Erresuma Batuko inteligentzia zerbitzuek Israel lagundu dute Gazako genozidioan
Espioitzarako 200 hegaldi egin dituzte EBko hegazkin militarrek urritik, eta inteligentzia datuak eman dizkiete sionistei. Britainiarren inteligentzia jaso eta analizatzeko taldeak Israelen izan dira “gerra” hasi zenetik. Urriaren 7tik sionistei armak esportatzeko 100 lizentzia baino gehiago banatu ditu Erresuma Batuak.
Erresuma Batuko espia taldeak Israel laguntzen aritu dira Gaza bonbardatzen ari den bitartean, AEBetako espioiekin batera, The New York Times egunkariaren filtrazio baten arabera. Israelgo Gobernuko iturri batek onartu du bi herrialdeek eman dietela airetik eta espaziotik jasotako informazioa, baita datu zibernetikoak ere, haien kabuz lortu ezingo zituztenak bestela. Declassified UK ikerketa taldearen esanetan, Erresuma Batuko ministroen aurkako ekintza legalak abiatu ditzakete nazioarteko auzitegiek, gerra krimenetan lotura izan dezaketelako Israel babesteagatik.
Bahituak askatzeko lanetan aritu den Israelgo iturri batek The New York Times-i jakinarazi dio bi herrialdeek lagundu dietela bahituen inguruko informazioa biltzen, bahituetako batzuk naziotasun bikoitza dutelako. Aitortu du AEBek ezinbesteko informazioa eman dietela sionistei Nuseirat kanpalekuko erasoa gauzatzeko. Operazio militar bakarrean 274 palestinar hil ditu Israelek Nuseiraten, 700 inguru zauritu eta lau bahitu israeldar askatu. Israelgo iturriek diote Erresuma Batuak bahituen inguruko datuak besterik ez dituela eman, baina iturri batzuek adierazi dute susmoak daudela EBren espioitza bahituen erreskatetik harago joan ote den.
Erresuma Batuko ministroen aurkako ekintza legalak abiatu ditzakete nazioarteko auzitegiek, gerra krimenetan lotura izan dezaketelako Israel babesteagatik
Hegazkin espia britainiarrek 200 hegaldi egin dituzte Gazan Israel laguntzeko. Declassified UK ikerketa taldeak zabaldu du informazioa. 1.000 ordu baino gehiagoko grabazioak egin dituzte Gazan, baita Erresuma Batuko laguntzaile humanitarioak hil zituzten egunekoak ere. World Central Kitcheneko langileen aurkako erasoan hiru britainiar hil zituen Israelek. David Cameron Atzerri ministroak urtarrilean jakinarazi zuen bahituen artean bi britainiar zeudela, Nadav Popplewell eta identifikatu gabeko beste pertsona bat. Ordutik, Popplewell hil egin da, Israelgo aire erasoen ondorioz, Hamasek adierazi zuenez.
Erresuma Batuaren arma salmentak sionistei
Urriaren 7tik Israeli armak saltzeko 108 lizentzia banatu ditu Erresuma Batuko gobernuak, The Guardian hedabideak jakin duenez. Gobernuak hiru alditan egin dio uko arma esportazioak gelditzeari, argudiatuta legearen arabera jokatzen ari direla. Hala ere, nazioarteko erakunde ugarik eta EBko hainbat taldek salatu dute Israelek nazioarteko lege humanitarioa hautsi duela Gazan milaka pertsona hilda, eta bertan behera gelditu beharko liratekeela esportazioak. Urri aurretik emandako lizentziekin batera, 345 lizentzia daude egun indarrean EBn Israeli armak saltzeko.
