Errendimendu akademikoaren arabera banatuko dituzte ikasleak Ipar Euskal Herrian
Ongi doazen ikasleak talde batean, zailtasunak dituztenak, bestean; maila akademikoaren arabera banatuko dituzte ikasleak datozen ikasturtean, Frantziako Estatuan. Ikasleak sozialki eta akademikoki sailkatu eta bereiztea, desoreka areagotzea eta egoera okerragoan daudenak porrotera kondenatzea ekarriko du neurriak, irakasle eta guraso ugarik salatu duenez.
Pasa den abenduan Gabriel Attack-ek iragarri zuen erreforma –Hezkuntza ministro zen orduan, gaur egun Frantziako lehen ministroa da– eta pasa den martxoan argitaratu da “Jakintza talka” izenez ezagutzen den erreforma: irailetik aurrera, Matematika eta Frantsesa ikasgaietan errendimendu akademikoaren arabera banatuko dituzte 5. eta 6. mailan dauden ikasleak, eta ikasturte bat geroago gauza bera egingo dute 3. eta 4. mailako ikasleekin.
Talde "txarrera" doan ikasleak bere buruari jarriko dion etiketari eta espektatibei erantzungo die; "badaki berarengandik ez dela ezer espero, zertarako ahalegindu, ez du estimulurik"
PISA azterketen emaitza txarrek eragindako erreforma da, zailtasunak dituzten ikasleak elkartuta haien errendimendua hobetuko dela argudiatuta. Aldiz, kontrakoaren beldur dira ahots kritiko ugari: bereizketak zailtasunak dituzten ikasleak estigmatizatzea eta haien errendimendua okertzea baino ez duela ekarriko diote, talde “txarrera” doan ikasleak bere buruari jarriko dion etiketari eta espektatibei erantzungo dielako, eta ikerketek diotelako zailtasunak dituzten ikaslez osatutako gelan taldeak ez duela aurrera egiten. “Lehen ‘ikasgela zaborra’ deitzen zitzaien eta hor biltzen dituzten ikasleek, sarri sozioekonomikoki baliabide gutxien dituztenak, zaurgarrienak, Pigmalion efektua jasaten dute: badakite berarengandik ez dela ezer espero, eta aurreikuspen horri erantzungo diote, zertarako ahalegindu, ez dute estimulurik”, entzun diogu Xavier Martinez hezkuntza soziologoari, irratian.
Guraso eta irakasleen mobilizazioak
Bereizketan eta sailkapenean sakontzeko urrats bat gehiago ikusten du askok, hezkuntza inklusiboaren aurkakoa, klase ertain eta aurreratuek baizik ez dezaten aurrera egin. Neurria aurrera ateratzeko nahikoa baliabide pertsonal ez dagoela ere gogoratu du hainbatek. "Zentzugabekeria pedagogikoa" salatzeko, irakasle eta gurasoek protestak egin dituzte azken egunotan, tartean Baionako Barracq, Kanboko Errobi eta Hiriburuko Aturri ikastetxeetan.
Martxoaren 17an argitaratutako erreformak dioenez, taldeak irakasleek erabakiko dituzte, ikasleen beharrak ikusirik, eta zailtasunak dituzten ikasleen taldeak txikiagoak izateko aukera egongo da –alegia, ratio hobeak izateko aukera–. Ikasturtean zehar, ikasle batek hobera egiten badu, talde batetik bestera jauzi egin ahalko du, irakasleak hala erabakiz gero.
Neurri polemiko gehiago ere baditu erreformak. Adibidez, ikasle batek mailaz errepikatzen duen erabakitzeko azken hitza orain irakasleak izango du Lehen Hezkuntzan, eta ez gurasoek. Duela gutxi, eskola guztietan uniformea ezarri nahi zuela iragarri zuen Frantziako Gobernuak, eta albiste horrek ere ez zuen inor epel utzi.
Hezkuntza publikoko lehen bi greba egunei ekin diete EAEn. Asteazken eta ostegun honetan irakasleen txanda izango da, eta lehenengo egunerako Bilbon deitu dute manifestazioa. Mobilizazioen atarian Eusko Jaurlaritzak gurasoei email masiboa bidali izanak haserre ditu sindikatuak:... [+]
Hezkuntza Departamentuak Oibarko ikastetxe publikoan D eredua ezarriko dutela iragarri du. Hilabeteetako protesten ondoren, euskarazko lerroa ezartzea lortu dute.
