“Errekauek” eta “enkarguk” etxean jasotzeko proiektua Azpeitian eta Azkoitian
Duela lau urte abiatu zuten Azpeitian Enkarguk proiektua, Udalaren, Urkome Landa Garapen Elkartearen eta Azpeitiako eta Gipuzkoako merkatari txikien elkarteen artean. “Orain proiektua bigarren fasera eraman dugu, eta Azkoitian sortu dugu antzeko egitasmoa, bere izenarekin: Errekauek”, azaldu du Usoa Etxeberria Aranburu zonaldeko merkataritza elkarteko teknikariak. Helburu bera du egitasmoak bi herrietan: denda txikiei eta bertako azokako ekoizleei bultzada ematea, haien produktuak bezeroei etxean jasotzeko aukera emanez.
Azpeitiako azoka astearte eta ostiral arratsaldetan izan arren, ekoizle asko astearte goizetan joaten zirela ikusten zuten proiektuaren bultzatzaileek, eta herritar askok, lanagatik eta ordutegiagatik arazoak zituela goizez erosketak egitera bertaratzeko. Azokako ekoizleez gain, dena den, herriko denda txikiek ere egitasmoan parte hartzen dute. “Herri bakoitzean baldintza batzuk daude ezarrita, baina finean, denda txikiak dira proiektuan sartzen direnak, tokiko merkataritza esaten diogun hori, auzoko betiko denda”, dio Etxeberriak. Izan ere, erosketak bertako denda txikietan egitera bultzatu nahi ditu herritarrak egitasmoak, haien kontsumo ohituretan eragin nahi du.
Azkoitian proiektua abiatu berria dute, eta momentuz azokako ekoizle bakarrak egin du bat Errekauek proiektuarekin, baina Azpeitian ibilbide luzeagoa izanik, 19 ekoizle dira dagoeneko Enkarguk egitasmoan parte hartzen dutenak. “Lanketa orokorra egin da merkatariekin eta ekoizleekin, formakuntzak katalogoa egiten ikasteko, digitalizazioan sakontzeko… eta ikerketak ere egiten ari gara, kontsumo ohiturak aztertzeari begira”, gehitu du teknikariak. Azkoitian, pixkanaka Azpeitian egin den bidea jorratzea da helburua.
Erosotasunaren bila
Whatsappeko difusio talde bidez funtzionatzen dute bi proiektuek. “Informazioa bidaltzen dugu hortik, esaterako, ekoizle bakoitzak zein barazki eramanen dituen azokara. Formula hori aukeratu dugu erreminta erosoa delako, eta ia mundu guztiak erabiltzen duelako”, azaldu du teknikariak. Denden kasuan, momentuz, garrantzitsua da bezeroek aurretik denda eta bertan eskaintzen diren produktuak ezagutzea, eskaerak egin ahal izateko. “Azpeitian denda batzuek katalogoa egina dute, baina ez denek. Hurrengo asmoa APP bat sortzea litzateke, bertan saltoki eta ekoizle guztien katalogoak egoteko, eta hortik erosketa egiteko”, azaldu du.
Erosketak online egiteko ordu muga bat dute bezeroek, eta hurrengo egunean bertan jasoko dute saskia etxean edo kontsignan. Langile bana dute kontratatuta bi herrietan, banaketa egiteko. “Zerbitzu azkarra da, erosoa, herrikoa eta jasangarria”, azpimarratu du Etxeberriak.
