Ertzaintzak EHUren San Mameseko campusa hustu eta 203 ikasle identifikatu ditu
San Mameseko campusean Herri Unibertsitatea egiten ari ziren ikasleek hutsarazte mehatxua jaso dute. Arriskuaren aurrean, teilatura igo dira eta han igaro dute asteazkenetik ostegunerako gaua. EHUk “arauak apurtzea” egotzi die.
Hego Euskal Herriko campusetan Herri Unibertsitateak egiten ari dira astelehenetik. Asteazkenean San Mameseko campusean batu ziren, ekimen nazionala egiteko. EHUk gaztelania hutsez bidalitako komunikatu batean azaldu duenez, honako baldintzak ezarri zizkien aldez aurretik: “Espazioen eskaera nominala, ezarritako gelen erabilera, gaua igaro zezakeen pertsona kopurua eta sukaldeko materialen erabilera eza”. Bertaratutako ikasleek, berriz, lo egitera geratzea erabaki zuten.
“Arauak hautsi dituzte”, adierazi du EHUk komunikatuan. Ondorioz, Ertzaintzaren eta Segurtasun Sailaren “laguntza” eskatu zutela azaldu dute, ikasleak instalazioetatik kanporatzeko. Hauek, hutsarazte arriskuaren aurrean fakultateko teilatura igo ziren. 203 lagun identifikatu dituzte.
Ikasleek “logika kapitalistarekin” lotu dute gertatutakoa: “Produkzio eredu honi ez zaio interesatzen Herri Unibertsitatean garatuko dugun jakintza ekoizpena barneratzea”. Nekane Balluerka errektoreak, aitzitik, “ondare publikoaren erabilera ez legitimo” bezala kalifikatu du, eta “eskubiderik ez dagoela” adierazi du.
LOMCEren aurkako mobilizazioa deitu du ostegun honetarako Ikasle Abertzaleak, “otsailaren 23an ikasleria mobilizatu, apurtu eta eraiki!” lelopean. “LOMCEren zein unibertsitate eredu kapitalistaren apurketa eta heziketa eredu berrien eraikuntza” aldarrikatzea dute xede.
Hutsaraztearen bideoa:
Ikasleak San Mamesetik ateratzen diren bitartean kanpotik babes mezuak #HUeraiki pic.twitter.com/HaXALmiO94
— HERRI UNIBERTSITATEA (@HUnibertsitatea) 2017(e)ko otsailak 23
[Eguneraketa, 2017-02-23]
Nekane Balluerka EHUko errektoreak prentsaurrekoa eskaini du eguerdian asteazken gaueko gertaeren inguruan azalpenak emateko. Jakinarazi duenez, San Mames Campuseko eraikinean "gotortu" ziren ikasle talde batzuek "txikizio larriak" eragin zituzten eta unibertsitateak salaketa jarriko du.
Herri Unibertsitateko kideek ostegunean 19:30etan agerraldia egingo dute euren iritzia emateko.
Asteazkenean izan da aurtengo Herri Unibertsitate nazionalaren aurreneko eguna, Leioako campusean. Ostegunerako ere prestatu dituzte hitzaldi, mahai-inguru eta aisialdirako jarduerak.
Otsailaren 16an eta 17an izango dira aurtengo jardunaldiak, Leioako campusean. Egitaraua aurkeztu dute jada, hitzaldi, mahai-inguru, mobilizazio eta aisialdi jarduerekin. Roberto Fineschi filosofoa, Ani Perez pedagogoa nahiz Ekida arte ekimen sozialista izango dira aurten,... [+]
Aurten ere, "zailtasunak zailtasun", Herri Unibertsitate nazionala izango dela baieztatu du ikasle mugimenduak. Bi egunetarako egitaraua aurkeztu dute jada, hitzaldi, mahai-inguru zein kultur jarduerekin. Gonbidatuen artean izango dira, besteak beste, Ekida kultur... [+]
Jakintza-esparruka banatutako lantaldeetan ikerketa eta trebatze ariketarekin hasiko dira Euskal Herriko hainbat ikasle, “kapitalaren mesedetan ikasiarazten diguten jakintza langile mugimenduaren mesedetan jartzeko”.
Herri Unibertsitatea antolatuko dute otsailaren 17, 18 eta 19 bitartean Gasteizko unibertsitateko ikasleek, aktualitatearen hausnarketa kritikoa burutu eta eztabaidak irekitzeko helburuarekin.
Gasteizko Errektoreordetzak eta Dekanotza taldeak Herri Unibertsitatean aurrera eraman ohi diren itxialdiak debekatu ditu. 1.700 sinadura bildu dituzte eta astelehenean mobilizazioa egingo dute debekua salatzeko.
EHUko Leioako Campusean egingo dute aurtengo Euskal Herriko Unibertsitate nazionala hilaren 27 eta 28an. Hilaren 19, 20 eta 21ean, halaber, Herri Unibertsitatearen ekimenak egingo dira Bilbon, Leioan, Gasteizen, Donostiako Ibaetan eta NUPen. Ondorengo lerroetan dago Herri... [+]
Donostiako Ibaetako Campusean egiten ari dira aurten Euskal Herriko Herri Nunibertsitate Nazionala. Asteazkenean izan ziren lehen hitzaldi eta blokeak eta ostegunean bigarren egunez jardungo dira "gaur egungo hezkuntza sistemarekin amaitu eta guretzat baliagarri izango den... [+]
"Zapalduoi beharrezkoa zaigu elkartzea, eztabaidatzea, ikastea, harremantzea, borrokatzea; klase batasunaren bidez soilik lortuko baitugu desjabetuona izango den unibertsitatea eta harreman sozial berrien eraikuntza". Asmo horrekin abiatu da Herri Unibertsitate... [+]
Bueltan da aurtengoan ere Herri Unibertsitate Nazionala. Jadanik, bost urte igaro dira Herri Uniaren proiektuari ekin geniola Euskal Herriko hainbat kanpusetan. Leioako kanpusean hasi eta zenbait Hego Euskal Herriko kanpusetara zabalduaz, hezkuntza eredu propioa eraikitzea... [+]
Herri Unibertsitatearen edizio berri bati ekin diote Leioako campuseko ikasleek, herritik herriarentzat sortutako hezkuntza eredua bultzatzea helburu. Hiru egunez, tailer, hitzaldi eta eztabaida aberasgarri ugari antolatu dituzte.