6 urtetik beherakoek 16:30-17:30 artean baino ezin dute liburutegian egon Deban, eta 2 urtetik beherakoek zuzenean debekaturik dute. Bestelako neurri baztertzaileak ere jasaten dituzte. Ageriko diskriminazioak haurrak literaturatik aldendu baino ez ditu egiten, eta borroka luzea... [+]
.jpg)
2025eko irailarekin hasiko den ikasturtean ez da izango sexu bereizketarik Gipuzkoako ikastetxeetan, Eusko Jaurlaritzako Hezkuntza Sailak asteazken honetan jakinarazi duenez. Eskibel eta Erain ikastetxe kontzertatuak dira gaur egun ikasleak sexuaren arabera banatzen dituzten bi... [+]
Eric Etxartek Seaskako lehendakarikide ardura hartu berri du urte hatsarrean, Antton Etxeberri eta Sophie Layusekin batera. Peio Jorajuriaren lekukoa hartu dute hirurek, eta Lehendakarikidetza taldea osatu dute.
Haur Hezkuntzako lehenengo zikloan, hiru ikastetxera joateko aukera dute familiek: bata publikoa, beste biak itunpekoak. Legeak kontrakoa agintzen duen arren, plazen eskaintza ez dela orekatua eta itunpekoek dagokiena baino nabarmen plaza gehiago eskaintzen dituztela salatu dute... [+]
“Urte berri-berri, zer dakarrazu berri?” oihukantatzen genien, urteko lehen eguneko gaupasatik bueltan, bidean gurutzatzen genituen goiztiarrei. Eske puxken esperantzan gu, mozkor panparrotuok. Eta artean ez baitzen ez runner-ik ez eta selfie-rik ere,... [+]
Behar dugun hezkuntzarako, independentzia! lelopean deitu du grebara Ikamak unibertsitateetan, Derrigorrezko Bigarren Hezkuntzan eta Lanbide Heziketan. Datozen asteetan iragarriko dituzte greba deialdiari lotutako mobilizazioak.
HezkuntzArtea Irakasleen Elkargunea sortu du EAEko irakasle talde batek. Hezkuntza politiken “noraeza” salatu nahi dute, politika horiek etengabeko metodologia berrietan, “burokrazia ikaragarrian” eta IKTen “erabilera zentzugabean”... [+]
Entzumen eta hizkuntza irakasleak (EHI) eta logopedak eskola publikoan zein kontzertatuetan lan egiten duten irakasle espezialistak dira. Horien funtzioen artean hizkuntzan eta komunikazioan zailtasunak dituzten ikasleei arreta zuzena ematea da, baina baita komunikazio sistema... [+]
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
.jpg)
Hazparneko Armand David laborantza lizeo pribatuko ikasleek Agro-ekipamendua, Zientzia sozial eta ekonomikoak, eta Enpresa ekonomia irakasgaiak euskaraz ikasteko aukera izango dute. Horrek formakuntzaren ia erdia hartuko duela azaldu du Bertrand Gaufryau ikastetxeko zuzendariak.
Ikasgaia ba ote dakizun frogatzeko eta horren arabera nota jartzeko hiruhileko amaierako azterketarik ez dago Laskorain ikastolan, Derrigorrezko Bigarren Hezkuntzaren lehen zikloan. Baina orduan, nola ebaluatzen dituzte ikasleak? Nondik ateratzen da azken kalifikazioa?... [+]
Urtarrilaren 4an hil zen Robert Hirigoien euskaltzalea (Larresoro, Lapurdi, 1944). Ostegunean eskainiko diote azken agurra, jaioterrian (10:00etan). Herri Urrats festaren sortzaileetako bat izan zen, baita Lapurtarren Biltzarrarena, Kanboko ikastolarena eta euskara eta euskal... [+]
Irakasle hau egokitzen zaielarik, 6-9 urteko haurrengan beldurra, amesgaiztoak, antsietatea, negarra… orokortzen direla salatu dute Atarrabiako Atargi ikastetxeko gurasoek. Urtetako arazoa konpontzen ez dela-eta, haren klaseei planto egitea erabaki dute. Guraso elkarteko... [+]