Ertzaintzak gazte bat jipoitu duela salatu dute Gasteizen kalean poliziak grabatzeagatik
Abuztuaren 7ko goizaldean Ertzaintzak atxilo eraman zuen Gasteizen, kalean poliziak grabatzeagatik. Agenteen eskuetan izan zen bitartean hainbat aldiz jipoitu eta iraindu zutela salatu dute. Epaitegitik pasa dena, ordea, gaztea bera izan da, “Poliziari atentatua” leporatzen baitiote.
Asteazken honetan, abuztuak 12, dozenaka gazte elkarretaratu dira Gasteizko Alde Zaharreko San Markos kantoian, gazte baten aurkako Poliziaren jazarpena salatzeko. Horrez gain, jaiak galarazteko aitzakipean, Ertzaintzak gauzatu dituen operazio handiak utzi dituzte begi bistan, Gedarrek aditzera eman duenez.
Gaztearen testigantzaren arabera, abuztuaren 7ko ostiral goizaldean atxilotu zutenean "jipoiak" eta "tratu txarrak" jasan zituen ertzainen partetik, agenteak operazio batean grabatu zituela eta. Ertzainak Pintoreria kalera “abiadura bizian” sartu omen zirenez, gertakariak mugikorrarekin grabatzen hasi zen gaztea. Horren ondorioz, atxiki egin zuten eta mugikorra emateko agindu zioten. Gazteak uko egin zionez, kalean “jipoitu” eta “mehatxatu” egin zutela adierazi dute. Azkenean “mugikorra ematera eta bideoa ezabatzera” derrigortu zutela jakinarazi dute.
Jarraian, komisaldegira eraman zuten gaztea, bertan “biluztu”, “iraindu” eta “jipoitu” egin zutela ohartarazi dute. Epaitegietara eraman zuten azkenik, “Poliziari atentatua” egotzita. Bere burua defendatzeko zuen froga bakarra agenteek “ezabatu” egin zutela azpimarratu dute.
Ezinbestekotzat jo dute halako kasuak publikoki salatzea, “beraien inpunitatea mugatzeko”.
.jpg)
31 urteko emakume kolonbiarra osasun zentrora eraman ordez ertzain etxera eramatean agenteek "akatsa" egin zutela aitortu du Segurtasun sailburuak, baina azpimarratu du ez zuela "jipoirik" jaso.
Martxoaren 3ko Memoriala hornitzeko erabiliko dira bildutako objektuak. Ekimena ahalik eta jende gehienarengana iristeko asmoz, jardunaldiak antolatuko ditu Martxoak 3 elkarteak Gasteizko auzoetan.
.jpg)
Karen Daniela Ágredok dioenez, zortzi bat ordu eman zituen ziegako zoruan etzanda Ertzaintzak ospitalera eraman aurretik. Segurtasun sailburu Bingen Zupiriak berak eskatu du Eusko Legebiltzarrean agerraldia egitea.
Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.
Segurtasun sailburu Bingen Zupiriak adierazi du oraingoz ez dutela neurririk hartuko kasuaren inguruan, "gauzak ondo edo gaizki egin izanaren inguruko segurtasun edo ziurtasunik" ez duten bitartean. Ertzaintzaren agenteek eraso egin zioten emakumea "indarrik... [+]
Emakumearen familiako kideek jarri dute salaketa Bilboko Kolonbiaren kontsulatuan. Otsailaren 1ean jasan zuen erasoa, Donostiako Manterola kaleko diskoteka baten atarian. Hainbat testigantzen arabera, konorterik gabe egon arren berari kolpeka jarraitu zuen ertzain batek.
Azahara Domínguez Gipuzkoako Mugikortasun, Turismo eta Antolamendu Saileko diputatuak iragarri du, Jabier Zabaleta Ertzaintzaren buruarekin bildu ostean. Besteak beste, sexu erasoei aurre egiteko baliabideak eskainiko dizkiete, biktimak "azkarrago artatzeko... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.
