Antolatzaileek azpimarratu dute saski-kanpaina “arrakastatsua” izan dela herrigintzari esker. Nafarroako erakundeei eskatu diete euskararekiko “dagokien erantzukizuna” euren gain hartzeko, eta herritarren lana laguntzeko.
Herriak egiten du herria lelopean hasi zuen aurtengo udazkeneko kanpaina Errigora ekimenak, eta halaxe izan da: tokiko produktuekin osatutako 15.500 saski saldu dituzte “herrilan-ariketa erraldoian”, eta lortutako 235.000 euroak Nafarroa erdialdea eta hegoaldea euskalduntzera bideratuko dituzte. Antolatzaileek nabarmendu dute ekimen horrekin frogatu dutela “auzolanaren balioa eta baliagarritasuna”. Parte hartzaile guztiak zoriondu dituzte.
Zortzigarren urtez egin dute udazkeneko kanpaina, iaztik Nafar hegoaldeko uzta euskarari puzka izenean aurkezten dutena. Azaldu dutenez, 2020an “elkartasun uholdea” galdegin zuten pandemiak euskalgintzari emandako “zartakoari” erantzuteko, eta emaitza inoizko onena izan zen. Baina, egoera baretuta, aurtengo “arrakasta” ez zuten espero: iazkoaren atzetik atxikimendurik handiena lortu duen kanpaina izan da.
Erakundeen erantzukizuna
Errigoratik gogorarazi dute Nafarroako zonalde hori euskalduntzeko auzolana beharrezkoa bai, baina nahikoa ez dela. Nafarroako parlamentuan bertan kritikatu dute erakundeek “ezer gutxi” egin dutela, eta eskatu diete euskararekiko “dagokien erantzukizuna” euren gain hartzeko. Dei egin diete herritarrentzat behar beste baliabide jartzera eta hamarkadetako hizkuntza politika iraultzera, lurraldea “berandu baino lehen” euskalduntzeko.
Zertarako da dirua?
Saskien bidez lortutako dirua euskara hauspotzeko hainbat egitasmotara bideratuko dute. Bultzatzaileen esanetan, “ezinbesteko” laguntza ekonomikoa da AEK-k eta ikastolek bizirauteko nahiz aurrerapausoak emateko. Sortzen elkarteak hezkuntza sare publikoan D eredua indartzen jarrai dezan baliabideak emango ditu. Gainera, Agerraldiak ekintza-agenda handiagoa prestatu ahal izan du 2022rako. Horrela, euskara esparru eta espazio guztietara zabaldu nahi dute.
Laburpen bideo honetan aurkeztu dute kanpainaren emaitza:
Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari' izeneko kanpaina abiarazi zuten atzo eta martxoaren 13ra arte aukera dago saski horietako... [+]
Hamar urte dira saskiekin hasi zirela eta bi milioi euro bildu dituzte guztira.
50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]
Iazko udan suteek panorama iluna utzi zuten Nafarroan, argazkiko San Martin Unxen lurren %95 kiskali zuten. Asko hitz egin zen hedabideetan suteek eragindako kalteez, baina nola aurre egin gero eta sute gehiago eman daitezken testuinguruari? Nafarroako Gobernuaren interes falta... [+]
Errigoraren baitan dauden ekoizleetatik zazpik parte hartzen dute jantokietarako formatu eta eskaintzan egokitzapenak eginez. Ager eremuko baratzeetan dauden produktuak prestatzen dituzte. Produktu horiek jantokietan sartuz gero, euskal lurraldeen artean "harreman iraunkor... [+]
Osotara, 9.000 eskaera jaso ditu euskara eta elikadura burujabetzaren aldeko ekimenak 'Eskutik eskura' udaberriko kanpainan. Laster Euskal Herriko txoko guztietara iritsiko dira eskaerak.
Euskara, elikadura burujabetza eta auzolana bultzatzea dira Errigoraren helburu garrantzitsuenak. Bost ekoizlerekin hasi ziren 2013an, baina gaur egun dagoeneko 23 dira, eta beraz, urrats bat gehiago eman beharra sentitu dute: Errigora identifikatzailea.
Ekainean Nafarroak inoiz jasan gabeko kalteak izan zituen suteen ondorioz. Errigora ekimenak diru bilketa abiatu zuen uztailean, ondorioak bideratu ahal izateko eta "lurrarekiko begirunez jardungo duten ereduak" sustatzeko. 85.000 euro bildu dituzte Euskal... [+]
“Bat egiteko garaia da” lelopean burututako kanpainari esker 13.000 saski banatuko dira hurrengo egunetan eta 200.000 euroko ekarpen ekonomikoa bideratuko du Ager zonaldeko euskalgintzaren egitasmoetara. Euskaraldia azaroaren 18an hasiko da, eta ariketa sozial masibo... [+]
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]
Urriaren 22an egun osoko egitaraua antolatu dute Errigora, Agerraldia eta Hordago herri ekimenek, euskara ardatz hartuta, baina ostegunean jakinarazi dute udalaren traben erruz ezingo dutela aurreikusitako Deskontrolen kontzertua egin. Halere, 17:30ean Tuterako kaleak hartuko... [+]
Euskal herritarrei ekarpena egiteko eskatu die. Errigorak beren konpromisoa erakusteko 10.000 euro jarrita abiatu dute kanpaina.