Ertzaintzak bere burua eskaini zuen Urtza Alkorta atxilotzeko, Gararen arabera
Espainiako Entzutegi Nazionalak Urtza Alkorta ondarrutarraren atxiloketa Polizia espainiarrari eta Goardia Zibilari agindu zien Garak gaur argitaratu duenez. Egunkari horrek eskuratutako dokumentuek erakusten dutenez, Ertzaintzak telefonoz bere burua eskaini zuen Alkorta atxilotzeko.
Fernando Grande Marlaska, Manuel Fernandez eta Ramon Saezek osatutako tribunalak ondorengoa agindu zuten, Garak argitaratzen duenez: "Urtza Alkorta Arrizabalaga bilatzeko, atxilotzeko eta kartzelan sartzeko dekretatzen da, 5 urte eta egun 1 bete ditzan behin betiko sententzian jasotzen den bezala, Poliziaren Zuzendaritza Orokorrari eta Guardia Zibilari orden hau betetzea dagokie".
Iñaki Iriondok sinatutako albistean jasotzen da, aipatu dokumentuan Ertzaintza aginduetatik kanpo geratzen dela, eta Alkortak publikoki herri harresia deitu zuenean, Ertzaintzak deitu egin zuela agindua beraiek beteko zutela adierazteko.
Idazkaritza judizialaren hitzak sartu dituzte, non irakur daitekeen ondorengoa: "Gaur Ertzaintzako funtzionarioekin izandako elkarrizketan telefono bidez komunikatu digute kondenatuta dagoen Urtza Alkorta Arrizabalagak show edo programa batean parte hartuko duela 12:00etan eta komisaldegian bere burua aurkezten ez badu bere aurka dagoen bilatze eta atxilotze agindua betez berau atxilotzea egingo dutela".
Ertzaintzak Urtza Alkorta Ondarroako AskeGunean atxilotu zuen. 500 bat pertsonak bere atxiloketa zaildu zuten zubi harresia eraikiz. 300 bat agente, 40 furgoneta, 2 zodiac eta helikoptero bat joan ziren Alkorta atxilotzera. Alkortak salatu zuen bere aurkako froga bakarra torturapean sinatutako paper bat zela.
EH Bilduko JHulen Arzuagak adierazi du Ertzaintzak aginduak bete behar dituela esatean, Estefania Beltran de Herediak "gezurra" esan zuela.
Hemen Alkortaren atxiloketaren uneak. Bideoa: Argia.
Informazio gehiago:
"Kartzelak husteko garaia" zela argudiatuta, Urtza Alkorta ondarrutarraren atxiloketa saihesteko zubi harresia eraiki zen Ondarroan 2013ko maiatzaren 10ean. Lau egunetan, Ondarroatik egindako aldarriak Euskal Herriko mugak gainditu zituen.
Azaroaren 14an askatuko dute Urtza Alkorta ondarrutarra. Bere kasua ezagun egin zen, ehunka lagunek desobedientzia aldarrikatu eta sei egunez bera babesteko "zubi harresia" antolatu ostean.
Bost pertsonari urte banako kartzela zigorra eta isun ekonomikoak jarri dizkie Bilboko zigor-arloko epaitegiak. Ondarroako herri harresian ertzaintzako agenteen aurka "atentatu delitua" eta lesioak eragitea egozten diete. Bost auziperatuek epaiketan karguak ukatu... [+]
Estefania Beltran de Heredia sailburuak Urtza Alkortaren atxiloketaren operazioaren kostuen berri eman du. Orotara 282 ertzainek hartu zuten parte maiatzaren 15ean, 34 furgoneta erabili zituzten, lau auto eta bi itsasontzi.
200€-ko isunak iristen hasi zaizkie Ondarroako Aske Gunean identifikatutako kideei. Erlantz Alkorta, Urtza Alkortaren neba, da isuna jasotako bat, eta ARGIAk berarekin hitz egin du.
Maiatzaren 15ean Urtza Alkorta atxilotu zuen Ertzaintzak Ondarroan, Espainiako Auzitegi Gorenaren aginduz. Ehunka herritarrek bere inguruan sortutako “herri harresiaren” irudi ikusgarriak bildu dituzte Axier Lopez eta Lander Arbelaitz kazetariek Argiaren... [+]
10:00ak inguruan atxilotu dute ertzainek Urtza Alkorta [ikusi bideoa]. 6:30ean heldu dira Ondarroara, 30 bat furgonetatan. Alkortaz gain, Ertzaintzak jakinarazi du beste bi pertsona atxilotu eta zortzi identifikatu dituztela.
Hemen ikus ditzakezue Urtza Alkorta ondarrutarra atxilotu duten goizeko bideoak. Gehienak Axier Lopez eta Lander Arbelaitzek grabatuak dira, eta beste hedabideetako batzuk ere jartzen joango gara.
Ondarruko Aske Gunean alarmak jo du, Iurretatik ertzaintzaren 6 eta 8 furgoneta artean atera direlako mezua zabaldu da. Ostera, ordea, ertzainak berriz Durangorantz itzultzen ari zirela jakin da.
Urtza Alkorta azken minutuetan zutik egon da Ertzantzari erabiltzen ari den indarkeriagatik kargu hartuz. 10:00ak inguruan eraman dute arrastaka. 6:30ean heldu dira ertzainak Ondarroara, 30 bat furgonetetan. Goizeko bideo eta argazkiak Lander Arbelaitzen blogean aurkituko... [+]
Hasi aurretik oharra: post honetan Ondarroan AskeGunea ireki zutenetik amaitu arte, sei egunez bizitakoa topatuko duzu, ahalik eta txukunen kontatua. Gainbegirada bat eman nahi badiozu, behe-behetik gora hastea gomendatzen dizut, gertaeren eboluzioa ikusi ahal izateko
Gaur ostiralean 12:30ean Ondarroan "herri harresia" osatzeko dei egin du Urtza Alkortak. Egun Sortuko kide da eta ETArekin kolaboratzeaz akusatzen dute. Ertzaintza bere etxera bitan joan da atxilotzera, asteazken eta ostegunean, eta ez dute etxean topatu. ARGIAk... [+]