Parlamento, Tribunal Constitucional, separación de poderes (Parlamentua, Auzitegi Konstituzionala, botere banaketa), hori da Iñaki Lasagabaster EHUko administrazio zuzenbideko katedradunaren azken liburua. Herri Arduralaritzaren Euskal Erakundeak argitaratu du. Eta tituluari ere ohar txikia gehitu dio: Kataluniari ezinbesteko erreferentzia eginez.
Liburuan botere banaketa aztertzen da modu teorikoan eta praktikoan, batez ere legebiltzarra eta botere judizialaren arteko harremana, eta zehatzago esanda, legebiltzarra eta auzitegi konstituzionalen harremana. Nola egituratu ziren erakunde hauen arteko harremanak? Zer bete da eta zer ez? Funtsean, Lasagabasterrek azaltzen du legebiltzarrak bortxaezinak izan beharko lukeela auzitegi konstituzionalaren aurrean, eta oro har, salbuespenak salbuespen, baita legebiltzarkideak ere.
Bere ustez, alabaina, ez da horrelakorik ematen eta gero eta gehiago, Espainiako Estatuan Auzitegi Konstituzionalak gero eta indar handiagoa du legebiltzarraren egunerokoan parte hartu eta agintzeko, eta behar izanez gero, bere aginduak ez betetzea zigortzeko ere bai. Bereziki aztertzen du Kataluniako azken urteetako kasua, hango legebiltzarkide, gobernukide eta gizarte zibileko liderrak espetxeratuz amaitu dena.
Auzitegi Konstituzionalak Kataluniako Legebiltzarreko Mahaiari behin eta berriz emandako debekuen kasua zehatz mehatz landu du katedradikoak eta zera ondorioztatu du: “Hor argi ikusten da nola ematen den epaileen gobernua demokrazia batean, gaitza litzateke adibide egokiagoa aurkitzea. Epaileak dira Legebiltzarrean zer den eztabaidagarri zehazten dutena. Konstituzioaren aurkakoak diren legeak arbuiatzeko monopolioa du Auzitegi Konstituzionalak, baina duen jarduna urruti dago teoria horretatik”.
Espainiako epaileen bultzada politikoaren gaia asko zabaldu da azken urteetan, ez da bakarrik katedratiko euskaldun batek esaten duen kontua. Bukaerako ondorioak berdinak ez badira ere, liburuaren hainbat pasartek eraman naute Enric Juliana kazetariak Kataluniako erreferendumaren ondoren Iruñeko hitzaldi batean esandakora. Julianak esaten zuen Kataluniako aferan ez duela bakarrik Rajoyren Gobernuak erantzun, egitura juridikoa ere bete-betean sartu dela, eta ez, askotan esaten den bezala, Gobernuaren bultzadaz, bere ekimenez baino: “Epaileak ari dira jokatzen gaur egun Madrilen bizi den izpirituarekin. Justizia mundu bat da bere horretan, estatuaren sakoneko parte bat, eta egun doktrina berri bat ari da finkatzen. Azkenean paradoxa bat gertatuko da, politika Auzitegi Konstituzionalak egingo duela eta ez legebiltzarrak, egiazki egin behar duenak. Bitxia izan da, Espainiako Parlamentuak ez du ia ezer egin auzi osoan”.
Parlamentuen bortxaezintasun kontuetan, halaber, Lasagabasterrek dio Auzitegi Konstituzionalak ez duela berdin jokatzen estatuko indar politiko nagusiekin edo, esaterako, nazionalistekin. Kataluniako aferak eta 2005eko Eusko Legebiltzarreko Atutxa Auziak aztertzen ditu liburuan, baina baita ere konstituzionalak Asturiasko edo Extremadurako legebiltzarrekin izandako ika-mikak.
Liburuan zehazten duenez, Europan tradizio demokratiko sakona duten zuzenbideetan auzitegi konstituzionalek ez dute horrela jokatzen legebiltzarrekin, eta adibide gisa jartzen du Erresuma Batukoa: Eskozian eta Katalunian izandako antzeko arazo batean aurrean, Eskozian erreferendum batekin amaitzen dute eta Katalunian erreferenduma eskatu dutenak kartzelaratuta.
