Ertzaintzak Etxarri II gaztetxea hustu du Bilboko Errekalde auzoan
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Ostiral goizerako zegoen iragarrita Etxarri II gaztetxearen hustuketa, baina operazioa ostegun arratsaldean hasi zuen Ertzaintzak. Polizia indar ugarirekin bildu zen bertara eta gaztetxearen inguru osoa gau osoan kontrolpean izan du gaur goizean hustuketa agindua betetzeko.
Alboko eraikinetatik, iragarritako orduan sartu da Ertzaintza gaztetxera eta bertan, gaztetxearen defentsan ziharduen gazte taldea kanporatu du 10:00ak aldera. Ez da atxiloketarik izan. Barruan ziren gazteei sostengua adierazteko eta kanporatzea salatzeko dozenaka lagun bildu dira gaztetxearen inguruetan.
Ostegun arratsaldean manifestazioa egin zen auzoan gaztetxeari sostengua adierazteko, eta manifestazioa gaztetxe ingurura hurbildu zenean, hura inguratuta zuten ertzainek manifestariei oldartu zitzaien. Ondoren istiluak egon ziren eta manifestariek barrikadak altxatu zituzten.
Sare Antifaxistak jakinarazi duenez, ertzaintzak sei lagun zauritu zituen. Gedar atariak zehaztu duenez, horietako bati urgentziaz ebaketa egin behar izan diote. Agerkariak dioenez, bost atxilotu ere izan ziren eta horietako lau askatu dituzte jada. Ertzaintzaren esanetan, halaber, lau ertzain ere zauritu zituzten istiluetan.
Kukutzatik Etxarrira
Errekalde auzoak gaztetxe tradizioa handia du eta lehenago ere horretara bideratutako eraikin ugari hustu ditu Ertzaintzak, horietatik esanguratsuena akaso 2011n hustu zuten Kukutza III eraikina. Orduan istilu handiak izan ziren auzoan eta milaka pertsona atera ziren kalera itxieraren aurka protestatzeko. 1996tik hasita, beste bi Kukutza ere hustu zituzten.
Etxarri II gaztetxe hustu berriko gazteek Bilboko Udala eta Amenabar eraikuntza enpresa egin dituzte ostiral honetako hustuketaren errudun. Orube horretan ehunka etxe eraikitzeko proiektua dagoela azaldu dute gazteek, baina horietako gutxi batzuk besterik ez direla Babes Ofizialeko Etxeak, eta gehienak luxuzkoak izango direla, milioi erdi eurotik gorakoak eta gazteentzat guztiz eskuraezinak.
Pasa den asteko "kaleratze ilegala" salatu dute hainbat herritarrek, ostiral arratsaldean.
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.
Amenabar enpresak Bilboko Udalaren eskutik apirilaren 4rako agindu duten desalojoaren kontra azaldu dira bilkuran. Poliziak indarrez kanporatu ditu. Ostiral honetan18.30ean, Errekaldeko Plazatik hasiko den manifestaziora batzeko deia luzatu dute gazteek, baita desalojoaren... [+]
Bilboko Udalak eta Amenabar enpresak proiektu urbanistiko baten pean itxi nahi dute 10 urtez auzoko bizitza sozialaren erdigunea izan den topalekua. Horren aurrean, hiriko 55 kolektibok baino gehiagok manifestu bat sinatu dute prozesua gelditzeko exijitzeko.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
Iruñerrian bat egin dute hainbat Gazte Asanbladak, Burlatako Gaztetxearen alde. Etxarriren desalojoa gelditzera deitzeko, bestalde, manifestazio bat antolatu dute Bilbon hilaren 28rako.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]
Errekaldeko Gaztetxearen aurkako huste-agindua heldu da jadanik. Espazioa defendatzera deitu dute bertako kideek.
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Larrabetzuko Hori Bai Gaztetxeak 60 urte bete ditu. Euskal Herriko Gaztetxe zaharrena da Larrabetzukoa.
1965ean sortu zen Larrabetzuko Hori Bai gaztetxea, frankismo garai betean. Ordutik ez ditu ateak itxi, eta 2025ean 60 urte bete ditu. “60 urte lotu barik” lelopean eman diote hasiera urteurrenari gaztetxeko kideek.
Eraikin osoan zehar egin dituzte margoketa faxistak. Erasoa salatzeko, protesta bat antolatu dute larunbaterako.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.