Errobi musika taldea duela 50 urte igo zen lehen aldiz oholtzara. Hori dela eta, berriz itzuliko dira eszenatokira Mixel Ducau eta Anje Duhalde sortzaileak, euskarazko lehen rock musika taldearen abesti mitikoenak kantatzeko asmotan. Maiatzaren 4an izango da, Bilboko Euskalduna jauregian.
Errobi bueltan da. Mauka ekoizpen etxeak maiatzaren 4an kontzertua antolatu du Bilboko Euskalduna jauregian –Bizkaiko Foru Aldundiaren laguntza ere badauka– eta asteartean egin zuten kontzertuaren aurkezpena. Musika taldean gitarraz eta ahotsaz arduratzen ziren Anje Duhalde eta Mixel Ducau izan ziren bertan, beste hainbat ordezkarirekin batera.
Duhaldek azaldu duenez kontzertua eskaintzeko ideia beste proiektu batek akuilatuta sortu zaie. Zehazki, Errobiren kantak zuzenean jotzeko Atzar Hadi taldearen ekimeneko partaideek omenaldi moduko bat egin nahi zien: “Niri omenaldiak gustatzen zaizkit tartean ez nagoenean”, argitu du kantari arrangoiztarrak, eta azaldu du proiektu horrekin zerikusirik ez dutela. Baina Ducou eta bere artean eleka hasita pentsatu zuten: “Horiek egiten badute guk ere zerbait egin genezake agian”.
Errobi izan zen rock musika estiloarekin hasi zen lehen taldea; rock eta folk progresiboa eta pop ukituak ere nahasten zituzten euren errepertorioan.
Errobi 1970 eta 1980ko hamarkadetako euskal musika talde esanguratsuenetako bat izan zen. Euskarazko rocka jada hasi zen bere bidea egiten lehendik, Niko Etxarten eskutik besteak beste, baina Errobi izan zen musika estilo horrekin hasi zen lehen taldea; rock eta folk progresiboa eta pop ukituak ere nahasten zituzten euren errepertorioan.
Garai gogor eta konplexuetako euskal rocka
Ducauk eta Duhalde 1973an ezagutu zuten elkar, eta hortik gutxira hasi ziren batera jotzen. 1975ean lehen binilozko LPa kaleratu zuten Errobi izenarekin, bosna abestiko bi alde, eta tartean Aitarik ez dut edo Gure zortea abestiak entzungai: “Zazpi probintzi zazpiak anai bat basteari so zauden / baina goiz baten haundi mundiek / muga bat duten ezartzen”. Halako abestiekin Errobik lortu zuen Hegoaldeko euskal herritarrekin konektatzea une politiko gogor eta konplexuan.
Horrela gogoratu zituen hastapen horiek Duhaldek ARGIAn, Pello Zubiriarekin 1987an egindako elkarrizketa batean: “Hasieran Hegoaldeko jendea pixka bat moskeatua zegoen. Ahots arraroak, arregloak ere bereziak... Hasieran kritika gogorrak izan genizkian. Baina oso ondo moldatzen gintuan Mixel eta biok, eta kantaldietan guk eramaten genian erritmoa”.
Txiki eta Otaegiren fusilatzea, ikastolak, Txile, erbesteratuak, poliziak hildakoak... 1977an Gure Lekukotasuna diskoa plazaratu zuten, amnistiaren aldeko aldarrikapenak indarra hartu zuenean: “Gaurko kantu hau izan dadila / gure lekukotasuna... / Burruka gaiten irabazteko / Euskadin askatasuna!”. 1978an Bizi Bizian argitaratu zuten, euskal talde batek lehen aldiz zuzenean grabaturiko diskoa.
Errobik makina bat kontzertu eskaini zituen denbora horretan, ARGIAko artxibotik berreskuratu dugun goiko 1978ko argazkian ikusten den moduan, sarritan akustikoan beste askotan gitarra elektrifikatuarekin eta ahots hutsez. 1979ko Ametsaren bidean diskoa izan zen, seguruenik, denetan puskatzaileena.
"Kantuak sendoak dira, gaurkotasuna dute"
Errobik bizitza laburra izan zuen. 1985ean “parentesi” gisa hartu daitekeen beste grabazio bat egin zuten Xoxoa zigiluaren eskutik (Agur t’erdi), baina ordurako Ducau eta Duhalde bakoitza bere bidea egiten ari zen. Orain berriz itzuliko dira 40 urteren ostean: “Modestiarik gabe ohartu naiz kantu horiek guztiak sendoak direla, gaurkotasuna badute, eta merezi zuen berriz hartu eta konpontzea”, azaldu du Ducauk aurkezpenean.
