Datozen orduetan hainbat mobilizazio egingo da Donostian atxilotutako gazteei elkartasuna adierazteko. Gaur manifestazioa egingo da 19:00etan Donostian, eta bihar martxa bat egingo da Martuteneko espetxeraino. Beste hainbat herritan ere egingo dituzte mobilizazioak.
Mobilizazioak:
Iruñea: 19:00etan Udal plazan.
Bartzelona: Sant Jaume plazan 20:00etan.
Erreakzioak
"Antzerki handi horrek ez du ezertarako balio". Hala adierazi du Idoia Mendia Eusko Jaurlaritzako bozeramaile ohiak , Aske Gunean gertatutakoaz galdetu diotenean: "Oso mezu nahasgarria bidaltzen du. Justiziarekin zerbait zintzilik baldin baduzu aurkeztu egin behar duzu zure burua. Horrelako agerraldiek ez diote laguntzen ezertarako klima politikoari".
Antonio Basagoiti EAEko PPko buruaren hitzetan, bestalde, "Ertzaintzak atxiloketa gehiago egin eta irmoago jokatzen badu, ezer egin baino lehen, are gehiago pentsatuko du Sorturi estalkia ematen ari zaion jendeak".
Berria.info ari da erreakzioak biltzen, Alternatiba alderdiarenak tartean: "Elkartasun aktiboa eta ez-biolentziarekiko konpromisoa agertu dute erresistentzia zibilaren bitartez, eta auzi honetan bakoitzaren kokapena agerian utzita. Deitoragarria da Iñigo Urkulluren Gobernuak erakutsitako jarrera, berriz ere jarri baitu Ertzaintza bakea zein normalizazio politikoa oztopatzeko asmoa besterik ez duen Espainiako Erresumako Gobernuaren borondatearen zerbitzura.
Joseba Alvarez EH Bilduko kideak, bestalde, herritarrak "arrazoi politikoengatik" ez jazartzeko eskatu du, eta mobilizazioetan parte hartzeko deia egin du. (Iturria: Naiz.info)
Dozenaka Ertzainek hartu dute Bulebarra
Ertzaintza goizeko 6:00etan sartu da Donostiako Bulebarrean kokatutako Aske Gunean, Segikoak izateagatik zigortutako gazteak atxilotzeko. Jende andanak inguratu ditu gazte horiek, eta poliziek bi ordu baino gehiago behar izan dituzte haiek arrastaka atera eta zigortutako lagunengana heltzeko. Zigortutako zortzi gazteetatik sei zeuden han, eta haiez gain, beste bi pertsona atxilotu ditu Ertzaintzak. Gutxienez 20 zauritu izan dira.
Lekukoen arabera, 20-25 furgoneta azaldu dira Aske Gunean, beste hainbatek Bulebarrerako sarbideak ixten zituzten bitartean.
Prentsa askatasunari eraso
Aske Gunean zegoen Lander Arbelaitz ARGIAko kazetariak azaldu duenez, prentsa-txartela agerian izan arren, haren mugikorrari kolpea eman diote ertzainek. Ondoren kazetariak kioskora igotzera behartu dituztela esan du: "Hemendik ezin dugu gertatzen ari dena gertutik kontatu; ez dago hau onartzerik", idatzi du, kioskora bultzaka igo dutenean. Horren aurrean, kioskotik salto egin eta lurrean eserita zegoen jendearen artean sartu da berriro.
Herri harresia eusten ordubeteren ondoren:
Herri Harresia barrutik:
Donostiako Herri Harresian atxilotutako gazteen abokatuek Espainiako Zigor Kode berriaren arabera gradua jaisteko eskatu zuten, baina Auzitegi Gorenak ukatu egin du eta beraz, sei urteko kondena osotasunean bete beharko dute, espetxean jarraitzen duten bost gazteek.
IV Libre Topaketak egingo dituzte ostiralean eta larunbatean, Donostian, Eleak-Libre mugimenduak antolatuta, Mozal Legea salatu eta Aske Gunean atxilotutako gazteen askatasuna aldarrikatzeko.
Donostiako Askegunean atxilotu zuten Oier Lorente eta lau urteren ostean atera da kartzelatik; Segiko kide izateagatik 6 urteko espetxe zigorra ezarri zion Auzitegi Nazionalak.
Donostiako Askegunean atxilotu zuten Aitor Olaizola eta lau urteren ostean atera da kartzelatik, orotara sei urteko espetxe zigorrarekin ordainduta Segiko kide izatea egotzi izana. Ehunka lagun izan ditu zain Donostiako Alde Zaharrean, ongietorria emateko.
Gazte bati urtebeteko kartzela zigorra ezarri diote Ertzaintzak Ekaitz Ibero atxilotzea saihesteko antolatutako Donostiako Aske Gunean parte hartzeagatik. Donostiako Auzitegiak “desobedientzia larria eta desordena publikoa” egotzita zigortu du 2013ko apirilaren 10eko... [+]
Eleak mugimenduak eta Libre dinamikako taldeek Konpromiso Eguna antolatu dute Donostian larunbaterako. Eskubide sozial eta politikoen aldeko lana bateratu, indartu eta egonkortu nahi dute datozen makro-epaiketei eta Mozal Legearekin batera etorriko diren erasoei begira.
Edurne Martinez altsasuarrari 15 hilabeteko kartzela zigorra eta isuna eskatzen diote Donostiako AskeGunean parte hartzeagatik. “Autoritatearen aurkako atentatua” egozten diote, eta berak erabat ukatzeaz gain, muntaia poliziala dela salatzen du.
Donostiako AskeGunea osatu zela lehen urteurrena betetzear den honetan, Libre Topaketak 0.1 antolatu dituzte Gipuzkoako hiriburuan bertan. Hausnarketa, formakuntza eta eztabaida saio kolektiboa antolatu dute.
“Langraitz bidea” hautatu duten bi presok, Joseba Urrusolo Sistiagak eta Rafael Caride Simonek, ezker abertzaleari presoen alorrean urratsak emateko eskatu diote Noticias taldeko egunkarietan argitaratutako iritzi artikulu baten bidez.
Sari Nagusia Berriak Joko Olinpiarrei egindako jarraipenak jaso du. Ainara Argoitiak Barren aldizkarian egindako bost artikuluk merezi izan dute Sari Berezia. Kazetari Berriaren saria Alex Gurrutxagak Berria egunkarian egindako literatur kritikak nabarmendu ditu. Horiez gain... [+]
Bi egunetan Nahikari Otaegiren kondena txandaka kartzelan betetzeko prest agertu dira 200 pertsona baino gehiago, ARGIAri Nahikari Aske ekimeneko iturriek baieztatu diotenez. Aranjuezko espetxean preso dago Otaegi, zortzi hilabeteko semearekin. Segiko kide izatea egotzita sei... [+]