“Israelgo erregimenarekin ditugun loturak moztea da erronka nagusia ”

  • Palestinako gatazka ahanzturatik lehen lerrora pasa da mundu mailan, iragan larunbatean Hamasek Israelen aurka eginiko eraso historikoaren ostean. Ordutik gerraren intentsitateak gora besterik ez du egin, eta Israel Gaza bonbardatzen ari da etengabe. Israelgo Estatuaren aurkako boikota, desinbertsioak eta zigorrak sustatzen dituen BDZ Euskal Herria mugimenduak mobilizazioak antolatu ditu Palestinarekin elkartasunean, eta mugimenduko kide eta Palestinaren aldeko aspaldiko militante Koldo Alzolarekin hitz egin dugu.


2023ko urriaren 11n - 07:03
Azken eguneraketa: 17:13

Palestinako okupazioa salatzen hamalau urte daramatzan Uhintifada irratsaioko kide ere bada Alzola, eta irratsaiorako elkarrizketatu berri duen Mussaad Bashir kazetari gazatarrak (Zaragozan bizi da egun) kontatu diona aipatu digu lehenik eta behin: “Bashirri elkarrizketa egin bitartean Gaza bonbardatzen ari ziren, Israel Hamasen erasoari erantzun oso bortitza ematen ari zaiola esan digu, eta are bortitzagoa izatea aurreikusten dutela palestinarrek. Kontatu digu Israelgo prentsa herritarrak gerrarako prestatzen ari dela, eta gerra horrentzako nazioarteko babesa sustatzen”.

Harridura eta osteko erantzuna

Hamasek airez, lurrez eta itsasoz egin dio eraso Israeli, herriak eta koloniak hartu ditu, ehunka militar eta zibil hil ditu –bere historia osoan Israelek egun bakarrean hildako gehien izan dituen eguna da larunbatekoa–. Harridura orokortua izan dela dio Alzolak: “Harriduraz hartu dugu denok, baina harrituena Israelgo erregimena izan da, ipurdi bistan geratu baita”. Israelen ustezko ahalmen militarraren eta lurraldearen erabateko kontrolaren “gabeziak” azaleratu ditu Hamasek, eta hori palestinarrek “larrutik ordainduko dute”, BDZko kidearen ustez. Ekialde Ertaineko gatazketan aditua den Ezequiel Kopel kazetariak adierazi du urteetako prestaketaren emaitza dela erasoa, tamainako operazioa horren kontrolatuta dagoen lurralde batean prestatzea ezinezkoa dela bestela. Alzola bat dator hipotesiarekin, “agian Gazako azken sarraski handitik, 2014tik, 2.400 hildako palestinar utzi zituen hura”.

“Israel gerrarako sortua da, gerrarik gabe kolapsatuko luke: ekonomiaren ardatza da, eta jendarte hain heterogeneoa kohesionatzeko itsasgarria”

Gerran sakondu da eta sakonduko da: Israelgo armada Gaza barrura sartzeko aukera mahai gainean dago, Defentsa ministroak “giza animalia” izendatu ditu palestinar guztiak, eta modu horretan tratatuko dituztela ziurtatu. Gerra bera Israelgo Estatuaren zoru eta bizi-baldintza dela dio Alzolak: “Israel gerrarako sortua da, gerrarik gabe kolapsatuko luke: ekonomiaren ardatza da, eta jendarte hain heterogeneoa kohesionatzeko itsasgarria”.

Aginte nazionala, Hamas, ezkerra

“Bi aldeei dei egitea indarkeria alboratzera bi biolentziak parekatuz… ezin dira berdindu okupatzailearen eta okupatuaren biolentzia"

Zabaldu den gatazkaren fase berriak nazioartean dituen inplikazioak zeintzuk izango diren ikusteko dago, baina ertzak asko eta arriskutsuak dira (Saudi Arabia eta Israel arteko harremanen normalizazio prozesua, Iran eta Hezbola, herrialde arabiarrak, Mendebaldea...). Edonola, Hamasen erasoak Palestinako barne lidergoei ere eragin diela azaldu du Alzolak: “Aginte nazionalak ez du zilegitasunik, gobernu zipaioa da. Azken hauteskundeak 2007an egin ziren eta Hamasek irabazi zituen. Kolpe honek zilegitasun handiagoa eman dio Hamasi herritarren artean, erresistentzia nazionala egiteko gai den eragile ia bakar gisa agertu da”. Ezkerreko mugimenduak oro har oso ahul daudela dio, urtetan erreferente nagusia izan den Herri Fronteak zer jarrera hartu duen ezin izan dugu jakin, baina azpimarratu du bere gertukoa den Masar Dabil antolakundeak –bi urte direla sortu zuten diasporako palestinarrek– jarraian babestu zuela erasoa.

Kontakizunaren garrantzia

Minduta agertu da Alzola hedabideek egunotan nagusiki zabaldu duten mezuarekin. “Espainiako Estatuan, hedabideek Israelen kontakizuna modu akritikoan ari dira jasotzen”. Minduta ere errepikatzen den beste mezu batekin: “Bi aldeei dei egitea indarkeria alboratzera, bi biolentziak parekatzea… ezin dira berdindu okupatzailearen eta okupatuaren biolentzia, okupatuaren erresistentzia. Hamasen erasoen gehiegikeriak izan dira seguru aski, baina batak ez du bestea kentzen: jatorriari jarri behar zaio arreta”. Hedabide eta iturri independenteetara jotzeko deia egin die herritarrei.

