Kalez eta uniformez jantzitako ertzainen erasoak salatu dituzte bost gazte oñatiarrek
Kalez eta uniformez jantzita zeuden hamarren bat ertzainek borra luzagarrien laguntzarekin amorru kolpez, indarkeriaz eta irainez beterik jipoitu zituztela adierazi dute gazteek. "Jare Kuartela Eguna"-ren amaieran eman zen gertakaria.
Ekainaren 15eko gauean Oñatiko Gaztetxe ondoan dagoen Antixena parkeko inguruetan ertzainen erasoa jasan zutela salatu dute bost gazte oñatiarrek. Festa giroan eta inolako tentsio momenturik gabe igaro zen jardunaldian, Guardia Zibilak Oñatitik joatea eskatzeko antolatu zen “Jare Kuartela Eguna”-ri amaiera ematen zien kontzertuen ostean izan zen gertakaria.
“Gaztetxetik plazara gindoazela argi urdinak ikusi eta zipaioak zeuden abisua eman zuen gutariko batek”, azaldu dute erasoak izan ziren gazteek sare sozialetan argitaratu duten ohar batean. Orduan, hamarren bat ertzain “zipaio le vas a llamar a tu puta madre” bezalako irain artean borra luzagarriekin jipoitu eta berehala desagertu zirela adierazi dute.
“Ertzainak norbaiten zain zeudela ematen zuen, inolako azalpenik eman gabe eta borra eskuan hartuta guztiak batera etorri baitziren guregana”, azaldu digu erasoan izan zen gazteetako batek. “Sei-zazpi borra kolpe marka ditut gorputzean eta ertzainetako batek borra hautsi zuen, erabilitako indarkeria neurrigabekoaren adierazle” gaineratu du.
Argitaraturiko oharrean jakinarazi dute salaketa legalik ez dutela jarriko, horrek ekar diezaiekeen ondorio eta errepresioa ekidin, eta anonimotasuna mantentzeko asmoz.
Jare Kuartela Eguna
Azken urteetan “Fan Hemendik” izenpean ezaguna izan den mugimendua, azal berriturik iritsi da aurtengo ediziora. Guardia Zibila Oñatitik joatea eskatzea helburu duen herri-ekimenak, “Jare Kuartela” lemapean egin ditu ekainaren 15ean antolatu ziren ekitaldiak.
Aurtengo egitarauko plater nagusia, larunbat eguerdian herriko plazan atera zen argazki erraldoia izan zen. Adin guztietako ehunka herritar bildu ziren bertan eta aurreko urteetako manifestazioaren tokia hartu zuen. Azken hilabetean Guardia Zibila herritik joatea eskatzeko sinadura bilketa ere jarri zuten abian, dagoeneko 1.800 sinadura inguru jaso dituzte.
Hala ere, “Jare Kuartela Eguna” ardo dastaketarekin hasi zuten herritarrek eta argazki erraldoiaren ostean, egun osorako indarrak hartzeko aukera paregabea izan zuten plazan jarri zen sukalde herrikoiarekin.
Arratsaldeko txandari hainbat lagun taldek parte hartu zuten jolasekin eman zioten hasiera. Poteoan musikaz beteriko animaziorik ere ez zen falta izan. Gauean, kontzertu eta dj-en laguntzarekin gaztetxean antolatu zuten festarekin eman zioten amaiera aurtengo edizioari.
Argazki gehiago:
.jpg)
Ospa Eguna! desmilitarizazioaren eskaera agenda politikoan kokatu duen eguna dela baieztatu dute antolatzaileek, eta adierazi bide horretan jarraitu behar dela "Euskal Herriaren erabakitzeko eskubidea ukatua eta zapaldua dirauen bitartean". Bideo bat zabaldu dute... [+]
Asteazken arratsaldean Vox espainiar alderdi ultraeskuindarrak ekitaldia egingo du Oñatin, Eusko Legebiltzarreko hauteskundeen testuinguruan, eta mugimendu antifaxistak elkarretaratzeko deia luzatu du.
Ostiral goizean argitaraturiko prentsa-oharrean jakinarazi dutenez, datorren astean Bergarako ertzainen egoitzako arduradunekin bilduko dira Oñatiko Udaleko ordezkariak.
Ekainaren 15eko gauean kalez eta uniformez jantzitako ertzainen erasoak salatu dituzte Oñatiko bost gaztek. "Jare Kuartela Eguna"-ren amaieran gertatu zen, Oñatiko gaztetxeko inguruetan.
Altsasun egin du agerraldia Ospa Herri Mugimenduak eta adierazi duenez, “errepresio indarrei gaitzespena erakusteko helburuarekin”, antolatuko da Ospa Eguna.
Guardia Zibilak herritik eta Euskal Herritik alde egiteko eskatuz, manifestazio jendetsua egin zuten zapatuan Oñatin. Bertako, eskualdeko, zein Fan Hemendik Egunaren aitzakian kanpotik etorritako ehunka lagunek hartu zuten parte protestan. Altsasuko gazteak oso gogoan... [+]
"Faxismoa", "holokausto" edo "manada" bezalako definizioak erabili ditu Jose Perals fiskalak Altsasuko gazteei terrorismo delitua egozteko.
Iruñean oso aspaldi egin den manifestaziorik handiena egin zen larunbat arratsaldean Altsasukoekin elkartasunez, eta askoren ustez Iruñean izan den handiena. Udaltzaingoaren arabera 38.000 pertsona izan ziren bertan eta antolatzaileen esanetan 50.000. Egun ederra... [+]
Nafarroako Gobernuak ere parte hartuko du Altsasuko gazteen egoera salatzeko larunbatean Iruñean egingo den manifestazioan. Maria Solana bozemaile eta kontseilaria izango da bertan.
EAJ, EH Bildu eta Goazen udal taldeek "erabateko desadostasuna" agertu dute auziperatuei eskatutako kartzela-zigorragatik. Altsasuko gertaeren inguruan "terrorismo zantzurik ez dagoela" berretsi dute, baita "auzia epaitzeko eskuduntzek... [+]
“Dena ETA da” teoriaren sortzaile izateagatik ezaguna den epaileak artikulua publikatu du El País egunkarian Altsasuko auziari buruz.
Ekainaren 17an, Fan Hemendik egunaren baitan, Guardia Zibilaren armagabetzea irudikatuko dute Oñatin. Antolatzaileen esanetan "indar okupatzaileek euskal herritarrak torturatzeko eta erahiltzeko erabili dituzten fusilak, bainerak, elektrodoak, poltsak edota kare... [+]
Altsasun errepresioarekin zerikusirik duen edozein gertaera, ezin da inolaz ere bizi dugun testuingurutik kanpo ulertu. Ez gara egoera normailzatu batean bizi, eguneroko ogi baitugu indar-errepresiboen mehatxu, oldarkeri, kolpe, check-pointak eta abar luzea.