Errekaleorren 10. urteurreneko ekintzetan jasandako polizia jazarpena salatu dute
Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.
Errekaleor Bizirikek hamargarren urteurrenean poliziaren jazarpena jasaten ari dela salatu du. Egitarauari hasiera eman zioten asteartean, eta 24 ordu baino gutxiagoan lau identifikazio eta hiru isun jaso dituztela azaldu dute.
Bideo-proiekzio batekin hasi zuten egitaraua asteartean, Andra Mari Zuriaren plazan. Bideoarekin "auzoaren historia eta momentu ezberdinak biziberritu" zituzten, "hiriaren erdigunera ekarrita okupazioaren auzia". Azaldu dutenez, ekimena aurrera eraman zuten, baina Ertzaintzak kideetako bat identifikatu eta isuna jarri dio. Mozal legea aplikatu diote, bideoan entzundako abesti batean "zipaio" hitza entzuten zelako.
Horrez gain, asteazken goizean urteurrenerako prestaketak egiten ari zirela, hainbat polizia kotxe sartu zen auzora eta hiru pertsona identifikatu zituzten. Mozal legea aplikatu diete haietako biri, desobedientzia egotzita. "Errekaleor asanbladak kontrolatzen du eta ez dugu bertan Poliziaren presentzia onartzen".
Igandera arte luzatuko da auzo okupatuaren urteurrenaren egitaraua. Askotariko ekintzak antolatu dituzte, besteak beste, kontzertuak, jolasak, kirol jarduerak, hitzaldiak, bazkariak eta tailerrak.
2013ko irailaren 3an Gasteizko aldirietako Errekaleor auzoko 26. ataria okupatu zuten Gasteizko EHUren campuseko zenbait ikaslek. Hilabete amaieran ospatuko dute urteurren borobila, talde entzutetsuen kontzertuekin, besteak beste. Hamarkada oso baten gazi-gozoez, Urtaranen... [+]
Oinharri eskolak Formakuntza Barnetegia eskainiko du, Euskal Herriko herri mugimenduentzako formakuntza politikoa. Lau urte daramatzate formakuntza ematen, eta beraien metodologia Brasilgo Lurrik Gabekoen Mugimenduan (MST) oinarrituta dago, materialismo dialektikoa ardatz.
Azterlan hori egiteko, jendea bizi den blokeen egoera, ezaugarri fisikoak eta eraikuntzakoak, balizko arazoak eta bizigarritasunari dagokionez duten egoera orokorra aztertu dituzte, 2022an zehar. EAEko Eraikinen Ikuskapen Teknikoaren ereduari jarraituz egin dituzte blokeen... [+]
Kataluniako mugimendu libertarioan infiltratu zen eta Gasteizko auzo okupatuan ere egon zen poliziaren kasua herri mugimenduen aurkako errepresio orokorraren baitan kokatu du Errekaleor Bizirik-ek.
Espainiako Poliziako agente batek hiru urte eman zituen Bartzelonako mugimendu sozialetan infiltratuta. Barztelonako La Cinétika zentro sozialean hasi zen 2020an, eta “harreman sexu-afektibo instrumentalak” mantendu zituen hainbat emakumerekin eta horri esker... [+]
Kontsumismoa da gaur egungo “-ismo” garrantzitsuenetakoa. Hain errotua dugu, ezen produktu askoren kontsumo mugagabeak baliabide krisi batera zuzendu baitu gure gizartea. Era berean, ekoizpenari loturiko eredu energetikoa kinka larrian dago, energia baliabideak... [+]
"9 urte bizirik, 63 urte memorian" lelopean ospatuko dute urtemuga aurten, irailaren 21etik 25era bitartean.
EAEko eta Errekaleor auzo askeko energia kontsumoa kalkulatu ditu Euskal Herriko Unibertsitateko ikerlari talde batek, aztarna energetikoan eragiten duten faktoreak ezagutzeko.
Gasteizko auzo okupatuko lurretan ortua egiteko lursail bat hartu dezakete herritarrek. Hainbat dozena baratze martxan dira jada, eta kopurua handitzeaz gain proiektuaren izaera komunitarioa indartu nahi dute orain.
Dagoeneko hasi da Olarizu hiribideko blokeen eraispena, joan den astean utzarazpena gauzatu ostean. Bertan izan da Gorka Urtaran: "Errekaleorrek Olarizuren zorte bera izango du", ohartarazi du alkateak.
Zazpi urte bete ditu Errekaleor Auzo Askeak eta hori ospatzeko jarduera sorta bat antolatu dute Gasteizko hainbat txokotan.
Ostiralean eta larunbatean egingo dira Gasteizko Errekaleor auzo okupatuan. Memoria kolektiboa indartu nahi dute, orainaldiko eta etorkizuneko borrokak elikatzeko helburuarekin.