Errelatoa
Josu Urrutikoetxeak Berria-ri emandako elkarrizketan (abenduak 16) ondo irudikatzen da zein ahul joan zen ETA 2006ko su-etenera. Kontatzen duenez, Espainiako Gobernuarekin izandako elkarrizketetan lortutakoarekin ETAko zuzendaritzarengana joan zenean, hauek harrituta geratu ziren: “Hostia, hau lortu da?”.
Aitortzen du berak sinesten zuela prozesuan, baina giroa hasieratik ezkorra zela, eta bere sinesmen hori hankaz gora joan zela erakundeko zuzendaritzako kide batek Genevara atera aurretxotik esandakoarekin: “Ohartu nintzelako hark zuen pentsamoldea negoziaketari buruz eta nirea, punta batean eta bestean zeudela. Konturatu nintzen erakundean zerbait gertatu zela”. Eta elkarrizketan bertan azaltzen du aurreko urteetan berarekin ados zirenak erortzen joan zirela eta zuzendaritzako kide berriak ez zirela ados aurreko negoziazio eskemarekin.
Hala ere, 2006ko udako ETA-gobernua negoziazioetan parte hartu zuen, oraingoan Javier López Peña ETAko zuzendaritzako kidearekin batera. Hor utzi zuen prozesua berak, bere negoziazio kideari buruzko oso ikuspegi bereziarekin: “Ez zuen prozesuan [hartan] sinesten”. Saio guztiaz ere oso gogor mintzo da: “Hura hankaz gora joan bazen, ez zen bakarrik Madrilen jarrerarengatik. Ez baduzu negoziaketa batean sartzeko gogorik eta ez baduzu sinesten, orduan zer egingo duzu?”. T-4ko atentatuarekin apurtu zuen su-etena ETAk, artean tregoa formalki hautsi barik: “Nik pentsatzen nuen su-etena apurtuko zela –dio Urrutikoetxeak–, baina ez ekintza bat eginda su-etenean. Euskal Herrian sekulako garrantzia eman izan zaio erakundearen hitzari”.
Arnaldo Otegik argi zuen Espainiako Gobernuak ez zituela bete hartutako konpromisoak, baina ezker abertzaleak pazientzia gutxirekin jokatu zuela ere bai, “zeren eta, hiru hilabetean krisian baldin badago [prozesua], oso oinarri ahulak ditu. Eta, horretarako, ez gara sartzen horrelako prozesu batean” (Loiolako hegiak). Jakina, ordurako egosten ari ziren 2009an dibergenteak izango ziren ikuspegiak, oinarrian zutenak borroka armatuarekin jarraitu ala ez.
Beste garai batzuetan ere indarrez entzun zen ezker abertzalean borroka armatuarekin amaitu beharraz, Karlos Gorrindo preso ohiak Funanbulistaren beldurra liburuan kontatzen duen moduan. Horietako denetan galtzen du lepoa norbaitek. Denbora gupidagabea da: orain borrero, hurrena biktima; gaur heroi, bihar traidore. Hainbat ikusmolde, hainbat errelato. Horregatik da horren interesgarria Joseba Sarrionandiak Gorrindoren liburuaren hitzaurrean dioena: “Nahi badugu iragana konprenitu ezin da Errelato bat inposatu, beste ikuspegiak entzun behar dira (…) Bakoitzaren memoria konpartitzea eta besteenekin kontrastatzea hiriaren sarrera garbitzea bezala da”.
Juan Bautista Bilbao Batxi idazleak barku batean egiten zuen lan, eta bere bidaietako kronikak bidaltzen zituen Euzkadi egunkarira. Horri esker, XX. mende hasierako mundu osoko kronika interesgarriak ditugu, euskaraz. 1915eko ekainean, hain zuzen, Murtzian egin zuen... [+]
Egin egunkariko zuzendaritzako kide eta langilea Donibane Lohizunen erail bazuten ere, Algorta jaioterrian egin diote oroimen ekitaldia, igande eguerdian. Bertaratutako lagun zein senitartekoek presente izan dute estatuaren indarkeriak hil zuela.
Fusilamenduak, elektrodoak eta poltsa, hobi komunak, kolpismoa, jazarpena, drogak, Galindo, umiliazioak, gerra zikina, Intxaurrondo, narkotrafikoa, estoldak, hizkuntza inposaketa, Altsasu, inpunitatea… Guardia Zibilaren lorratza iluna da Euskal Herrian, baita Espainiako... [+]
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Independentziaren aldeko ekimenak aurrera eramateko baliabide faltagatik "itzaliko" da. Aurretik, Euskal Herri osoko 101 udaletan independentzia mozioak erregistratuko dituztela iragarri dute, euskal errepublikaren aldeko prozesuan urratsak egiteko. Baliabide faltaz... [+]
Kirola eta aldarrikapena uztartuz, maiatzaren 24an Bilbo gazteria independentistaz beteko da. Lasterketa honen bitartez, Euskal Herriaren askatasunaren aldeko balioei lekua egin nahi diote gazteek, independentziarako bidean daudela erakutsiz.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Espainiako Poliziak duela 41 urte hil zituen tiroka Dionisio Aizpuru, Pedro Mari Isart, Jose Mari Izura eta Rafael Delas gazteak, Komando Autonomo Antikapitalistetako kideak.
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Martxoaren 13an lau urte bete dira Fran Balda arbizuarra istripuz hil zela. Preso, iheslari eta deportatuen etxeratzearen alde egin zuen lan, eta haren bost kidek idatzi diote gutun hau.
Felipe Gonzálezen garaian Espainiako Barne ministroa zen José Barrionuevoren aurkako kereila aurkeztuko dute, Ipar Euskal Herriko errefuxiatuen aurka abiatu zuen estrategiagatik. ZEN Zona Especial Norte Planaren barruan egindako ekintzen erantzule nagusietako bat... [+]
Mundua "oso azkar" aldatzen ari dela azaldu du Arnaldo Otegik, militarismorantz eta autoritarismorantz doala, eta norabide horren aurkako jarrera duela koalizio subiranistak.
Euskal Herriko Bilgune Feministak deituta elkarretaratzea egin dute Hernanin Iratxe Sorzabali elkartasuna adierazi eta "babes osoa" emateko. Inkomunikatuta egon zen uneak berriz ere epailearen aurrean kontatu behar izatea, "bizi izandakoak utzitako ondorioen... [+]