Errusiak AEBekin arma nuklearrak kontrolatzeko zuen ituna moztu du
Putinek nazioari buruzko urteroko hitzaldian jakinarazi du “antzerki hutsa” dela akordio hori. Mendebaldeari egotzi dio gerraren erantzule izatea, eta Errusia soilik “indarra erabiltzen” ari dela “defendatzeko”. Armak “masan ekoizten” jarraituko dutela ziurtatu du.
Joe Biden AEBetako presidenteak Kieven Volodimir Zelenskiri erabateko babesa berretsi ondorengo egunean bota du diskurtsoa Vladimir Putin Errusiako presidenteak. Urtero nazioaren egoerari buruz mintzatzeko egiten duen hitzartzea probestu du Mendebaldeko agintariei erantzuteko: “Beraiek dira gerra hasi izanaren erantzuleak, eta gu indarra erabiltzen ari gara haiek gelditzeko”.
Putinen esanetan, Ukrainako inbasioa, “esku hartze berezia” deitu duena, AEBek eta NATOk bultzatu zuten; ohartarazi du euren helburua zela Errusia baztertzea, eta Mendebaldeko balioak inposatzea.
START akordioa "izoztuta"
Iragarri du START akordioa “izoztu” egin duela Errusiak. AEBekin arma nuklearrak kontrolpean izateko berritu zuen ituna 2021ean, baina orain bertan behera utzi du “antzerki hutsa” dela iritzita. Akordio horren bidez bi herrialdeek duten arma nuklear kopurua mugatuta zegoen, eta kontrolerako mekanismoak zeuden, baieztatzeko ituna errespetatzen ari ziren edo ez.
NATOko idazkari nagusi Jens Stoltenberg-ek Putini eskatu dio erabakia berraztertu dezala. “Kontrol txikiagoak mundua arriskutsuago egiten du. Horregatik eskatzen diot akordiotik ateratzeko erabakia birpentsatzeko”. Stoltenbergen arabera, Errusiaren erabakiak “armen kontrola deuseztatzea” eragin du. Halere, New York Times egunkariak jakinarazi duenez, azken hilabeteetan ere kontrol hori etenda zegoen. NATOko idazkariak berretsi du Mendebaldeko herrialdeek “eskubidea” dutela Ukrainari armak bidaltzeko “autodefentsa” gauzatu dezaten.
Errusiak arma industria indartuko du
Putinek Errusiako egoera ekonomikoa goraipatu du, esanez ez duela eraginik izan AEBek eta Mendebaldeak jarri dizkioten zigor murriztaileek. Ez du gerraren ondorio negatiborik aipatu: “Gure ekonomia hondoratuko zela esan ziguten, baina soilik %2,1 jaitsi da”.
Errusiako arma industria indartuko dutela baieztatu du, eta aipatu dituen neurriak kontuan izanda, iragarri du gerrak luze joko duela. Zehaztu duenez, ekoizle errusiarren erronka da “armak masan ekoiztea”. Armadaren garapenerako plan bat dutela esan du.
Erasotzailea bestea da
NATOko idazkari Stoltenbergek Errusiari leporatu dio erru guztia: “Inor ez da Errusia erasotzen ari. Errusia da erasotzailea. Ukraina erasoaren biktima da. Gu babesten ari gara Ukrainaren autodefentsarako eskubidea”, adierazi du astearteko prentsaurrekoan. Putinek “inperio gerra” hasi zuela eta “gerraren eskalada” bera egiten ari dela kritikatu du Stoltenbergek.
Putinek, ordea, Ukraina aspalditik armaz hornitzen ari dela ohartarazi du: “Operazio militar berezia hasi aurretik ere, Kiev Mendebaldearekin negoziatzen ari zen, aire defentsarako sistemekin, enfrentamendurako hegazkinekin eta beste baliabideekin hornitu zezaten”. Ez du frogarik eman, baina ziurtatu du Ukraina arma nuklear gehiago eskuratzen ahalegindu dela.
Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi... [+]
"Bakearen" bidean, Errusiak proposatu du kontrolpean ez dituen lurraldeei uko egitea. Trukean AEBk hainbat onura emango dizkio, Financial Timesen arabera. Hala ere, Kremlineko bozeramaile Dmitry Peskov-ek abisu egin du: "Ez fidatu hedabideez, ezta errespetagarriak... [+]
Orain Errusiak inbaditu behar ei du Europa eta horren aurrean berrarmatze basatia bultzatu behar dute Europar Batasuneko herrialdeek. Lehen Sobietar Batasunak egin behar zion eraso, eta Gerra Hotzak ia mundua irentsi zuen. Gezurra zen ordukoa, eta gezurra da gaur egungoa, baina... [+]
Ukrainaren ondoren Polonia?
Europar Batasunak Ukrainako gerra hauspotu du Kiev armaz hornituta, eta menia oraindik airean delarik, gerraren zikloan murgilduta dago bete-betean. Hori bai, bere diskurtsoa modulatzen ari da, eta gero eta gehiago hitz egiten du balizko su-etenaz... [+]
Ukrainako gerrar hasierako zergatiak ez dira azaldu zizkigutenak bakarrik, beste arrazoi batzuk ere badaudelako. Errusiak zioen Ukrainako errusiar hiztunen defentsarako urrats bat eman behar zuela; Ukrainako Gobernuak, aldiz, Errusiaren armadari aurre egin behar zitzaiola,... [+]
Etxe Zuriak bi komunikatu igorri ditu, Itsaso Beltzeko su-etena eta energia azpiegituren aurkako bi aldeen erasoen amaiera hitzemateko.
“Ez dugu gerraren aurrean etsi nahi, ez dugulako hilerrietako bakea nahi”, dio manifestuak, eta agintariei irtenbide politiko baten alde lanean jartzeko eskatu diete. Sinatzaileen artean daude Delàs institutua, Gernika Gogoratuz edo Ongi Etorri Errefuxiatuak... [+]
Defentsarako gastua handitzeko Europako herrialdeen apustuaren atzean, asko dago propagandatik, eta askoz gehiago interes ekonomikotik. Kontrakoa sinetsarazi diguten arren, XVIII. mendean Ingalaterran Industria Iraultza jaio zenean, armak eta gerra izan zituen oinarri, eta ez... [+]
Telefono bidez eginiko bileran, bi agintariek adostu dute Moskuk ez diola erasorik egingo Ukrainako azpiegitura energetikoari hurrengo 30 egunetan. Ukrainak eta Errusiak 175na preso askatu beharko dituztela iragarri dute, baina ez noiz.
Europa mailako ekimen kolektibo batek bakearen, irtenbide diplomatikoen eta armagabetzearen aldeko manifestua idatzi eta sinadura bilketa hasi du. Manifestuak dioenez, intelektualak, herritarrak bezala, “anestesiatuta daude”. Europako agintarien jokamoldea, NATOren... [+]
Vladimir Putinek interesa agertu du AEBek eta Ukrainak adostu duten 30 eguneko menia epeaz, baina zalantzak ere plazaratu ditu. Funtsean, ez du presarik erakutsi akordioa sinatzeko eta denbora gehiago eskatu du zalantzok argitu ahal izateko.
Mikel Jauregi Industria sailburuaren ustez, euskal enpresek “lan ona” egin dezakete Europaren “segurtasun estrategia babesten”. Eusko Jaurlaritzako bozeramaile Maria Ubarretxenak, berriz, berrarmatze asmoek “aukera berriak” ekar ditzaketela... [+]
Saudi Arabian elkartu dira AEBetako eta Ukrainako ordezkariak, eta zortzi ordu iraun duten negoziazioek fruitua eman dute. Etxe Zuriak Ukrainarentzako laguntza militarra berrabiaraztea erabaki du.
Europar Kontseiluak onartu du Ursula Von der Leyenek gastu militarrean proposatu duen 800.000 milioi euroko gastuarekin aurrera egitea. Horretarako bi arrazoi nagusi argudiatu ditu: Errusiari aurrea egitea eta Europar Batasunak aurrerantzean bere burua AEBen babes militarrik... [+]
Etxe Zurian edukitako liskarraren ostean, eskainitako laguntza "konponbide batera bideratuta" dagoela ziurtatu nahi du Trumpek. Zelenskiren arabera, Kievek bizirauteko aukera gutxi izango lituzke AEBen laguntza militarrik gabe.