Erriberako PSNk zortzi hizkuntzatan eskatzen du botoa, baina euskaraz ez
Honakoa da PSN Nafarroako Alderdi Sozialista Erriberan herritarren botoa eskatzeko erabiltzen ari den karteletako bat. Aste honetan Lodosan eta Vianan bederen ikusi dituzte gisa honetakoak.
Zortzi hizkuntza erabiltzen dira: gaztelania, portugesa, ingelesa, arabiarra, errumaniera, frantsesa, alemana eta ukraineraz.
Deigarria egiten da, euskararik ez dagoelako hizkuntzen artean, eta aldiz, euskaldunak egon badaude Erriberan, seguruenik hizkuntza horietako gehienetan dauden hiztunak baino gehiago gainera.
Horrek esan nahi du, agian, PSNk ez duela uste Erriberako euskaldunei zuzenduta botorik erakar dezakeenik. Edo agian, eta hau hipotesi sinesgarriagoa da, euskara erabiltzeak botoak kenduko dizkiola uste dute Erriberako sozialistek.
Oso aspaldikoak dira euskararen aurkako jarrerak Nafarroan, baina azken urteetan Erriberan bereziki sustatu dira, baita eremu instituzionaletik ere. Adibidez, 2019an Tuterako Udalak udaltzaingoaren lanpostu baterako oposizio-lehiaketa argitaratu zuen eta alemana, frantsesa eta ingelesa jakiteak bost puntuko balioa izan zuen, eta euskararen ezagutza ordea, ez zen baloratu.
Euskararen 2021eko VII. Inkesta soziolinguistikoaren arabera, Nafarroako herritarren %37 euskara sustatzearen aurka zegoen, 2016an baino %2 gutxiago, baina 2011n baino hiru puntu gehiago oraindik.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.
Euskarazko B2 eskakizuna zuten bi udaltzain lanpostu baliogabetu zituzten epaileek iazko urtarrilean, euskara eskatzea "diskriminatzailea" izan zitekeela iritzita; eta aitzineko astean, Donostiako Udalak aurkezturiko helegitea ez aztertzeko erabakia hartu du EAEko... [+]
Donostiako Udalak 2024ko irailean helegitea jarri zuen, urte bereko urtarrilean epaileek bi udaltzainen B2 hizkuntza eskakizuna baliogabetu zutelako. EAEko Auzitegi Nagusiak helegitea ez du tramitera ere bideratuko, “kasaziorako interes objektiborik” ez dagoelako... [+]
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Ostegun honetako Udal Osoko Bilkuran eztabaidatu eta bozkatuko dira Amurrioko Udaleko 2025erako aurrekontuak eta, beste behin ere, Udal Gobernuak uko egin dio Aiaraldea Komunikabidearen hitzarmen eta dirulaguntza berrezartzeari.
Arkitektoen elkargoaren helegitea dela eta, Donostiako Udalak atzera bota du kontratazio espedientea.
Euskalgintzaren Kontseiluak eta Bizkaiko Foru Aldundiko langileak elkarretaratzea egin dute langileen egonkortzearen eta euskalduntzearen alde.
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
