Erriberaren identitatea oinarri izango duen Laya dantza taldea osatu dute Tuteran
Erriberako hainbat herritako dantzari gazteak elkartu eta Laya dantza taldea sortu dute Tuteran. Abenduaren 24an atera ziren kalera talde moduan lehenengo aldiz, baina ez dira zerotik hasi. Badira ia 25 urte Laya elkartea sortu zela, Erriberako dantzarien eta erraldoien konpartsen inguruan lanean hasi zirela. Dantza taldeen sorrera sustatu zuten eta haien artean kooperatiba erako antolaketa hauspotu zuten. Erriberako hainbat herritako dantzariekin dantza talde komunak sortzen zituzten.
Ia mende laurden pasata, Tutera inguruetako dantzariak zein Tuterako udal dantza taldeko eta erraldoi taldean aritzen diren kideek dantza talde bat sortzeko gogoa azaldu dutela azaldu digu Patxi Labordak, Laya elkartearen bultzatzaileetakoak; "ikusi da badela garaia, dantza taldeen kooperatiba beharrean hainbat herritako dantzariz osatutako dantza taldea osatzekoa. Helburua da Erribera identitate moduan lantzea".
Laya elkarteari jarraipena emanez, izena mantendu egin dute osatu berri den dantza taldearentzat. Gehienak dantza talderen batean ibilitako gazteak dira, baina bada inoiz dantzan aritu gabekoren bat ere. Tuterako, Monteagudoko, Cabanillasko, Ribaforadako... 20-30 urte bitarteko gazteek osatu dute dantza taldea. Iñigo Castellano dabil dantza-maisu eta koreografiekin eta laguntzen ari da Patxi Laborda. Astean bi aldiz entseatzen dute Tuterako Barrio de Lourdes-eko Kultur Etxean.
Orain arte formazio teorikoa eta praktikoarekin aritu direla kontatu digu Labordak, "Dantza talde moduan aukera edo perspektiba asko daude, horiek ikusi ditugu eta horietatik abiatuta gazteek berain burua non kokatu nahi duten erabakitzeko bidea ireki diegu". Formazioen eta hausnarketen ondoren, Laya dantza taldeak hartu duen eredua da, dantza talde eragile izatea; egutegiko festa egunetako eragile.
Hori horrela, abenduaren 24an atera ziren dantzara Olentzeroren desfilean. Aurrez segizio horretan ikastolako haurrek koreografiatxo batzuk egin izan dituztela azaldu digu Labordak, baina Layak beste eredu bat proposatu du: "Ikusi genuen ingurutxo bat egokia izan zitekeela hor dantzatzeko eta hala egin genuen, nahiko modu naturalean, inprobisazio kutsu batekin". Laister soka-dantzaren inguruko formazioarekin hasiko dira, gero Tuteran soka-dantza bat atera dezaten. Urtarrilaren amaierako dantzaldia ere antolatuta dute.
Albiste hau Dantzan-ek argitaratu du eta CC-by-sa lizentziari esker ekarri dugu ARGIAra.
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Transmisioa eta dantza taldeetako erreleboa aztertu nahi izan dugu Dantzan Ikasi topaketetan, eta gazte belaunaldiek lan egiteko ereduak ezagutu nahi izan ditugu “Gazteen parte-hartzea euskal dantzan” mahai inguruan: Eder Niño Barakaldoko... [+]
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
Gerratik ihesi 1937ko ekainean Donibane Garazin Bilbo eta inguruetako 600 haur jaso zituzten. Hiriburuko Ziudadelan Eusko Jaurlaritzaren menpeko eskola kolonia bihurtu zuten, eta bi urtean 8-14 urteko 800 bat haur igaro ziren bertatik. Haurrekin 80 bat heldu ere iritsi ziren:... [+]
Aste hondar honetan euskal dantzen hiriburu bilakatu da Hendaia. Akelarre dantza talde hendaiarraren 50. urtemugaren testuinguruan, Lapurdi, Baxe Nafarroa eta Xiberoako hamasei dantza talde elkartu ditu bertan Iparraldeko Dantzarien Biltzarrak.
Iazko azaroko Sansaturnino eguneko ospakizunak gibelean utzita, Iruñeko Duguna dantza taldeak 75. urteurreneko ekitaldiekin aitzina eginen du martxo hondar eta apiril hastapenean. Ondorengo lerroetan taldeak berak azaltzen ditu ospakizunok.
Kaskarotak eta maskaradak kasik urtearekin batera hasi dira eta jarraian etorri dira beste zenbait inauteri festa. Goiztiarrenak urtarrilean ari dira ospatzen, baina aurten inauteri gehienak datoz oso goiz. Otsailaren 8an izango da Ostegun gizena eta 13an Inaute asteartea. Hadi!... [+]
Urtarrileko lehen asteburuarekin atera dira kaskarot goiztiarrenak. Beskoitzekoak izan dira lehenak eta otsail hasierara arte larunbatez eta igandez astero ibiliko dira herriko auzoetan etxez etxe dantzan eta festan. Goiztiarrenak eta irteera gehiena egiten dituztenak dira... [+]
Dantzaria, koreografoa, abesbatzako zuzendaria, idazlea… 102 urterekin zendu da Filipe Oihanburu (Argeles-Gazost-Miarritze, 1921-2023) Miarritzeko bere etxean. Hain zuzen Miarritzeko Urrezko Domina jasoa zuen euskal dantzan eta musikan egindako lan guztiagatik. Segundo de... [+]
Baztango herrietako festetan Mutil-dantza parekideak egitea “mugarri garrantzitsu bat gainditzea” dela adierazi du Plazara Dantzara taldeak. Hala ere, azpimarratu du dena ez dagoela “irabazita” eta oraindik “bide luzea” dutela egiteko.
Azaroaren 4ean euskalgintzak deitutako manifestazioa eginen da Bilbon, 17:00etatik aitzina, Oldarraldiaren aurrean, euskararekin bat, euskaraz bat lelopean. Manifestazio jendetsua izatea espero da eta bukaeran, bestelako esku-hartzeekin batera, soka-dantzan aritzera... [+]
Zuberoako hainbat belaunalditako dantzariak bilduko dira jauzien erakustaldia egiteko larunbat honetan, urriak 28, Altzaiko plazan. 120 dantzari, 12 herri, 20 musikari eta kantari, xirulari, ttun ttun eta arrabitari elkartuko dira 15:00etan hasiko den emanaldian.
Urriaren 7an, Donostian, izango da Euskal Dantzarien Biltzarrak urriko lehen larunbatean antolatu ohi duen Euskal Herriko Dantzari Eguna. 50 dantza taldek hartuko dute parte eta bi donostiar omenduko dituzte: Gipuzkoako dantzen maisua izan den Juanma Oronoz eta EDBren logoa... [+]