‘Errepresio politikoa gaur egun’ mahai ingurua egingo dute Tafallan
Arrazoi ezberdinengatik inputatutako lau lagun izango dira hizlariak: Tafallako brindiseko Oier Araiz, Alfredo Ramirez txiolaria, Altsasukoak Aske herri plataformako kideak eta Axier Lopez ARGIAko kazetaria.
Brindiseko 3ak plataformak antolatu du mahai ingurua. Tafallako Kulturgunean izango da, ostiralean, arratsaldeko seietan.
Oier Araizek hitz egingo du Brindiseko 3en izenean. Gorka Labat eta Fernando Sotarekin batera epaitu dute Auzitegi Nazionalean, iazko udan Tafallako festetan presoen alde egindako ohiko brindisean parte hartzeagatik. Bi urteko kartzela zigorra, hiru urteko zaintzapeko askatasuna, bederatzi urteko inhabilitazioa eta 4.800 euroko isuna eskatu ditu fiskaltzak.
Hizlarien artean ere Altsasukoak Aske plataformako kideak egongo dira. Urriaren 15ean Altsasun izan ziren gertaerengatik bederatzi gazte auzipetu zituzten. Guardia Zibilei eta euren bikotekideei eraso egiteagatik "terrorismo delitua" egozten diete eta horietako hiru espetxean daude.
Alfredo Ramirez @erreharriak ere parte hartuko du, sare sozialetan idazteagatik Audientzia Nazionalean epaitu duten txiolaria. Bi urteko kartzela zigorra, bost urteko zaintzapeko askatasuna eta hamasei urteko inhabilitazioa eskatzen diote.
Axier Lopez ARGIAko kazetaria ere egongo da. Mozal Legea aplikatuz zigortu zuten, 601 euroko isunarekin, Espainiako Poliziak kalean egindako operazio baten berri emateagatik. Espainiako Gobernuak isuna bertan behera utzi zuen martxoaren hasieran.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