Bilboko maiatzaren 4ko kontzertuan, Mixel Ducau eta Anje Duhaldez gain, Remi Gachis (gitarra), Iñigo Telletxea (baxua) eta Txomin Duhalde (bateria) ere ariko dira. Sarrerak salgai daude internetez 30 euroan eta agortzen ez badira leihatilan eskuratu ahal izango dira 35 euroan. Euskaldunako ateak 18:15ean irekiko dira eta 19:00etan hasiko da emanaldia. Amaiera ordurik ez dute eman, hori entzuleen arabera ere izango da noski... Beste bat! Beste bat!
Egia esan, pena ematen dit kritika honi izenburu hau ipintzea. Bizeten Carmen oso opera ederra da, sentimendu unibertsalak jorratzen dituena, hala nola pasioa, jeloskortasuna, maitatuaren posesioa, independentzia... Eta hori guztia musika-lan bikaina oinarri hartuta. Baina... [+]
UPNk mozioa aurkeztu du Tafallako udalbatzan gobernu taldeari eskatzeko bertan behera utz dezala Raimundo el Canastero musika taldearekin zuen kontratua jaietan kontzertu bat egiteko. Lizarrako jaietan izandako polemikaren ondoren etorri da zentsura eskaera. PSN batu zaio... [+]
Albenizen Iberia Suite monumentalaren bertsio berri bat egitea meritu handiko lana da, merkatuan dauden grabazio bikainak kontuan hartuta. Hori dela eta, Luis Fernando Pérezek Musika Hamabostaldiko errezitaldian egindako lanak sekulako miresmena sortu zidan.
Orkestra handien eta obra handien kontzertuen ondoren, ezin diegu arreta jarri gabe utzi musika-patxada handiagoko, sosegu handiagoko baina edertasun berdineko proposamenei.
Luxenburgoko Orkestra Filarmonikoaren lehen kontzertuak erromantizismo berantiarraren kutsua izan bazuen ere, bigarren topaketan taldeak bi obra zirraragarri interpretatu zituen, istorioak kontatzen zizkigutenak. Obra exigenteak ziren, batez ere adierazkortasunaren aldetik, eta... [+]
Aspaldidanik Saran bizi den arren, goiza Bidasoaren ibarrean pasa behar zuenez gero, Hondarribiko parte zaharrean zitatu gaitu Ruper Ordorikak (Oñati, 1958). Goiz eguzkitsuan, puntual eta irribarretsu agertu da maldan gora, konsistorioaren parera, turista gazte kuadrilla... [+]
Musika Hamabostaldiak 85. edizioari hasiera eman dio, orkestra handi batekin eta inaugurazio baten mailako programarekin.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Ruper Ordorikak jasoko du Abadia Saria aurten. Gipuzkoako Foru Aldundiak euskararen normalizazioaren aldeko lanetan nabarmendutako pertsona edo elkarteen jarduna saritzeko sortu zen Abadia saria. Irailaren 12an Hendaian egingo da ekitaldia, Abadia Jauregian hain zuzen, eta sari... [+]
Punka. Punka bueltan da, edo hobe esanda, ez da inoiz joan. Lekitxotik (eta ez Lekeitiotik) datoz Zikinekoak, Mendeku Diskak-ekin argitaratu berri duten Bala Galdua Zure Buru Galduan elegantearekin.
“Eixu Zeuk” filosofia. Hori da oinarria eta helburua... [+]
1959. urtea mugarri izan zen jazzaren bilakaeran: Miles Davisek A Kind Of Blue grabatu zuen martxoan eta apirilean; disko horretan parte hartu zuen John Coltranek Giant Steps plazaratu zuen maiatzean; eta, azkenik, Ornette Colemanek The Shape Of Jazz To Come argitaratu zuen,... [+]
OCU kontsumitzaileen Elkarteak hiru arrazoi zehaztu ditu, horien artean kanpoko janaria eta edaria Kobetamendiko esparruan sartzeko debekua, eta eskudirutan edo banku-txartelaren bitartez ordaintzeko ezintasuna. Facuak aurreko urtean egindako salaketan zehazturiko arazoak... [+]
Bere sorterri Ataunen hil da Maximo Aierbe Muxika, 74 urterekin. Euskaldunon Egunkariaren sortu aurreko eta ondoreneko urte malkartsuetako eginahaletan parte hartu zutenek gogoratuko dute proiektu berriaren akziodun bila hainbeste lan egindako gizon hura. Disziplina eta... [+]