“Errepresioak ez du mugarik, eta Aiaraldea osoaren elkartasuna ere bildu nahi du”
Agerraldia egin dute ostegunean Tubacexen Laudioko fabrikaren aurrean Aintzane Mendiari elkartasuna adierazteko. Langileak datorren astelehenean deklaratu beharko du Gasteizko epaitegian, eta mobilizazioa egingo dute berari babesa eman eta egoera salatzeko.
Agerraldia egin dute gaur Bizkaiko Metalgintzako, PCBko, Petronorreko eta Tubacexeko gatazkengatik inputatutako langileek Laudion. Aintzane Mendiari elkartasuna adieraztea izan da ekimenaren xede nagusia, langile horrek datorren astelehenean deklaratu beharko baitu Gasteizko epaitegian, Tubacexeko greba mugagabean atxilotua izan ostean.
Orain arte egondako bestelako inputazioen logika bera du Mendiarenak ere, agerraldian salatu dutenez: “horrelako jardueren helburua da langileak jazartzea, kriminalizatzea eta beldurtzea, egunero langile-klasearen eskubideen aurka egiten duen patronal gupidagabeari aurre egiteari uko egin diezaiogun”.
Horri lotuta, langileek nabarmendu dute kasu horiek ez direla gertakari isolatuak. Euren hitzetan, patronalak “lankidetza estua” du Eusko Jaurlaritzarekin, eta honek Ertzaintza bidaltzen du “protesta zilegiak erreprimitzera”, ondoren autoak egiteko, “gaur hemen salatzen ditugunak bezain ondorio larriekin”.
Horren aurrean, lan gatazketan inputatuak izan diren beharginek ziurtatu dute enplegua eta lan-baldintzak baino ez dituztela defendatu, eta aldarrikatu dute borroka dela langileek duten “mekanismo bakarra inposizioari, prekarietateari eta pobreziari aurre egiteko, eta patronalaren aurrean negoziazioan presio-gaitasun handiagoa izateko”.
Euren ustez, horren “adibide argia” da Aintzane Mendiaren kasua: “Gogoratu nahi dugu Tubacexek enpresaren bideragarritasunerako eta etorkizunerako 129 langile kaleratzea ezinbestekoa zela esan zuela. Langileen borroka eta determinazioa izan zen kaleratze horiek saihestu zituen gauza bakarra”.
Multinazionalak iragan astean iragarritako 17 milioi euroko irabaziak ere izan dituzte hizpide. Langileen ustez, albiste horrek “argi” erakusten du enpresa gezurretan ari zela, “eta larriena da gatazkan Eusko Jaurlaritza eta erakundeak zuzendaritzaren alde jarri zirela, zuzendaritzaren argudioak bereak eginez eta gatazka kriminalizatuz eta zapalduz”.
Horrez gain, nabarmendu dute Mendiarena ez dela Tubacexeko greba mugagabeari lotutako prozesu judizial bakarra. Gogoarazi dutenez, Tubacexeko langile batzuek eta eskualdeko gazte batzuek ere deklaratu behar izan dute, “euren aurkako inputazio larriekin”: “Errepresioak ez du mugarik, eta Aiaraldea osoaren elkartasuna ere bildu nahi du, hori funtsezkoa izan baitzen kaleratze kolektiboaren aurkako borrokan”.
Mobilizazioa Gasteizen astelehenean
Bukatzeko, deialdia zabaldu dute langileek: mobilizazioa egingo dute datorren astelehenean, azaroak 7, Gasteizko Zigor Arloko 1. zenbakiko epaitegiaren aurrean, 10:30ean, “Aintzane zurekin gaude, borroka ez da delitu” lemapean.
Londres, 1944. Dorothy izeneko emakume bati argazkiak atera zizkioten Waterloo zubian soldatze lanak egiten ari zela. Dorothyri buruz izena beste daturik ez daukagu, baina duela hamar urte arte hori ere ez genekien. Argazki sorta 2015ean topatu zuen Christine Wall... [+]
ARGIAri jakinarazi diotenez, 40-50 irakasle inguruk Eusko Jaurlaritzaren Lakuako egoitzaren pareko belardian igaro dute gaua. Dozena bat kide identifikatu ditu gauerdian Udaltzaingoak.
Gaurko greba deialdiak %75eko jarraipena izan du sindikatu deitzaileen arabera... [+]
"Gerra inperialistaren eta Europako estatuen berrarmatzearen aurka" mobilizatuko da Langileon Nazioarteko Egunean.
Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.
%90eko jarraipen "ia erabatekoa" izan du grebak, sindikatuen arabera. Gasteizko parkeak, lorategiak eta eraztun berdea mantentzen dituzte Enviser azpikontratako 90 langileek.
Inbertitzailerik agertu ezean, Iruñeko Merkataritza arloko lehen epaitegiari egin dio proposamena Molins eta Andres abokatu bulegoak, Altsasuko enpresaren hartzekodunen konkurtsoko administratzaileak. Dumarey Belgikako taldeak fabrika erosteko saiakerak egin... [+]
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.
ELA sindikatuak azaldu duenez, azken Lan Eskaintza Publikoaren oinarrien arabera, Ertzaintzarako eskainitako lanpostuen %20ak eta Udaltzaingoaren %30ak ez daukate euskara-eskakizunik. Gasteizen, adibidez, udaltzain-lanpostuen erdietan, 24tan, ez dago euskara-eskakizunik.
Kamioiak ez sartu ez atera. Horrela eman dute goiza BSHko Eskirozko lantokian. Parez-pare langileak aurkitu dituzte protestan. Hilkutxa batekin, elkarretaratze formatuan lehenbizi eta Foruzaingoak esku hartu behar zuela jakin dutenean eserialdia egin dute erresistentzia pasiboa... [+]
Mahai Orokorreko sindikatuek salatu dute Gobernuak utzikeriaz jokatu duela ordezkaritza sindikalarekin negoziatzerakoan, horren adibidea da Estatutu berriaren negoziazioan ezarri duen blokeoa. Gobernua Mahai Orokorrean gai horiek guztiak negoziatzera esertzeko ahalegin ugari eta... [+]
“Beste alde batera begiratzea” leporatu diete erakunde publikoei, eta baita eskualdeko borroka defendatzea ere.
Tamara Yague Confebaskeko presidenteak iragarri du gehiengo sindikalak deitutako martxoaren 20ko bilerara ez dela joango, eta gehitu du gutxieneko soldataz eztabaidatzeko markoa Espainiako Mahaia dela. ELA, LAB, ESK, Steilas, Etxalde eta Hiru sindikatuek EAErako gutxieneko... [+]
“Posta publikoa eta kalitatezkoa. Eskubideen aldeko Hitzarmen eta Akordio baten alde” aldarrikapenarekin, LAB, ESK eta ELA sindikatuek lan-baldintzak eta posta-zerbitzu publikoaren kalitatea defendatzeko mobilizazioa egin zuten atzo, hilak 12, Bilboko Eliptika Plazan.