“Baditugu lotura oso estuak Israelgo erregimenarekin: administrazioak, enpresak. Gure esku dago harreman horiek salatu eta eteteko exijitzea.

Eta Euskal Herritik?

Palestinarekiko elkartasun handia egon da Euskal Herrian historikoki. Egunotan mobilizazioak izan dira eta izango dira Hego Euskal Herriko hiriburuetan, BDZ Euskal Herriak deituta. Deialdiak babesteaz harago, Palestinaren alde Euskal Herrian egin daitekeen eraginkorrena Israelgo Estatuarekin ditugun loturak moztea da, Alzolaren iritzian: “Baditugu lotura oso estuak Israelgo erregimenarekin: administrazioak, enpresak… Gure esku dago harreman horiek salatu eta eteteko exijitzea. Egun nabarmenena CAF enpresarena da: Jerusalem eta ekialdeko kolonien artean eraikitzen ari den trenbidea ilegala da nazioarteko legediaren arabera, eremu okupatuetan dagoelako. Eta Jaurlaritzak diruz sostengatzen du CAF, akziodunetako bat da”


Kanal honetatik interesatuko zaizu: Palestina
2025-04-03 | Gedar
Israel Premier Tech talde sionista Lizarrako txirrindularitza-lasterketa batetik kanporatzea lortu dute

Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.


Israelgo presondegietako torturak argira ekarri ditu The Independent komunikabideak

Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]


2025-04-02 | Ula Iruretagoiena
Lurraldea eta arkitektura
Hirigintza militarra

Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]


Borrokak balio du: Israel Premier Tech, ez aurten, ez inoiz

Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]


2025-03-26 | June Fernández
Meloi saltzailea
Otsoak

Zer esango zenioke Palestinako aktibista bati aurrez aurre izango bazenu? Ni mutu geratu nintzen Iman Hammouri nire herrian bertan aurkeztu zidatenean. Eskerrak andre nagusi bat gerturatu zitzaigula eta solaskide roletik itzultzailearenera pasa nintzela.

Palestinako Popular... [+]


Elkarretaratzeak egin dituzte Euskal Herriko dozenaka hezkuntza zentrotan, Israelek hildako haur palestinarrak oroitarazteko

Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.


Askatu dute kolonoek jipoitu eta militarrek atxilotutako Oscar saridun palestinarra

No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.


Israelek gogortu egin du Gazaren aurkako erasoaldia, eta Netanyahu zerbitzu sekretuetako burua kargugabetzen saiatu da

Asteartean menia apurtu zuenetik gutxienez 650 palestinar hil dituzte sionistek, Al Jazeeraren arabera. Netanyhauren gobernuak Shin Bet zerbitzu sekretuetako buru Ronen Bar kaleratzeko erabakia hartu du, baina Auzitegi Gorenak kaleratzea geldiarazi du.


2025-03-24 | Irutxuloko Hitza
Donostia, berriz ere, Palestinaren alde

Milaka pertsona bildu dira larunbat honetan Palestinako herriari elkartasuna adierazteko eta “Israelek Gazan egindako genozidioa” amaitzeko eta Benjamin Netanyahuren gobernuak su-etenari berriro ekiteko eskatzeko. Gernika-Palestina herri ekimenak deitu du martxa,... [+]


Israelen genozidioa salatzeko protesta andana antolatu dute

Palestinarekin Elkartasuna plataformak osteguna, ostiral eta larunbatean eginen ditu protestak, Israel genozida. Palestinar erresistentzia aurrera! lelopean. Gernika-Palestina-k ere manifestazio nazionala antolatu du larunbaterako Donostian. Euskal Herriko Kontseilu Sozialistak... [+]


2025-03-19 | ARGIA
Egun bakarrean azken urtean Gazan hildako haur kopuru handiena eragin du Israelek

500 palestinar hil ditu Israelek, horietatik 130 baino gehiago adin txikikoak, su etena apurtu eta bigarren egunean. “Hasiera baino ez” dela ohartarazi du Netanyahuk.


Israelek su etena apurtu du eta 400 hildakotik gora eragin ditu Gazan

Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.


Israelek Gazari argindarra moztu dio Hamas estutzeko, Netanyahuren hitzetan

Israelek Gazarako su-etenaren urraketa ugari egin ditu urtarrilaz geroztik: zerrendako palestinarrak oinarrizko laguntzarik jaso gabe egon dira ia astebetez, eta Netanyahuk azken egunetan mehatxu egin ondoren, argindarrik gabe utzi ditu orain. Dohan ordezkari estatubatuarrekin... [+]


Israelek larunbatean aske utzi behar zituen 642 preso palestinarrak askatu ditu

Asteburua baino lehen lau gatiburen gorpuak itzuliko ditu Hamasek. Horrela, Gazarako su-etenaren lehen faserako adostutako preso truke guztiak gauzatuko dituzte Israelek eta talde palestinarrak.


Eguneraketa berriak daude