzaintzako kideak ezetz, berak bere irudia babesteko zuen eskubideagatik kazetariak grabatzeari utzi behar ziola. Hasieran grabatzeari uzteko esaten zion eta, behin grabatzeari utzita, ondoren irudiak ezabatzeko exijitu zion kazetariari. Mehatxu ezberdinak egon zire ertzainaren aldetik, mobila kenduko ziola, desobedientzia delitua jarri eta atxilotuta eramango zutela, 40.000 eta 300.000 € arteko isuna ordaindu beharko zuela irudiak edozein modutan erabiltzen bazituen, eta beste.
Eztabaida luzatu eta azkenean poliziak mobila kendu zion Hala Bediko kideari. Ordu erdiz kazetariaren telefonoa eduki eta gero, itzuli egin zion, argudiatuz Kazetari Elkargoan izen emanda egon behar zela grabatzeko, eta zalantza zituenez itzuli egingo ziola, berriro ere errepikatuz kazetariaren izena gordeta zuela eta 300.000€ arteko isuna jasoko zuela irudiak argitaratuz gero.
Grabatzea ez da delitua
Errealitatea bestelakoa da, ordea: herritar orok, kazetaria izan edo ez, eskubidea dauka polizia grabatzeko, jardunean ari diren funtzionario publikoak baitira, eta herritarren informaziorako eskubideak bermatzen du poliziaren ekinbidea dokumentatu ahal izatea.
Iragan ostiraleko poliziaren jarrera auzitara eramango du Hala Bedik. Baloratu egingo ditu kazetariari telefonoa kendu zion Ertzaintzako agentearen aurkako ekintza legelak eta salaketa aurkeztuko du. Inongo oinarri juridikorik gabe, Ertzaintzaren jarrera oldarkorra Hala Bediko kazetarien lana oztopatzea izan zen, informatzeko eskubidea urratuz.
Prentsa askatasunaren aurkako erasoak
Bideoz jasotako Ertzaintzaren jarrera oldarkor hura ez zen ostiralean Hala Bediko kazetariek pairatu zuten bakarra izan: mehatxuak, identifikazioak eta euren lana burutzeko oztopoak jasan behar izan zituzten irratiko zenbait kidek. Egoera baretu zenean ere, kazetarien aurkako jazarpenak ez zuen etenik izan.
Kazetarien jarduna oztopatzeko saiakeren adibide gehiago izan dira azken urteetan, salaketa eta isun mehatxuak ugariak izan dira jarduera polizial baten irudiak hartzea ekiditeko. 2015ean indarrean sartu zen Mozal Legeak eta honek indar polizialei emandako eskumenak eta salaketak bideratzeko erreztasunak areagtotu egin zuen mehatxu hori.
Ostiralekoak ez dira medio honetako kazetari eta kideek poliziaren partetik jaso dituzten eraso bakarrak. Iragan urtarrilaren 30eko Greba Orokorrean argazkiak ateratzen ari zen Hala Bediko kide baten lana oztopatu eta mehatxatu egin zuen Gasteizko Udaltzaingoak. 2017an, aldiz, Jaurlaritzak Mozal Legea ezarri zion Errekaleorreko argi mozketaren berri ematen ari zen Mikel Saenz de Buruaga kazetariari, Ertzaintzak honen telefonoa apurtu ostean. Hala Bedik auzitara eraman zuen Eusko Jaurlaritza eta bi urteko prozesu judizial luze baten ostean epaiketa irabazi zuen herri komunikabideak.
Apiatuetakoaz gain badira beste adibide ugari, eta, kasu isolatuak izatetik urrun, Hala Bediren jardunaren eta prentsa askatasunaren aurkako eraso jarraitu bati erantzuten diote. Informatzeko eskubidearen aurkako eraso hauek onartezinak direla deritzo Hala Bedik. Honen aurrean, informatzen, poliziaren gehiegikerien irudiak zabaltzen eta eskubide urraketak salatzen jarraituko du Hala Bedik, guztion eskubidea baita.
2.700 euroko isuna ere ezarri dio Espainiako Auzitegi Nazionalak. Otsailean atxilotu eta inkomunikatu zuten, Twitterreko zenbait argitalpeni lotuta. Manifestazio bat izango da larunbat honetan Iturmendin, errepresioaren kontra eta adierazpen askatasunaren defentsan.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]
Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]
Grafitigileak identifikatzea da Gasteizko Udalaren helburua. Horretarako, grafologiaz baliatzen den Orion Analistas enpresa kontratatu du.
“Nahikoa da”, esan du Anthony Albanese Australiako lehen ministroak Democracy Now!-ko albistegian, eta eskatu du Julian Assangeren kasua bertan behera uztea. Wikileaks-en fundatzaileak lau urte daramatza Londreseko Belmarsh kartzelan, estradizioaren zain AEBetan... [+]
Joseba eta Eñaut Alvarez aita-semeak zigortu dituzte San Sebastian egunaren bezperan Plaza Berrian Udaltzaingoarekin izandako talkarengatik. Bakoitzari 750 euroko zigorra ezarri diete, eta ostegunean epaitegian deklaratu dute.
Klubeko Zuzendaritza Bartzordeak adierazi du "oso larria" izan zela gertatutakoa. Urtarrilean ikurrina, Nafarroako bandera eta pankarta bat kendu zituen Espainiako Poliziak Sadar futbol zelaian.
“Hedabideek isilarazten dutenaz mintzo dira hormak”, zioen erdaraz Barakaldoko mural batek 1990eko hamarkadan, horma-irudien eta pintaketen zeregin nagusia azpimarratu nahian. Ahots anonimoak dira, horman idatzitako hitzetik mintzo direnak, espontaneoak gehienak, gai... [+]
Iazko urrian, pertsona bat kanporatu zuten Bilboko futbol zelaitik, Donetskeko bandera eramateagatik; elkartasunez, San Mamesetik alde egin zuten hainbat lagunek. Orain, hainbati jakinarazi diete 3.000 euroko isunak ezarri dizkietela, baita urtebetez kirol guneetara sartzeko... [+]