Erronkarieraz egin dute Erronkariko Gazta sustatzeko kanpaina berria
Erronkariko uskara erabili du Labrit Multimedia enpresa iruindarrak Erronkari Gazta ezagutzera emateko. Gazta sustatzeko eginiko bideoan Erronkariko jendea, ohiturak, tradizioa, historia, paisaiak… eta bertako euskara dira protagonista. Bi bertsio ekoiztu dituzte: bata gaztelaniazkoa, eta bestea euskarazkoa, erronkarieraz egina.
Komunikazio kanpainaren arduradun Gaizka Arangurenek azaldu duenez, kanpainan “tipo eta estereotipoez” baliatu dira: “Erronkari ibarraren imaginarioarekin, bertako herritarren izaerarekin, artzaintzaren milurteko presentziarekin eta Erronkaiko euskara bezalako luxuzko erreferente batekin jokatu dugu”.
Espainiako Gazten Jatorrizko Deitura lortzen aurrenekoa
Kanpainaren ekoizleek adierazi dutenez, “Erronkariko Gazta milaka urte dituen altxor gastronomiko bat da, bere kalitate eta zaporeagatik ezaguna”. Ardi latxaren esnearekin egiten da, eta soilik bailarako zazpi herrietan landu daiteke. Jatorrizko Izendapenaren zuzendari Patxi Zalbak esan duenez, Espainiako Gazten Jatorrizko Deitura lortzen lehena izan zen, “duen ospearen adierazgarri”.
Kontseilu Erregulatzailea eta INTIA ziurtagiria Deituraren Erreglamenduan eskatzen diren baldintzen betepenaz arduratzen dira. Horrela, esnea produkzio eremuaren barruko ganadutegietakoa dela ziurtatzen dute. “Gazta Erronkari Ibarreko gaztandegietan egin, ondu eta kontserbatzen da eta azken produktuari analisi fisiko-kimiko eta organoleptiko egokiak egiten zaizkio kalitatea bermatu ahal izateko”, azaldu dute kanpainaren egileek.
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Hamabi haur eskola publiko daude Iruñean, eta horretatik bakarrean dago euskarazko eredua. Protesta egin dute dozena bat eragilek, eta euskal hiztunen “egoera berezia” aintzat har dezan galdegin diote udalari.
“Ez da posible hiri guztia zeharkatu behar izatea seme-alabak hemengo jatorriko hizkuntzan murgiltzeko” salatu dute guraso askok. Euskarazko plazak ere “oso urriak direla” salatu dute familia askoren artean eginiko bideoan.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
“Ikae” edo “igae” bezala transkribitu ditu aurkituriko ikurrak Nafarroako Gobernuko Kultura Zuzendaritza Nagusiko ikertzaile taldeak. Duela 2.000 urteko "baskoierazko" idazkun bat izan daitekeela diote ikerleek, baina garai hartako hizkuntzei... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Barañaingo EH Bilduk salatu du Barañaingo Udalak haur eskoletarako hezitzaileen deialdian euskarazko eta gaztelaniazko azterketak egun eta ordu berean jarri dituela, eta hala, hautagaiak hizkuntza bat aukeratzera behartzen dituela.
Euskaltzaleen Topaguneko kideek euskara sustatzeko jarreren inguruko datu kezkagarriak hauteman dituzte. Hori dela eta, Gero eta aldeko gehiago gizartean ikerketaren bidez, herritarrak euskarara hurbiltzeko estrategia berriak landu dituzte. Horretaz mintzatu dira, apirilean,... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.