Ertzain bat atxilotu dute narkotrafikoarekin lotuta, ez da lehen kasua
Ertzain bat atxilotu dute ostegunean, ustez droga-trafikoan aritzeagatik. Bere etxean 54 kilo kokaina atzeman dituzte. Ez da lehen aldia EAEko poliziako kideak narkotrafikoarekin nahasita harrapatu dituztenak.
Lakuako Segurtasun Departamentuak informatu duenez, eta Europa Press agentziak jaso, Bilboko ertzain-etxean destinatutako agentea da ostegunean atxilotu dutena narkotrafikoaren aurkako Ertzaintzaren operazioan.
Naizek nabarmendu duen bezala, oraingo honetan ez dute aurkitutakoaren argazkirik zabaldu –drogaren aurkako beste operazio batzuetan egiten duten bezala– eta ertzain horrek etxean zituen 54 kilo kokainaren balioa hiru milioi eurokoa dela kalkulatzen da. Ikerketa zabalik dago.
Iraganari errepasoa
Ez da lehen aldia Ertzaintzako agente batzuk narkotrafikoan sartuta harrapatu dituztena. Ahoztar Zelaieta kazetariak sare sozialetan datu ugari eman ditu hari honetan.
Iazko ekainean, ikatz bejetal zakuetan ezkutatutako 862 kilo kokainaren operazioan ertzain bat atxilotu zuten "narkotrafikatzaile bilbotar historiko" batekin batera. Espainiako Gaztela eta Leon probintzian sekula aurkitutako droga kopuru handiena kartel mexikar eta kolonbiarren bidez heldu zen, eta Euskal Herrira eraman eta han saltzea zen beren helburua.
2015ean narkrotrafikoan ari zen talde baten buru izatea egotzita ertzain bat atxilotu zuten. Bi kilo kokaina atzeman zizkioten.
2014an ertzain bat atxilotu zuten 900 marihuana landare konfiskatzeko operazioan. Bi urte lehenago, 2012an, beste ertzain bat atxilotu zuten 650 marihuana landare konfiskatzeko operazioan.
2008an narkotrafiko sare baten buru izatea egotzita beste ertzain bat atxilotu zuten eta horri ere bi kilo kokaina atzeman zizkioten. Urte berean, ertzain-ohi bat atxilotu zuten, diskoteketan droga saltzen zuen talde baten buru zelakoan. Kilo eta erdi kokaina eta kilo erdi speed atzeman zizkioten.
2006an bi ertzain atxilotu zituzten, narkotrafiko sare bateko kide zirela egotzita; drogen aurkako unitateko burua zen bietako bat. Operazio horretan orain arteko speed kopuru handiena atzeman zuten: 95 kilo, narkotrafikatzaileen banda bati lapurtuak.
1998an, beste ertzain bat atxilotu zuten nazioarteko narkotrafiko banda baten buru zelakoan. 21 kilo kokaina, 12.900 estasi pilula eta 700 dosi LSD atzeman zizkioten.
90eko hamarkadaren erdialdean, zenbait ertzain Gasteizko epaitegian prozesatu zituzten, narkotrafikoan atxilotutakoak delituak egitera bultzatzera egotzita. Eta 90eko hamarkadaren hasieran, Guardia Zibilaren Noeren Arka izeneko operazioan bi ertzain narkotrafiko sare batekin lotu zituzten.
1988an hiru ertzain atxilotu zituzten narkotrafiko talde bateko kide zirelakoan eta hiru kilo kokaina atzeman zizkieten.
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.
Pasa den martxoan, Realaren eta PSGren arteko futbol partidaren testuinguruan izandako istiluetan oso larri zauritu zuten Amaya Zabarte, ustez foam jaurtigailu batekin. Zazpi hilabete geroago, Probintzia Auzitegiak kasua ireki ala ez erabaki bezperan, elkarrizketa egin dio... [+]
Eusko Jaurlaritzako Segurtasun sailburu Bingen Zupiriak asteazkenean jakinarazi zuen: azarotik aurrera, bideo-kamerak eramango dituzte soinean ertzainek. Ohikoa da poliziek, inolako disimulurik gabe, kamerak eskuan hartu eta interbentzioren batean gertatzen ari dena grabatzea;... [+]
Otavio da Silva ertzaina irakasle aritzen da Desokupan, eta emakume gisa dago erregistratuta. Bestalde, badirudi udan bere bikotekidea erailtzen saiatu zen ertzaina ez dutela Poliziatik bota.
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
2021eko urtarrilaren 20eko istiluetan atxilotutako sei gazteek epailearen aurretik pasatu beharko dute urriaren 22an.
Eusko Jaurlaritzako Segurtasun sailburuak orain arteko bertsioari eutsi dio. Bestalde, esan du Amaya Zabartek, martxoan PSGren kontrako futbol partiduan Anoetan larri zauritutako Realeko zaleak, ez zuela bere deklarazioan aipatu ertzain batek ostikoa jo zionik.
Ertzaintzak bi emakume atxilotu ditu Gasteizen, eta hirugarren bat ikerketapean dago, prostituzio-delituak egotzita. Haien klubean aritzen ziren emakumeek esplotazio-baldintzetan lan egiten zuten, Ertzaintzaren arabera.
Tuteran 30 urteko gizon bati 23 urteko bikotekideari erasotzea leporatu diote, eta Ondarroan 31 urteko gizon bati lankide bati ukituak egitea, herriko osasun etxean. Bilboko jaietan bi sexu eraso salatu dituzte, eta Donostian 20 urteko gizon bat atxilotu dute, hiriaren... [+]