Ertzaintzak Mozal Legearekin isuna jarri dio tiroz matrailezurra apurtu zion herritarrari
Espainiako hauteskundeetan Vox-en ekitaldi baten aurka protestan ari ziren herritarren aurka oldartu zen Ertzaintza. Hainbat lagun zauritu zuen, eta horietako bati matrailezurra apurtu zion tiro batez. Orain Mozal legea aplikatu dio "ertzainak irainentzeagatik".
Apirilaren 13an Ertzaintza kontzentrazio baten aurka oldartu zen, gomazko pilotak ordeztu dituzten foam jaurtigaiak erabiliz, besteak beste. Voxeko presidente Santiago Abascalek Euskalduna jauregian eman behar zuen mitin baten aurka ari ziren protestan herritarrak. Jaurtigai horietako batek 19 urteko emakume baten aurpegian jo eta matrailezurra apurtu zion bi aldetatik. Ebakuntza egin behar izan zioten eta egunak eman zituen ospitalean.
Emakumea zauritu zuten ertzainak izan ziren emakumearengana hurbildu eta larrialdi zerbitzuetara deitu zutenak. Une horretan ertzainei zuzenduriko ustezko irainengatik isuna jarri dio orain Ertzaintzak, Naiz-ek jakinarazi duenez. Horrela dio isunaren jakinarazpen idatziak: “Agenteak artatu eta zerbitzu medikuak eskatzen ari zela, horrek –zaurituak– hainbat aldiz errepikatu zion: "Putaseme batzuk zarete", "kobratzen duzuenarekin merezi al du horren putasemeak izateak?". Aldi berean, ukabil itxia erakusten zuen, hatz luzea agenteei zuzentzen ziela".
Jakinarazpenak ez ditu jasotzen aurreko gertaerak, ez zergatik ari ziren ertzainak emakumea artatzen. Lau hilabete joan dira ordutik, eta orain Ertzaintzak isuna ezarri dio zauritutako herritarrari. Ertzainak iraintzea eta gutxiestea leporatzen dio, eta horregatik Mozal Legearen 33. artikulua aplikatu dio, 200 euroko isuna ezarriz. Herritarrak Naiz-i adierazi dio helegitea ezartzeko asmoa duela.
2016ko ekainean eta ARGIAk alderdi politikoei proposatu ostean, Eusko Legebiltzarrak Araba, Bizkaia eta Gipuzkoan Mozal Legea ez aplikatzeko konpromisoa hartu zuen.
Oldarraldi “profesionala”
Ertzaintzaren jokabideak kritikak piztu zituen apirilean. Gomazko pilotak ordezkatu dituzten foam jaurtigaien inguruko eztabaida piztu zen, baita Ertzaintzaren jarreraren ingurukoa ere. Ertzaintzaren arduradunek polizia operazioa babestu zuten. Josu Zubiaga kontseilariordeak “profesionala” izan zela adierazi zuen. Ertzaintzak matrailezurra apurtu izana ezinezkotzat jo zuen, "protokoloak burura apuntatzea debekatzen duelako". Estefania Beltran de Heredia Barne Sailburuak erabilitako biolentzia "proportzionala" izan zela adierazi zuen.
Edonola ere, Ertzaintzaren jardueraren inguruko barne ikerketa bat abiatu zutela ere jakinarazi zuten. Lau hilabete igarota, ez dago ikerketa horren berririk.
Pasa den martxoan, Realaren eta PSGren arteko futbol partidaren testuinguruan izandako istiluetan oso larri zauritu zuten Amaya Zabarte, ustez foam jaurtigailu batekin. Zazpi hilabete geroago, Probintzia Auzitegiak kasua ireki ala ez erabaki bezperan, elkarrizketa egin dio... [+]
Eusko Jaurlaritzako Segurtasun sailburu Bingen Zupiriak asteazkenean jakinarazi zuen: azarotik aurrera, bideo-kamerak eramango dituzte soinean ertzainek. Ohikoa da poliziek, inolako disimulurik gabe, kamerak eskuan hartu eta interbentzioren batean gertatzen ari dena grabatzea;... [+]
Otavio da Silva ertzaina irakasle aritzen da Desokupan, eta emakume gisa dago erregistratuta. Bestalde, badirudi udan bere bikotekidea erailtzen saiatu zen ertzaina ez dutela Poliziatik bota.
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
2021eko urtarrilaren 20eko istiluetan atxilotutako sei gazteek epailearen aurretik pasatu beharko dute urriaren 22an.
Eusko Jaurlaritzako Segurtasun sailburuak orain arteko bertsioari eutsi dio. Bestalde, esan du Amaya Zabartek, martxoan PSGren kontrako futbol partiduan Anoetan larri zauritutako Realeko zaleak, ez zuela bere deklarazioan aipatu ertzain batek ostikoa jo zionik.
Ertzaintzak bi emakume atxilotu ditu Gasteizen, eta hirugarren bat ikerketapean dago, prostituzio-delituak egotzita. Haien klubean aritzen ziren emakumeek esplotazio-baldintzetan lan egiten zuten, Ertzaintzaren arabera.
Tuteran 30 urteko gizon bati 23 urteko bikotekideari erasotzea leporatu diote, eta Ondarroan 31 urteko gizon bati lankide bati ukituak egitea, herriko osasun etxean. Bilboko jaietan bi sexu eraso salatu dituzte, eta Donostian 20 urteko gizon bat atxilotu dute, hiriaren... [+]
Ertzaintzak ertzain bat atxilotu du, hiru pertsona hiltzen saiatzea egotzita. Agentea lan orduetatik kanpo zegoen, eta deklaratu zuen bere buruaren defentsan egin ziela tiro furgonetan zihoazen ustezko hiru lapurri. Ertzaintzaren ikerketaren arabera, gezurra da deklaratu duena.
Lurrean zela, polizia batek Realeko zaleari ostikoa jo ziola ikus liteke Ertzaintzak bere ikerketan erabilitako bideoetako batean, Noticias de Gipuzkoa-k zabaldu duenez. Martxoan, Realaren eta PSGren arteko Donostiako futbol partidaren testuinguruan izandako istiluetan zauritu... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]