Berlinale zine jaialdian gertatu da joan den asteburuan. Jun Li zuzendariak, Queerpanorama lan berria aurkeztu zuenean, printzipio ideologikoengatik Alemaniara ez joatea erabaki zuen Erfan Shekarriz aktore irandarraren testu bat irakurri zuen oholtza gainean: "Ibaitik... [+]
Yala Nafarroak bat egiten du Israelek nazioarteko zuzenbidea sistematikoki urratzen duela salatzeko mundu osoan zehar egiten ari diren mobilizazioekin, eta iragarri dute mobilizazioei eutsiko dietela Mendebaldeko gobernuek Israelgo erregimenarekin duten konplizitatearekin amaitu... [+]
Su-etena hitzartu eta hilabete bete denean, lehen faserako adostutako 33 bahituetatik 25 askatu ditu Hamasek. Israelek, berriz, 985 preso utzi ditu aske. Bigarren fasea martxoaren 2an da indarrean sartzekoa, baina bi aldeek jarraitu beharreko urratsak zehazteko daude... [+]
Kulturatik elkarteak antolatuta, Musika eta dantza Palestinarekin ekitaldia egin dute Alderdi Ederren gaur eguerdian. Palestinako herriari elkartasuna adieraztea eta jasaten ari diren genozidioaren bukaera eskatzea izan da helburua. Donostiako Udalaren Musika eta Dantza... [+]
Su-etena hausteko arriskua erreala izan bada ere aste guztian zehar, adostasun batera iristeko bidean dira bi aldeak: bahitu gehiago askatuko lituzke Hamasek, laguntza Gazara sarrarazteko bidea ez oztopatzeko "promesa" egin duelako Israelek. Arabiar Ligako herriek... [+]
"Hamasek gure bahituak larunbat eguerdia baino lehen itzultzen ez baditu, su-etena amaitu egingo da eta armadak gogor borrokatuko du Hamas garaitu arte", adierazi du Israelgo lehen ministro Benjamin Netanyahuk, talde palestinarrak preso trukea behin-behinean... [+]
Erakunde islamistak Israelek urratu dituen neurrien artean aipatu ditu Gaza bonbardatzen jarraitzea eta aske utzitako preso palestinarren egoera. Trumpek mehatxatu du, preso trukea egin ezean, Gaza "infernu" bihurtuko duela.
Ehunka pertsona mobilizatu ziren Maccabi Tel Aviv talde israeldarrak Gasteizen jokatu duela gaitzesteko. «Israelgo Estatuaren normalizazioari» ekarpena egiten diola kritikatu diote Baskoniaren zuzendaritzari.
AEBetako presidentearen Gazako palestinarrak kanporatzeko asmoak aurkako erreakzio ugari eragin ditu nazioarteko nahiz herrialdeko politikan, baita Alderdi Errepublikanoan ere. Gehienek "garbiketa etnikoa" sustatzea egotzi diote, baina Trumpek bere asmoa berresten... [+]
Benjamin Netanyahu Israelgo lehen ministroaren bisitarekin batera egin ditu adierazpenak AEBetako presidenteak, Etxe Zurian. Zerrendan bizi diren 1,8 milioi palestinarrak Egipto edota Jordaniara lekualdatzea proposatu du.
Urtarrilaren 30 honetan abian jarri du Israelek Jerusalem ekialderako UNRWA Palestinar Iheslarientzako Laguntza eta Lan Bulegoaren debekua. Urtarrilaren 15ean adosturiko su-etenari segi, bahituen eta presoen hirugarren trukea dute ostegun honetan.
Su-etenaren akordioarekin barnean, Israelgo armadak Netzarim korridorea ireki du. Ia urtebeteko erbestealdiaren ondoren, milaka palestinar euren etxeetara abiatu dira bidaia emozional sakonean. Trumpek gazatarrak Egiptora eta Jordaniara desplazatzea proposatu du, eremua erabat... [+]
.jpg)
Igandetik indarrean da Hamasek eta Israelek nazioarteko bitartekaritzarekin adostutako su-etena. Lehen egunean 69 emakume eta 21 nerabe askatu ditu Israelek, horietako bederatzi adingabeak, eta Hamasek hiru israeldar. Gazara laguntza humanitarioko 630 kamioi ere sartu dira.