Erreniegako Ilobiak kolektiboa ari da memoria historikoa berreskuratu nahian lanean. Erreniegan hil zituztenak gogoan izan eta Memoria Historikoaren Gune deitzeko eskaera egin dute.
Memoria Historikoaren gaian, aurrera pauso nabarmenak eman dira legealdi honetan. Besteak beste, Memoria Historikoaren Legea onartueta garatzen ari baitira.
Erreniega mendian frankismoak fusilatu zituztenak eta bertan lurperatutakoak gogoan izateko egitasmoa du eskuartean Erreniegako Ilobiak izeneko kolektiboak. Herritarren taldea da kolektibo hori. Garai haietan euren senitartekoan hil zituztenen bilobak asko. Eta eskuartean proiektu bat dute. Memoriaren Lekuak izenarekin Erreniegako tontorrean oroitarriak jarriko dituzte azaroaren 19an. Hemeretzi harri. Erreniega mendia inguratzen duten herri bakoitzeko bat, eta beste bat, Erreniegan hil zituzten eta oraindik ere ezagutzen ez diren edo desagertuta segitzen duten horien omenez.
Proiektu oso baten zati bat baino ez da izanen. Gainerakoan, Gobernuaren, erakundeen eta alderdien konpromisoa behar direla uste dute. Besteak beste, Memoriaren Leku horiek ongi seinalatuak egotea eskatu dute.
Eta Memoriaren Leku horiek nola erabili, omenaldi izateaz haratago? Bada, alde batetik hezkuntzan. Memoriaren Eskolak egitasmoaren baitan sartuak daude zenbait ikastetxe dagoeneko eta ari dira lantzen. Ostizen izandako desobiratzeetan ikasleekin izan ziren, Gurs-eko kontzentrazio eremuan ere bai eta Gerra Zibilari buruzko elkarrizketak egiten dizkiete aiton-amonei ikasleek. Historia modu teorikoan aztertzeaz gainera praktikoan egiteko aukera eskaintzen dute halako memoriaren tokiek.
Gogoeta eta hausnarketarako bide izan daitezke halako esperientziak jaso ahal izatea. Tresna baliagarri izan daitezke. Eta badute esperientziarik dagoeneko.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
Abuztuaren 5ean emango dio domina zentroari Gasteizko Udalak, eta abuztuaren 2rako elkarretaratzea eta prentsaurrekoa deitu du Memoria Osoa plataformak. Martxoak 3 elkarteak salatu du “planteamendu diskriminatzailea” eta “irakurketa partziala” egiten... [+]
Otxandioko bonbardaketaren erantzule nagusietako bat da Angel Salas Larrazabal urduñarra. Hortaz, herritarren aurka Euskal Herrian eginiko lehen bonbardaketan parte hartu zuen.
1936an fusilatu zuten frankistek, une horietan Arabako diputatua zela, eta herriko beste 42 fusilatuen hilobian bertan sartu zituzten Manuelen gorpuzkinak.
Antonia Manot hil da 95 urte bete berritan, bere seme Diego Paredesek sare sozialetan jakinarazi duenez.
Gurasoak hilik, etxeko ganbara husteari ekin zioten
seme-alabek. Hainbat gauzaren artean, koaderno eta paper sorta, argazkiak eta nahi beste agiri. Bego Ariznabarreta Orbeak aita aspaldi zenduaren gerrako memoria harrigarriak zurian beltz irakurri, eta jabetu zen altxorraz,... [+]
Aurten ere, uztailaren 8an, astelehenean gogoratuko dute German Rodrigez haren omenezko oroitarriaren alboan. 13:00etan izanen da: aurreskua lehenbizi, Mikel Lasarteren bertsoak gero eta La Furia eta Fermin Balentziaren emanaldiak bukatzeko. Iluntzean, Peñak, isilik eta... [+]
Naiz.eus-ek aurreratutakoaren arabera, 2004ko martxoan Espainiako polizia batek eta bere semeak erail zuten Angel Berrueta eta bere alargun zein seme alabek, Nafarroako Gobernuaren aitortza ofiziala jasoko dute, indar polizialen indarkeriaren biktima moduan.
1939 eta 1941 bitartean Igari eta Bidankoze arteko errepidea eraikitzera behartu zituzten frankismoaren 2.400 esklaboak omendu zituzten larunbatean, Igariko gainean. Errepresaliatu antifaxista haien memoriak gure bidea izan behar duela aldarrikatu zuten omenaldia antolatu zuen... [+]
Nafarroako Torturatuen Sareak jakinarazi du hemeretzi biktima berri onartu dituela Nafarroako Gobernuko Aitortza eta Erreparaziorako Batzordeak, horietariko bost 2005-2011 urte artean torturatu zituzten Mikeldi Diez, Iker Aristu, Oihan Ataun, Garbiñe Urra eta Mikel... [+]
Alesbesekoa jaiotzez, Saratxon bizi zen Unión Republicana alderdiko kidea, bere emaztea hango maistra baitzen. 1936ko irailean erail zuten frankistek eta ostiralean lortu zuten bere gorpuzkinak identifikatzea.
Hari buruzko aipamenik apenas iritsi zaigu historia liburuetan, baina Jesús Carrera Olascoaga (Hondarribia 1911 – Alcala de Henares 1945) Espainiako Alderdi Komunistaren idazkari nagusi izatera iritsi zen. Frankistek atxilotu, torturatu eta fusilatua, bere... [+]