Ertzaintzak Errekaldeko Etxarri gaztetxea hutsarazi du
Etxarri gaztetxearen sare sozialetatik zabaldu dute berria; 09:30ak aldera, Ertzaintzaren furgonetak gaztetxera hurbildu dira hau husteko asmoz. Jendetza gerturatu da auzora gerturatzeko deiari erantzunez eta arratsaldeko 19:30ean manifestazioa deitu dute Errekaldeko plazatik abiatuta.
Gaztetxearen ingurukoek URIOLAri adierazitakoaren arabera, Udalak eraikinaren gaineko itxiera agindu bat emana du, "prozedura administratibo hutsa dena, ustez ez dituelako segurtasun arauak betetzen". URIOLAri azaldu diotenez, “desalojoa ez da legala, gauza bat da ixtea eta beste bat desalojoa”. Guzti horregatik Iñaki Karro abokatuak "desalojo bidegabe" baten aurrean, salaketa jarriko duela aurreratu dute.
Berria.eus agerkariari Udaleko iturriek baieztatu diotenez, Udaltzaingoa eta Ertzaintza elkarlanean aritu dira operazioa horretan. Haien esanetan, gaztetxean ekintzak egiteko behar diren segurtasun neurriak ez betetzeagatik hartu da ixteko erabakia. Neurri horien faltagatik hainbatetan ohartarazi dietela esan du udalak.
Etxarri inguruan jendetza bildu da baina Ertzaintzak moztuta izan ditu trenbide gaineko pasagunea eta Diaz Enparantza Doktorearen kalea, Gaztetxearen kalea dena. Goiz erdian, 12:00ak aldera, eraikina hormatzeari ekin diote eta bertan bildutako lagunek udaletxerako bidea hartu dute.
Asmoa, protesta modura udaletxean sartzea bazen ere, talde txiki batek baino ez du lortu eta 5 minutura kaleratu dituzte. Kanpoaldean tentsio uneak ere bizi izan dira eta Polizia protestan zeudenen aurka oldartu da.
Manifestazio deialdia
Arratsaldeko 19:30ean manifestazioa abiatuko da Errekaldeko plazatik desalojoa salatzeko.
Bi urte lanean
Kukutza itxi eta hiru urtetara, 2014ko uztailean, okupatu zuen Etxarri gaztetxearen eraikina gazte talde batek. Momentu hartan, hormigoizko lantegi zaharra hutsik zegoen eta "zoro parean" lan egin zuten auzoko "beharrizanei" erantzungo zien espazio bat lortzeko asmoz. 2016ko apirilean, Asier Abaunza zinegotziak orduan iragarri bezala, "pabilioi industriala okupatzearen ondorioz sortutako arazoek" Udalak Etxarri gaztetxeari espediente bat irekitzea ekarri zuen. Abaunzak jakinarazi zuen, 2015eko udatik Udalak hainbat saiakera egin zituela bertako kideekin "komunikatzeko".
Albiste hau Uriolak argitaratu du eta CC-by-sa lizentziari esker ekarri dugu ARGIAra
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]