Erretiro adina atzeratzeko asmoarekin jarraitzen du Frantziako Gobernuak
Erretreta jasotzeko baldintzak gogortu nahi ditu gobernuak, bai eta erretiro adina 64 edo 65 urtera atzeratu ere. Baliteke erreforma dekretu bidez aplikatzea, bozketarik gabe.
Irailean jakinarazi zuen Frantziako Gobernuak pentsioari lotutako zenbait baldintza aldatu eta gogortu nahi dituela, erreforma baten bidez. Esangura handiena izan duen neurrietako bat da, erreformaren barruan, erretiro adina atzeratzeko asmoa duela gobernuak, nahiz eta ez duen zehaztu zenbat. Kanpainan 65 urtera atzeratzeko aukera aipatu zuen Emmanuel Macron presidenteak, baina 64 urteko epea ere aipatu izan du ordutik. Antza, Elisabeth Borne lehen ministroak aste honetan aurkeztuko ditu pentsioen erreformaren xehetasunak.
Erretiro adina luzatzen ez bada pentsio sistemak "defizit jasanezinak" izango dituela dio gobernuak. Oraingoz, badirudi baztertu egin dutela pentsioen zenbatekoa txikitzea edo gizarte kotizazioak emendatzea. Hala ere, haserrea piztu du erretiro adina berriz ere atzeratzeko aukerak; sindikatuek, esaterako, urtarrilean protestak egiteko asmoa erakutsi dute. 2010ean ere, Nicolas Sarkozy presidente zenean, erretiro adina atzeratu zuen Frantziako Gobernuak, 60 urtetik 62ra.
Oraingoan, dena den, baliteke gobernuak dekretu bidez ezartzea erreforma, Frantziako Konstituzioaren 49.3 artikuluaz baliatuta. Artikulu horren esanetan, gobernuak parlamentuko eztabaida eta bozketa saihestuta sar dezake indarrean halako neurri bat, dekretu batekin. Aurrekontu orokorrak ere modu horretara inposatu zituen.
Espainiako Estatuan ere martxan da erretiro adina atzeratzeko prozesua, duela bederatzi urtetik; 2017an bukatuko da adina 67 urtera luzatzeko eginbidea. Gaur-gaurkoz, 66 urte eta bi hilabete izan behar dira erretiroa hartzeko, 37 urte eta sei hilabete kotizatuta. Urtarrilaren 1etik aurrera, luzatu egingo dituzte epe horiek: 66 urte eta lau hilabete izan beharko dira, eta 37 urte eta bederatzi hilabete kotizatu beharko dira.
Eskuin muturreko RN alderdia da Frantziako Legebiltzarrerako hauteskundeen lehen itzuliko garaile handia. RN alderdiak %33,15 jaso du, ezkerreko Fronte Herritar Berriak %27,99 eta Macronen Ensemble alderdiak %20,04.
Asteazken goizean eskainitako ohiz kanpoko prentsaurrekoan eman du erabakiaren berri Frantziako presidente Emmanuel Macronek. Kanaken haserrea piztu zuen legeak, errolda horren eguneratzeak kanaken pisua gutxitzeaz gain, 1998ko Noumeako Bake Akordioen muinaren errespetu-eza... [+]
Ekainaren 30eko eta uztailaren 7ko Frantziako Legebiltzarrerako hauteskundeetan eskuin muturrak garaipena lortu dezake, eta hori gertatzekotan Le Penen RN eta Macronen Renaissanceren arteko koalizio gobernua osa liteke. Arrisku errealaz kontziente, eskuin muturraren gorakada... [+]
Batasun Nazionaleko buruak, Macronek Frantziako Asanblea Nazionala disolbatu eta hauteskundeak deitzeko harturiko erabakia jakin eta berehala hitz egin du, alderdi ultraeskuindarrak Europako hauteskundeetan emaitza ikusgarriak izango zituela baiezkotzat emanda.
Urgentziazko prentsa agerraldia egin du Emmanuel Macronek, inkesta emaitzak jakin eta ordubetera. Izan ere, inkestaren arabera, Le Penen alderdi ultraeskuindarrak bikoiztu egingo lituzke bere botoak.
Laborantza lizeoetan tokiko hizkuntzetako irakaskuntza sailen sortzea eztabaidatua izan da frantses legebiltzarrean. Legearen zuzenketa proposatu du Iñaki Etxaniz legebiltzarkideak.
Astelehenaz geroztik Kanaky uharteetan protestak eta istiluak ari dira izaten. Gutxienez lau hildako izan dira Frantziako Gobernuaren arabera, baita zauritu ugari eta dozenaka atxilotu ere. Frantziako Asanblea Nazionalean Pazifikoko uharte hartako hauteskunde-erroldari buruzko... [+]
Ongi doazen ikasleak talde batean, zailtasunak dituztenak, bestean; maila akademikoaren arabera banatuko dituzte ikasleak datozen ikasturtean, Frantziako Estatuan. Ikasleak sozialki eta akademikoki sailkatu eta bereiztea, desoreka areagotzea eta egoera okerragoan daudenak... [+]
Espetxe zigor arinak eskatu ditu Frantziako fiskaltzak Parisen epaitzen ari diren Jean Noel Txetx Etcheverry eta Beatrice Mollerentzat, ETAren helburuen arabera jardutea egotzita. Hala, zigor horiekin bakegileek ez lukete espetxera joan beharko. Maiatzaren 16an emango dute... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
Guillaume Kasbarian Etxebizitza ministroa eta Bruno Le Maire Ekonomia eta Finantza ministroa Baionan egonen dira ostiral honetan. Etxebizitza eskubidearen aldeko elkarretaratzera deitu du Herrian Bizi plataformak.
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Lege egitasmoak jasotzen dituen 86 neurrietatik 32 indargabetu ditu, hala nola familia batzeari jarritako oztopoak eta egonaldi irregularraren delitua. Eskuin muturraren bultzadarekin onartu zen legea.
