Ertzaintzak komisarian jipoitu zuen emakume arrazializatuaren kasua itxi dute prokuradoreak helegitea aurkeztea “ahaztu” eta gero
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi Gorenean helegitea aurkeztu nahi zuen, baina kasua itxita geratu da prokuradoreari errekurtsoa aurkeztea 'ahaztu' zaiolako, SOS Arrazakeria Bizkaiak eta Silvia no estás sola eragileek salatu dutenez
Gertakariaren jatorria 2018ko maiatzaren 26an dago,Getxon, Silviak Poliziari aurpegiratu zionean etxerik gabeko pertsona bati ematen ari zitzaion tratua. Eztabaida labur baten ondoren, Poliziak emakumea atxilotu eta komisariara eraman zuen. Bertan jipoitu zuen Ertzaintzak Silvia, segurtasun kamerek grabatutako bideoetan argi ikus daitekeenez.
¡Ya es hora que se conozca el caso de Silvia y que el Gobierno Vasco desista de la acusación formulada contra Silvia! pic.twitter.com/G1GTLB3e7h
— SOS Racismo Bizkaia (@sosracismobiz) February 9, 2022
Silviak komisarian jasandako indarkeria bideoz frogatu zen arren, eta sei urteko borroka judizialaren ondoren, sistemak berriro ere biktima "isilarazteko" mekanismoak aktibatu dituela salatu du SOS arrazakeriak.
Epaitegi Gorenera jotzeko ezinbesteko errekurtsoa zen prokuradoreak aurkeztu beharrekoa, eta hori gabe ukatu egin diote bide judizialarekin jarraitzea. Kasua itxitzat eman da eta ezingo da berrikuspen judizialik egin. Egoera salatzeko SOS Arrazakeria Bizkaiak eta Silvia no estás sola eragileek elkarretaratzea egin dute astelehen honetan Bilboko Justizia Jauregiaren aurrean.
Biktima errudun
2023ko azaroan egin zen epaiketa. Eusko Jaurlaritzak agente erasotzaileari abokatua jarri zion bitartean, Silvia ofiziozko abokatu batek defendatu zuen. Are gehiago, erasotzaileak berak jarritako salaketa baten ondorioz, emakumeak zazpi urteko kartzela-zigor eskaera jaso zuen.
Bizkaiko SOS Arrazakeria eta Silvia no estás sola eragileek ohar bidez gogoratu duenez, ikerketa polizien eta Segurtasun Sailaren hainbat "patroi kezkagarri" utzi zituen agerian: hasieran bideoak ezkutatu izana, Silviaren lesioen argazkirik ez aurkeztea, Torturaren Istanbulgo Protokoloa aplikatu ez izana, edo txosten psikologikoak baztertzea, besteak beste. Epaiak jaso zuen ertzainek inongo justifikazio legalik gabe atxilotu zutela emakumea. Azkenik, Bizkaiko Auzitegiak agente erasotzailea errudun jo zuen osotasun moralaren aurkako delitu batengatik eta lesio arinengatik, baina zigor arinak ezarri zizkion. Aldi berean, Silvia errudun jo zuten agintaritzari desobedientzia egotzita eta isun ekonomikoa ezarri zioten.
Aurten, Silviak Auzitegi Gorenera jotzeko asmoa zuen, bere errugabetasuna frogatzeko eta agenteak zigor gogorragoa jasotzea eskatzeko. Ez da posible izango, ordea, prokuradoreak ez duelako helegitea garaiz aurkeztu. "Orain, sei urte geroago, Silvia Auzitegi Gorenean desobedientzia delitu bidegabea egotzi ziotela errekurritzen saiatzen ari zenean, “ezusteko ahazte” nekez sinesgarrian: ofizioko prokuradoreak ez du errekurtsoa aurkeztu. Hau kasualitatea! Berriro gertakari nahasi, disuaziozko eta susmagarriak".
Arrazakeria eta bazterkeria "egunerokoak"
Justizia sistemaren egiturazko izaera salatu dute Silvia no estás sola eta SOS Arrazakeriak: "Prokuradorearen ‘ahanztura’ historia baten azken kapitulua da, erakusten duena segurtasun-indarren babes ‘politikoa’, arrazakeria instituzionala, emakume migratzaileen aurkako indarkeria eta justiziarako sarbidean dagoen desberdintasuna gure sistema judizialean eguneroko errealitateak direla".
Martxoaren 3ko Memoriala hornitzeko erabiliko dira bildutako objektuak. Ekimena ahalik eta jende gehienarengana iristeko asmoz, jardunaldiak antolatuko ditu Martxoak 3 elkarteak Gasteizko auzoetan.
.jpg)
Karen Daniela Ágredok dioenez, zortzi bat ordu eman zituen ziegako zoruan etzanda Ertzaintzak ospitalera eraman aurretik. Segurtasun sailburu Bingen Zupiriak berak eskatu du Eusko Legebiltzarrean agerraldia egitea.
Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.
Segurtasun sailburu Bingen Zupiriak adierazi du oraingoz ez dutela neurririk hartuko kasuaren inguruan, "gauzak ondo edo gaizki egin izanaren inguruko segurtasun edo ziurtasunik" ez duten bitartean. Ertzaintzaren agenteek eraso egin zioten emakumea "indarrik... [+]
Emakumearen familiako kideek jarri dute salaketa Bilboko Kolonbiaren kontsulatuan. Otsailaren 1ean jasan zuen erasoa, Donostiako Manterola kaleko diskoteka baten atarian. Hainbat testigantzen arabera, konorterik gabe egon arren berari kolpeka jarraitu zuen ertzain batek.
Azahara Domínguez Gipuzkoako Mugikortasun, Turismo eta Antolamendu Saileko diputatuak iragarri du, Jabier Zabaleta Ertzaintzaren buruarekin bildu ostean. Besteak beste, sexu erasoei aurre egiteko baliabideak eskainiko dizkiete, biktimak "azkarrago artatzeko... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.
Gutxienez hamabi poliziak inguratu zuten gaztea. Erail zuen agenteak esan du gainera joan zitzaiola agerraldia izan zuen gaztea, baina bertsio hori gezurtatu du lekuko batek. 2020an izan zen hilketa, eta orain ari dira epaiketa egiten.
Eusko Jaurlaritzako Segurtasun sailburuak orain arteko bertsioari eutsi dio. Bestalde, esan du Amaya Zabartek, martxoan PSGren kontrako futbol partiduan Anoetan larri zauritutako Realeko zaleak, ez zuela bere deklarazioan aipatu ertzain batek ostikoa jo zionik.