Erromatar garaiko herrixka baten aztarnak aurkitu dituzte Atiagan
Erromatar garaiko herrixka txiki baten arrastoak aurkitu dituzte Atiaga ondoan, Arabako Haranak ureztatzeko obrak egiten ari zirela.
Iragan astean topatu zituzten giza-eskeleto bat osorik eta hainbat eraikuntzaren aztarnak: etxeak, zereal-zuloak eta galtzada baten zatiak. Herritik gertu dago aurkikuntza egin duten tokia, ibaiaren bazterrean dagoen lursail zabal eta lau batean.
Ura eramateko tutueriak jartzeko zuloak egiten ari zirela aurkitu zituzten lehen aztarnak, eta dagoeneko hainbat zulo egin dituzte lursail horretan laginak hartzeko. Antequem arkeologia enpresako Luis Villanuevak ALEA aldizkariari azaldu dio erromatar herri txiki baten aztarnak direla: "Ez dira oso nabarmenak, ez da mosaikoak dituen hiri garrantzitsu bat; etxeko hormak agertu dira, hilobi bat, induskatu dugu ingurua, eta tutueriak desbideratu ditugu. Ikerkuntzararako interesgarriak izan daitezke".
Villanuevak argitu duenez, obra honetan ere kontrol arkeologikoa egin dute, eta dagoeneko Atiagako eremuaren inguruko txosten arkeologikoa osatzen ari dira, Aldundiari helarazteko: "Egungo politika da ezer ez hondatzea, nahiz eta oso nabarmena ez izan; egia da batzuetan ez dagoela aukerarik, baina Atiagako kasuan posible izan da, eta hala egin dugu".
BiBat Arkeologia Museoko zuzendari Javier Fernandez Bordegaraik berretsi du prozedura arrunta jarraitu dela Atiagako kasuan; eta argitu du oraindik ez dakitela arrastoek zer garrantzia izan dezaketen, Valladolideko arkeologoen txostenaren zain daudelako: "Momentuz ez dakigu zer diren, arrastoak agertu direla badakigu baina ez zer garrantzia duten. Urtebeteko epea du arkeologi enpresak laborategian arrastoen garbiketa eta ikerketa egiteko, eta gero materialak Aldundiaren esku jarriko ditu".
Fernandez Bordegarairen esanetan, jakina da Tuesta eta Atiaga herrien inguruan aztarnategiak daudela. "Badakigu inguru horretan La Miel bezalako aztarnategi batzuk daudela material solte batzuk agertu direlako, hezurrak edo zeramika zatiak; baina ez daude ondo ezaugarrituta, oso informazio gutxi eta oso datu gutxi ditugu". Hortaz, ez da aurkikuntza harrigarria, baina interesgarria izan daiteke informazioa osatzeko: "Lortzen den informazioa baliagarria da datazioa ikertzeko, mundu kulturala ikertzeko; zailena da ondo ezaugarritzea, oso konplexuak direlako aztarnategiak".
Albiste hau Alea.eus-ek argitaratu du eta CC-by-sa lizentziari esker ekarri dugu ARGIAra.
Gure bizitzan zehar, jaberik gabeko zenbat ibaitan bainatu gara? Senarrik gabeko zenbat baratzetatik elikatu gara? Zenbat hazi kreole lorarazi ditugu aitarengandik, osabarengandik edo anaia ezkongabearengandik heredatu ez ditugun lurretan? Azken batean, zenbat emakume ezagutzen... [+]
COP26 biltzarraren bezperan, planeta osoko laborarien bozgorailu izan nahi duen Via Campesina saiatu da klima are gehiago zora ez dadin bere proposamena zabaltzen Hararetik (Zimbabwe): “Aldarrikatzen dugu aitortua izan dadila nekazaritza agroekologikoak, basogintza... [+]
Epizentroa Eguesibarren izan du eta gaueko 22:45etan dardarazi du lurra. Ordu erdiko tartean bi erreplika gertatu dira, 3,2 eta 2,7 gradukoak.
Ekainaren erdialdean hasita, ezohiko uholdeek txikizio galantak eragin dituzte Europako hainbat eskualdetan. Udan barrena eurite eta uholde izugarriak errepikatu dira munduko lau muturretan, Txinan bezala Afrikako Sahelen, Pakistanen edo Amerikako Estatu Batuetan, beroketa... [+]
XX. mendean zehar basoen hedapena larre eta nekazal lurren kaltetan izan da. Euskal paisaiaren eraldaketa hau nabarmenagoa izan da isurialde kantauriarrean. Hain zuzen ere, isurialde horretan dago ekosistemarekiko integritate gutxiko baso lurren presentzia handiena.
Gasteizko Udalak abenduan ukatu zion Subillako Armentia-2 putzuan zundaketa egiteko baimena SHESA hidrokarburoen sozietateari. Putzuan gasik ba ote dagoen ikertu nahi du Eusko Jaurlaritzaren sozietateak. Gorka Urtaran alkateak adierazi du udalaren erabakia defendatuko duela.
Duela lau urte sortu zuen Oñatiko Udalak ingurumen beka. Oñati inguruko anfibioen eta narrastien azterketa egin zuten lehen deialdi hartan, herriko ekosistema ezberdinetan zein egoeratan zeuden ikertzeko. Duela bi urte, energia berriztagarrien inguruko lanari... [+]
Insignis pinuari eraso dioten onddoek hankaz gora jarri dute Bizkaiko eta Gipuzkoako basogintza. Azken ia mende batean gorabehera handirik gabe moldatu den basogintza osoa kolokan jarri dute onddo xixtrin batzuek. Xixtrin baino gehiago, ziztrin esan beharko dugu, izan ere, a zer... [+]
Aizkorri-Aratz Parke Natural eta Kontserbazio Bereziko Eremuan (KBE), Zerain eta Oñati udalerrietan, Gipuzkoako Aldundia lau baso pista eraikitzeko proiektua tramitatzen ari da, bertako herri onurako mendi batean eta lursail pribatu batzuetan, hurrenez hurren. Natura 2000... [+]
Europako Batzordearen zientzia eta ezagutza zerbitzua den Ikerketa Zentroak argitaratu berri du desertifikazioaren munduko Atlasaren edizio berria, lekuan lekuko erabakiak hartu behar dituzten arduradunei eskaintzeko tresnak lurzoruen galera eta hondatzeari erantzun egokiak har... [+]