Ertzain bat Desokuparen parte dela argitaratu dute
Otavio da Silva ertzaina irakasle aritzen da Desokupan, eta emakume gisa dago erregistratuta. Bestalde, badirudi udan bere bikotekidea erailtzen saiatu zen ertzaina ez dutela Poliziatik bota.
Ez da sekretua Poliziaren eta desokupazio-enpresen artean dagoen elkarlana, bai ofiziala, bai estraofiziala. Horren adibide da aurten lankidetza-akordio bat sinatu izana Espainiako Polizia-Defentsa Pertsonaleko Instruktoreen Elkarteak (PSDI, gazteleraz) eta Desokupak: "defentsa pertsonala" lantzeko ikastaro bat eskainiko die poliziei aipatutako enpresa faxistak.
Euskal Herrian ere bada lotura horren adibiderik. Berriki jakinarazi dute Desokupan irakasle-lanak egiten dituen faxista bat, Otavio da Silva, ertzaina dela. Besteak beste, "grappling poliziala eta militarra" irakasten du da Silvak: borroka-modalitate horrek arerioa kontrolpean hartzea bilatzen du, kolpe zuzenik eman gabe.
Badirudi Eusko Jaurlaritzako Segurtasun Saila jakinaren gainean dagoela. Ustez, martxan dauka barne-ikerketa bat, ikusteko ea bateragarria den Otavio da Silva funtzionarioa izatea eta, aldi berean, Desokupan jardutea. Desokupako buru Daniel Esteveren esanetan, ertzain gehiago ere badaude enpresa faxistaren barruan.
Emakume gisa erregistratuta
Hori guztia gutxi balitz, Otavio da Silva ertzaina emakume gisa dago erregistratuta bere nortasun-agirietan: sexu-aldaketa eskatu zuen erregistroan. Desokupak argitaratutako hainbat bideotan auziaz barre egiten du Esteve faxistak, Otavio da Silvari "instructora jefe" ("instruktoreburu", baina femeninoan) deituz.
Bikotekidea erailtzen saiatu zen ertzaina, oraindik soldata jasotzen
Otavio da Silva ez da erregistroan sexu-aldaketa eskatu duen ertzain bakarra: uda honetan bertan azaldu zuten berdina egin zuela Ertzaintzako beste agente batek. Sona handia izan du kasu horrek, polizia hori bere bikotekidea hiltzen saiatu baitzen Donostian (Gipuzkoa). Sukaldeko labana bat hartuta saiatu zen emakumea erailtzen, eta mehatxu egin zien alabei ere.
Azken informazioen arabera, erasotzailea ez dute Ertzaintzatik erabat kanporatu. Izan ere, badirudi barne-mailako diziplinazko espediente bat ireki diotela, baina, momentuz, behin-behinean besterik ez dute eten bere polizia-jarduna: soldata berdin-berdin jasotzen du.
Segurtasun sailburu Bingen Zupiriak aitzakiatzat erabili du oraindik zabalik dagoela gertatutakoa ikertzeko prozesu judiziala, eta aldarrikatu du ertzain erasotzaileak "eskubidea" daukala, bitartean, "oinarrizko ordainsariak" kobratzeko.
Pasa den martxoan, Realaren eta PSGren arteko futbol partidaren testuinguruan izandako istiluetan oso larri zauritu zuten Amaya Zabarte, ustez foam jaurtigailu batekin. Zazpi hilabete geroago, Probintzia Auzitegiak kasua ireki ala ez erabaki bezperan, elkarrizketa egin dio... [+]
Eusko Jaurlaritzako Segurtasun sailburu Bingen Zupiriak asteazkenean jakinarazi zuen: azarotik aurrera, bideo-kamerak eramango dituzte soinean ertzainek. Ohikoa da poliziek, inolako disimulurik gabe, kamerak eskuan hartu eta interbentzioren batean gertatzen ari dena grabatzea;... [+]
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
2021eko urtarrilaren 20eko istiluetan atxilotutako sei gazteek epailearen aurretik pasatu beharko dute urriaren 22an.
Eusko Jaurlaritzako Segurtasun sailburuak orain arteko bertsioari eutsi dio. Bestalde, esan du Amaya Zabartek, martxoan PSGren kontrako futbol partiduan Anoetan larri zauritutako Realeko zaleak, ez zuela bere deklarazioan aipatu ertzain batek ostikoa jo zionik.
Ertzaintzak bi emakume atxilotu ditu Gasteizen, eta hirugarren bat ikerketapean dago, prostituzio-delituak egotzita. Haien klubean aritzen ziren emakumeek esplotazio-baldintzetan lan egiten zuten, Ertzaintzaren arabera.
Tuteran 30 urteko gizon bati 23 urteko bikotekideari erasotzea leporatu diote, eta Ondarroan 31 urteko gizon bati lankide bati ukituak egitea, herriko osasun etxean. Bilboko jaietan bi sexu eraso salatu dituzte, eta Donostian 20 urteko gizon bat atxilotu dute, hiriaren... [+]
Ertzaintzak ertzain bat atxilotu du, hiru pertsona hiltzen saiatzea egotzita. Agentea lan orduetatik kanpo zegoen, eta deklaratu zuen bere buruaren defentsan egin ziela tiro furgonetan zihoazen ustezko hiru lapurri. Ertzaintzaren ikerketaren arabera, gezurra da deklaratu duena.
Lurrean zela, polizia batek Realeko zaleari ostikoa jo ziola ikus liteke Ertzaintzak bere ikerketan erabilitako bideoetako batean, Noticias de Gipuzkoa-k zabaldu duenez. Martxoan, Realaren eta PSGren arteko Donostiako futbol partidaren testuinguruan izandako istiluetan zauritu... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]
Agintaritzaren aurkako atentatua egitea leporatu diete bi atxilotuei. Ertzaintzak adierazi duenez, bi polizia agente zauritu zituzten igandeko operazioan.