Jaurlaritzak jakinarazi ditu datuak: ertzain batek, batez beste, ia 2.700 euro gordin irabazten ditu hamalau ordainsaritan. Ertzainen Mugimendu Asindikalak eskatzen duena betez gero, urteko batez besteko ordainsari gordina 63.000 eurotik goragokoa litzateke.
Eusko Jaurlaritzak Ertzaintzaren hainbat zifra publiko egin ditu, gaia pil-pilean dagoenean. Aipagarria da hori egiteko baliatu duen modua: EAJko legebiltzarkide batek erregistratu du informazio-eskaera Eusko Legebiltzarreko jardueren artean, Josu Erkoreka Jaurlaritzako Segurtasun sailburu jeltzaleari zuzenduta. Dokumentu hauxe da ekainaren 12an Erkorekak erantzun gisa erregistratu duena.
Lehen puntutik gezurtatu du protestan ari diren ertzainek salatzen dutena, lan-baldintzak ez direla aldatu 2012az geroztik. Horretarako, Segurtasun sailburuak 2012tik hona Jaurlaritzak onartu dituen hamar dekretu inguru zerrendatu ditu.
Funtsean, Erkorekaren esanetan, %17,15 igo dira ertzainen soldatak 2012tik 2023ra.
Ertzaintzaren oinarrizko eskalari erreparatuta, agenteek, 2022an, batez beste, 2.327 euroko ordainsari garbia izan zuten osagarri eta konpentsazio guztiak gehituta; hau da, urtean ia 46.000 euro gordin. Aurten, berriz, 350 euroko soldata igoera izaten ari dira: izan ere, batez beste, ordainsari garbia hilean 2.755 eurokoa da 2023an; urtean, 48.000 euro gordin baino gehiago.
Horrez gain, Segurtasun sailburuak oinarrizko eskalan kokatzen diren ertzain agenteen soldatarik baxuenak eta altuenak alderatu ditu. Urte eta lanaldi osoan lan egin zuen ertzainak, gutxien kobratu zuenak, 2.114 euroko ordainsari garbia izan zuen hilero –urtean ia 41.700 euro gordin–. Aldiz, gehien kobratu zuen ertzain agenteak, hilean 3.762 euro garbi irabazi zituen–hamalau pagatan, beraz, urtean 74.000 euro gordin baino gehiago–.
Erkoreka: "Neurrigabeko pretentsioak dituzte"
Ertzainen Mugimendu Asindikalak hilean eta modu linealean 1.100 euroko soldata igoerak eskatu dituzte langile guztientzat. Hori oinarri hartuta, kalkuluak egin ditu Erkorekak eta adierazi du ertzain bakoitzeko urtean 15.400 euroko gastua suposatuko lukeela horrek. "Horrek esan nahi du Ertzaintzaren oinarrizko eskalako agente baten urteko batezbesteko ordainsari gordina 63.479,73 eurokoa izango litzatekeela. Gainera, eskaera horrez gain, beste 40 eskaera ere egiten dituzte eta horiek ere gastua neurri gabe handituko lukete".
Eusko Jaurlaritzako Segurtasun sailburu Bingen Zupiriak asteazkenean jakinarazi zuen: azarotik aurrera, bideo-kamerak eramango dituzte soinean ertzainek. Ohikoa da poliziek, inolako disimulurik gabe, kamerak eskuan hartu eta interbentzioren batean gertatzen ari dena grabatzea;... [+]
Otavio da Silva ertzaina irakasle aritzen da Desokupan, eta emakume gisa dago erregistratuta. Bestalde, badirudi udan bere bikotekidea erailtzen saiatu zen ertzaina ez dutela Poliziatik bota.
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
2021eko urtarrilaren 20eko istiluetan atxilotutako sei gazteek epailearen aurretik pasatu beharko dute urriaren 22an.
Eusko Jaurlaritzako Segurtasun sailburuak orain arteko bertsioari eutsi dio. Bestalde, esan du Amaya Zabartek, martxoan PSGren kontrako futbol partiduan Anoetan larri zauritutako Realeko zaleak, ez zuela bere deklarazioan aipatu ertzain batek ostikoa jo zionik.
Ertzaintzak bi emakume atxilotu ditu Gasteizen, eta hirugarren bat ikerketapean dago, prostituzio-delituak egotzita. Haien klubean aritzen ziren emakumeek esplotazio-baldintzetan lan egiten zuten, Ertzaintzaren arabera.
Tuteran 30 urteko gizon bati 23 urteko bikotekideari erasotzea leporatu diote, eta Ondarroan 31 urteko gizon bati lankide bati ukituak egitea, herriko osasun etxean. Bilboko jaietan bi sexu eraso salatu dituzte, eta Donostian 20 urteko gizon bat atxilotu dute, hiriaren... [+]
Ertzaintzak ertzain bat atxilotu du, hiru pertsona hiltzen saiatzea egotzita. Agentea lan orduetatik kanpo zegoen, eta deklaratu zuen bere buruaren defentsan egin ziela tiro furgonetan zihoazen ustezko hiru lapurri. Ertzaintzaren ikerketaren arabera, gezurra da deklaratu duena.
Lurrean zela, polizia batek Realeko zaleari ostikoa jo ziola ikus liteke Ertzaintzak bere ikerketan erabilitako bideoetako batean, Noticias de Gipuzkoa-k zabaldu duenez. Martxoan, Realaren eta PSGren arteko Donostiako futbol partidaren testuinguruan izandako istiluetan zauritu... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]
Agintaritzaren aurkako atentatua egitea leporatu diete bi atxilotuei. Ertzaintzak adierazi duenez, bi polizia agente zauritu zituzten igandeko operazioan.