Erresidentzietako senideen elkarteek elkarrekin egingo dute lan kalitatezko arreta eskatzeko
Helburu bat dute Arabako, Gipuzkoako eta Bizkaiko hiru elkarteek: egoitzetan dituzten senideen eta lagunen zaintzan eta arretan kalitatea hobetzea. Horretarako gero eta interes gutxiago dagoela uste dute eta elkarrekin lanean hastea erabaki dute.
7. Alaba (Araba), Babestu (Bizkaia) eta Gipuzkoako Senideak dira EAEko hiru herrialdeetako elkarteak. Elkarteetako kideen senideak eta lagunak adinekoen egoitzetan eta eguneko zentroetan daude. Otsailaren 22an elkartu ziren hiru elkarteetako kideak eta diagnostiko bera egitera heldu ziren. Ateratako ondorioen arabera, egoitzen kudeaketan irizpide ekonomizistak dira nagusi eta kalitatezko arreta soziosanitarioa eskaintzeko gero eta interes gutxiago dago. Adierazi dute langileak eta materiala falta direla, elikadura kaskarra dela eta langileak lan-baldintza txarretan ari direla.
Lan plan bateratua egin dute. Gipuzkoako egoitzetako lan gatazkari behin betiko konponbidea ematea lehentasuntzat dute. Herrialde horretako langileek 225 greba egun baino gehiago egin dituzte. Bestalde, Eusko Jaurlaritzako Enplegu eta Gizarte politiketako Sailari laguntza eskainiko diotela adierazi dute, “sailburuak zerbitzuen kalitatea hobetzeko eta horien inguruko irabazizko negozioak ezabatzeko neurriak hartzeko prest daudela iragarri ondoren”.
Bizkaiko egoitzetako langileek 378 eguneko greba egin zuten 2016 eta 2017 urteetan. Grebalariek egoiliarrentzako kalitatezko zaintza eskatzen zuten, eta era berean, langileek lan-baldintza duinetan lan egitea. Greba hartan lortu zuten mezua transmititzea: langileak ez badira ari baldintza egokietan lanean, nekez egongo dira ondo zainduta egoiliarrak. Greba betean sortu zen Bizkaiko egoitzetako senideen elkartea, Babestu. Grebalariek begi onez hartu zuten elkartearen sorrera, are gehiago, haien ustez presio lana egin zuen patronalen eta Foru Aldundiaren aurrean eta sektorearen eta egoiliarren errealitateak mahai gainean jartzeko balio izan zuen.
Orain arte kudeaketa zeraman enpresa pribatuarekin kontratua eten eta Patronatuko Batzordeak erabaki du Zaintza Lanak SL udal enpresa publikoren esku uztea egoitza. Eraikinean obrak egingo dituzte eta egoiliarrentzako lekua murriztuko dute eraberritze lan horien ondorioz.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Urkulluk askotan aldarrikatu du sistema kapitalistaren muinean dagoen publiko-pribatu elkarlana, baina lotura hori gaur zertan den azaltzeko inolako asmorik gabe. Publikoa osagarria eta menpekoa denean, ezin dituenean merkatuaren interesak zanpatu, eta lege bidez inposatutako... [+]
Maiatzaren 23 eta 24an grebara deitu dute Arabako zaharren egoitza pribatu eta etxebizitza komunitarioetako langileek. Patronalaren “blokeoa” salatu dute ELAk eta LABek, eta soldata igoera eta lanaldi murrizketa jasoko dituen lan hitzarmena eskatu.
Otsailaren 1ean zortzi eguneko greba abiatu zuten Bizkaiko erresidentzietako eta eguneko zentroetako langileek. Lan baldintzen hobetzea eta zentroetan eskaintzen den arreta ereduaren errotiko aldaketa exijitzen ari dira. Asteazkena dute azken greba eguna, baina ez dute... [+]
Ikusgarriak dira berriz ere metalgintzako sektoreko grebak Bizkaian azken bi asteetan utzi dizkigun irudiak. Badago langile borrokaren amaieraz aritzen denik Euskaldunako garaiak nostalgiaz gogoratuz, baina errealitatea da lan gatazken kopuruak gora egin duela Euskal Herrian... [+]
Hitzarmenak eta egoerak ezberdinak dira lurralde bakoitzean, baina lan baldintza duinen eskean dira zahar etxeetako langileak. Grebak antolatu dituzte Nafarroan, Bizkaian, eta Araban, eta Gipuzkoan LABek elkarretaratzea egin du UGTk adostutako akordioak “egoera... [+]
55 urtetik gorako pertsonen bizi-baldintzak aztertzeko EAEn egin duten inkestaren arabera, asebeteta dagoen jende aktiboa da gehiengoa, zahartzaroaz sarri eman ohi den irudi ezkor eta infantilizatutik urruti.
Irailaren 17an manifestazio jendetsua egin zuten Madrilen, Beste zaintza eredu bat posible da lemapean. Estatuko Plataforma osatzen duten zaharren egoitzetako senideen elkarteek deitu zuten, tartean Zaintza Babesten federazioak. Instituzioei zein herritarrei argi utzi diete... [+]
Hitzarmen kolektiboaren negoziazioa geldituta dago 2021eko otsailetik. ELAk eta LABek negoziazio mahaitik altxatzea erabaki zuten orduan, patronalak plataformako edozein artikulu aldatzeari uko egin ziola arrazoituz. Besteak beste, sindikatuek ez zuten onartu patronalak egiten... [+]
Elizondoko zahar etxeko langileek prentsaurrekoa egin dute asteartean, iragartzeko azkenean hitzarmen kolektiboa berritzeko akordioa lortu dutela, hainbat greba egun eta mobilizazio ugari egin ostean. Langile batzordeak aho batez onartu du akordioa.
Arabako erresidentzien sektoreko lehen hitzarmena lortzeko ari dira borrokan. Orain hiru urte hasi ziren mobilizazioak. Hala ere, patronalak negoziazio blokeatzen jarraitzen duela salatu dute sindikatuek.
Salaketa jarri dute LAB eta ESK sindikatuek Bizkaiko Foru Aldundiko Ikuskaritzan. Greba hasi dute asteartean berriro Orozkoko Ibarra auzoko egoitzako langileek, lan baldintza duinen defentsan.
Bederatzigarren liburua argitaratu du Ahoztar Zelaieta Zamakona ikerketa kazetariak, Txalaparta argitaletxearekin: Residencias SA. El negocio de los cuidados en Euskal Herria (Egoitzak SA. Zaintzaren negozioa Euskal Herrian). Azken 30 urteetan zaharren egoitzen sektoreak izan... [+]
Bilbon, Gasteizen eta Donostian Foru Aldundien aurrean egin ditu elkarretaratzeak LAB sindikatuak, "EAJ interpelatzeko"; Iruñean, berriz, PSNren egoitza aurrean egin du protesta.