Errigorak “inoizko uztarik emankorrena” jaso du azken kanpainarekin
Errigorako kanpainaren eskari kopurua %20 hazi da, iazko datuekin alderatuz gero.
Martxoaren 10ean abiatu zuen Errigorak Nafar hegoaldeko uzta eskutik eskura kanpaina. Nafarroa hegoalde eta erdialdeko oliba-olio birjina estra, kontserba-potoak, arroza, pasta eta lekaleak jarri zituzten eskuragai, euskaraz etiketatuta eta ekoizlearen jatorrizko prezioan. Martxoaren 30era arte aritu ziren herritarren eskariak jasotzen, eta berriki egin dituzte publiko kanpainaren emaitzak. "Inoizko uztarik emankorrena suposatu du", jakinarazi dute publiko egindako oharrean.
Emandako datuen arabera, eskaria %20 hazi da iaztik, eta 10.000 despentsa beteko dituzte Nafar hegoalde eta erdialdeko produktuekin. Zehazki, 143.000 litro olio saldu dira, iaz baino %20 gehiago; eta kontserba-potoen eta arroz, pasta eta lekaleen paketeen eskariek ere gora egin dute, %15 igoz –271.000 kontserba-poto eta 41.000 pakete–.
Inoizko uzta emankorrena utzi du aurtengo #ESKUTIKeskura kanpainak:
-10.000 etxe
-143.000 litro olio
-271.000 ontzi kontserba
-41.000 pakete arroz, pasta eta lekale
Zorionak Errigoraren komunitatea osatzen dugun ekoizle, boluntario eta kontsumitzaileei!#oinakLurrean pic.twitter.com/AZ1axz0jpB
— ERRIGORA (@errigora) April 27, 2022
"Errigoraren Nafar hegoaldeko uzta eskutik eskura kanpaina bertako elikagaiak kontsumitzeko auzolan.ariketa bat da. Kontsumitzeko erak aldatuta, ekoizpen moduak aldatzen hasteko saiakera bat. Urtez urte gero eta handiagoa den eskaerak eman ditu bere fruituak Nafarroako baratzean", zioten Oinak lurrean izenez publiko zuten bideoak. Zentzu horretan, orain arteko uztarik emankorrena jaso izanari esker, aurrerapausoak emango dituzte datozen hilabeteetan. Oinak lurrean izeneko dokumentuan aurreratu dutenez, irailerako prest izango dituzte 40 erregu-lur berri (36.000 metro karratu) piper ekologiko gehiago jasotzeko, eta honezkero hamabi ekoizleren lantokietan euskara-planak ari dira gauzatzen; "2023rako Errigoraren baitan ari diren guztiak izango dira euskara-planetan murgilduta", adierazi dute.
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
Euskara hauspotzeko lan egiten duten eragileak ekonomikoki hornitzea da ekimenaren xedea. Ekarpena egiteko bertako produktuen saskiak erosteko aukera izango da urriaren 24tik azaroaren 14ra bitartean.
Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari' izeneko kanpaina abiarazi zuten atzo eta martxoaren 13ra arte aukera dago saski horietako... [+]
Hamar urte dira saskiekin hasi zirela eta bi milioi euro bildu dituzte guztira.
50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]
Iazko udan suteek panorama iluna utzi zuten Nafarroan, argazkiko San Martin Unxen lurren %95 kiskali zuten. Asko hitz egin zen hedabideetan suteek eragindako kalteez, baina nola aurre egin gero eta sute gehiago eman daitezken testuinguruari? Nafarroako Gobernuaren interes falta... [+]
Errigoraren baitan dauden ekoizleetatik zazpik parte hartzen dute jantokietarako formatu eta eskaintzan egokitzapenak eginez. Ager eremuko baratzeetan dauden produktuak prestatzen dituzte. Produktu horiek jantokietan sartuz gero, euskal lurraldeen artean "harreman iraunkor... [+]
Osotara, 9.000 eskaera jaso ditu euskara eta elikadura burujabetzaren aldeko ekimenak 'Eskutik eskura' udaberriko kanpainan. Laster Euskal Herriko txoko guztietara iritsiko dira eskaerak.
Euskara, elikadura burujabetza eta auzolana bultzatzea dira Errigoraren helburu garrantzitsuenak. Bost ekoizlerekin hasi ziren 2013an, baina gaur egun dagoeneko 23 dira, eta beraz, urrats bat gehiago eman beharra sentitu dute: Errigora identifikatzailea.
Ekainean Nafarroak inoiz jasan gabeko kalteak izan zituen suteen ondorioz. Errigora ekimenak diru bilketa abiatu zuen uztailean, ondorioak bideratu ahal izateko eta "lurrarekiko begirunez jardungo duten ereduak" sustatzeko. 85.000 euro bildu dituzte Euskal... [+]
“Bat egiteko garaia da” lelopean burututako kanpainari esker 13.000 saski banatuko dira hurrengo egunetan eta 200.000 euroko ekarpen ekonomikoa bideratuko du Ager zonaldeko euskalgintzaren egitasmoetara. Euskaraldia azaroaren 18an hasiko da, eta ariketa sozial masibo... [+]
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]