Donostiako Amara auzoko Izko ileapaindegi ekologikoak 40 urte bete berri ditu. Familia-enpresa txikia da, eta hasieratik izan zuten sortzaileek ile-apainketan erabiltzen ziren produktuekiko kezka. “Erabiltzaileen azalarentzat oso bortzitzak dira produktu gehienak, baina... [+]
Ubidekoak (Bizkaia) dira Imanol Iturriotz eta Aritz Bengoa gazteak. “Lagunak gara txikitatik, eta beti izan dugu buruan abeltzaintza proiektu bat martxan jartzeko ideia”, azaldu du Iturriotzek. Nekazaritzari lotutako ikasketak izan ez arren, baserri munduarekin eta... [+]
Iruñean bizi ziren Iñaki Zoko Lamarka eta Andoni Arizkuren Eseberri gazteak, baina familiaren herriarekin, Otsagabiarekin, lotura estua zuten biek betidanik. “Lehen, asteburuetan eta udan etortzen ginen eta duela urte batzuk bizitzera etorri ginen”, dio... [+]
Gipuzkoako hamaika txokotatik gerturatutako hamarka lagun elkartu ziren otsailaren 23an Amillubiko lehen auzo(p)lanera. Biolur elkarteak bultzatutako proiektu kolektiboa da Amillubi, agroekologian sakontzeko eta Gipuzkoako etorkizuneko elikadura erronkei heltzeko asmoz Zestoako... [+]
Emakume bakoitzaren errelatotik abiatuta, lurrari eta elikadurari buruzko jakituria kolektibizatu eta sukaldeko iruditegia irauli nahi ditu Ziminttere proiektuak, mahai baten bueltan, sukaldean bertan eta elikagaiak eskutan darabiltzaten bitartean.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Pandemiaren ondorengo testuinguruan, elikadura –ustez oinarrizko eskubide den hori– lantzeko mugitzen hasi zen talde bat Gasteizen. “Militantzia esparruan beste gaiak jorratzen ari ziren ordurako, etxebizitzarena kasu, baina elikadura ardatz hartuta ez zegoen... [+]
Errezilera bizitzera joan eta sagarrondoak landatu zituen Satxa Zeberiok, Bio-K proiektuaren bultzatzaileak, duela zenbait urte. “Iritsi zen sagarrekin zerbait egiteko momentua, eta sagar zukua eta sagardoa ekoizteari ekin genion orduan”, azaldu du. 2015ean sortu... [+]
Urteak daramatza Ipar Euskal Herriko Biharko Lurraren Elkarteak (BLE) bioaniztasun landatuaren inguruan lanean. “Hainbat proiekdu ditugu abian, eta horietako bat baratzeko hazien ingurukoa da”, azaldu du Nico Mendiboure Hazi Sareko kideak. Duela lau bat urte hasi... [+]
Nekazaritzan trebatzeko eta proiektu propioak abiatu aurretik ekoizpenean eta merkaturatzean norbere burua probatzeko, abian dira gurean nekazaritzako hainbat test gune. Araban, 2023an abiatu zuten Aleko nekazaritzako test gunea, baina, antzeko egitasmo gehienekin alderatuta,... [+]
Itsason (Gipuzkoa) elkarren ondoan dauden bi baserri dira Urteaga eta Urkulegi, duela zenbait urte elkartu eta proiektu bateratua martxan jarri zutenak. “Bi baserriak elkartu eta ekoizpen proiektua abiatu genuen, eta 2011tik dedikazio osoarekin ari naiz honetan”,... [+]
Urteak daramatza martxan Ipar Euskal Herrian Trebatu elkarteak, laborantzan proiektua abiatu nahi duten pertsonek aurrez trebatzeko aukera izan dezaten. Ipar Euskal Herriko proiektua eredutzat hartuta eta ideia berari tiraka, Gipuzkoan ere izen bereko elkartea sortu dute aurten... [+]
Gero eta nekazaritzako test gune gehiago ditugu inguruan, hau da, nork bere proiektua martxan jarri aurretik nekazaritzan eta abeltzaintzan trebatzeko guneak. Nafarroako Zunbeltz espazioa eta Gipuzkoako eta Ipar Euskal Herriko Trebatu dira horietako zenbait adibide, gurean... [+]
Herritarrak elkarren artean saretzea eta bizitza sozialerako espazioak bultzatzea da Xiberoko Kolektiboa elkartearen lan ildoetako bat. Bide horretan, baratze kolektiboa sortzeko aukera suertatu zitzaien 2020an Maulen, eta zalantzarik gabe, proiektuari ekitea erabaki zuten... [+]
Arrasateko Beroña auzoan dago kokatuta Xabi Abasolo Etxabek eta Naiara Uriarte Remediosek bultzatutako Errastiko Ogia proiektua. Bakoitza bere bidetik iritsi ziren okintzaren mundura, baina eredu ekologikoan eta ama orearekin ekoizteko oso ongi uztartu dituzte bi gazteen... [+]