Liburuaren ondorioa gogorra da: Espainiako Estatuaren osasun demokratikoa oso eskasa da. Bere ustez, “sistema konstituzionalak ez du inongo debaterik eragotzi behar legebiltzarrean, ez dago hori ahalbidetzen duen araurik, eta balego, sistema politikoak ez luke izaera demokratikorik (…). Erreforma konstituzionala edo erritu-legearen erreforma ezinezkoa denean, ondorioa sistema autoritarioa da, non printzipio demokratikoak bigarren mailako esanahia duen. Une horretan bizi gara”.
Kataluniako azken hauteskundeetako eta Europako hauteskundeetako emaitzetatik abiatuta, presio turistiko handiena bizi duten Herrialde Katalanetako herrietan eskuin muturraren botoak nola egin duen gora aztertuko dugu.
Martxoaren 5ean zabaldutako auto batek armarria “kentzea edo ezabatzea” agindu zuen, “jarrera politiko baten aldeko posizionamendua” dela eta “neutraltasun politikoaren aurka” egiten duelako. UPNk jarri zuen salaketa, eta Atarrabiako alkate... [+]
UPNk mozioa aurkeztu du Tafallako udalbatzan gobernu taldeari eskatzeko bertan behera utz dezala Raimundo el Canastero musika taldearekin zuen kontratua jaietan kontzertu bat egiteko. Lizarrako jaietan izandako polemikaren ondoren etorri da zentsura eskaera. PSN batu zaio... [+]
Kultura eta Hizkuntza Politikako sailak nagusiki gaztelania darabilten hedabideetan "euskarazko albisteak areagotzeagatik" diru-laguntzak banatu ditu beste urte batez. Ia milioi bat euro banatu dute Noticias, Gara eta Vocento hedabide taldeen artean, artikulu batzuk... [+]
Ertzaintzak ertzain bat atxilotu du, hiru pertsona hiltzen saiatzea egotzita. Agentea lan orduetatik kanpo zegoen, eta deklaratu zuen bere buruaren defentsan egin ziela tiro furgonetan zihoazen ustezko hiru lapurri. Ertzaintzaren ikerketaren arabera, gezurra da deklaratu duena.
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
“Herriaren eta beren familien alde” jartzeko eskatu diete Edmundo Gonzálezek eta María Corina Machadok adierazpen bateratu baten bitartez. Maduroren gobernuak erantzun egin die, eta erabaki dute dokumentuaren sinatzaile biei “ikerketa penala... [+]
Protestak uztailaren 29an Southport-en izandako erailketen ondorioz piztu ziren, hilketa leporatu dioten gazteaz informazio faltsua zabaldu ondoren. Erresuma Batuko lehen ministro Keir Starmer-ek “krimen antolatua” izan dela salatu du, eta atxilotutakoek... [+]
Espainiako Poliziaren sindikatu nagusiarekin egindako akordio baten arabera, eskuin muturreko taldeak "defentsa pertsonaleko formakuntza" eskainiko die 30.000 agenteri.
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Xabier Zabaltza Perez-Nievas historialaria, idazlea eta EHUko irakasleak 'Euskal Herria heterodoxiatik' izeneko liburua plazaratu berri du. Bertan dio Euskal Herria ezinbestean euskara eta euskal kulturaren bidez eraiki behar dela eta horretarako funtsezkoa dela euskara... [+]
Udaltzaingoak ostegunean deklaratzera deitu du Raimundo el Canastero taldeko abeslaria, Lizarrako jaietan txosnak debekatzearen aurka sareratu duten abestiagatik. Ondoren, aske utzi dute, baina ikerketak aurrera jarraituko du. Sarean zentsuraren aurkako eta elkartasun mezuak... [+]
Txosnen eledun Eider Castañedaren hitzetan, Marta Ruiz de Alda alkate erregionalistak "autogestioarekin, jai herrikoiekin, euskararekin, feminismoarekin zerikusia duen espazio oro debekatu nahi du".
Urriaren 7tik azaroaren 4ra bitartean, milaka profil eta eduki ezaba zitzatela eskatu zieten sionistek hainbat plataformari. Eskaeren %60 izan ziren Meta taldeari, eta horien %94 bete zituen enpresak.
Maduroren hautagaitzak botoen %51,2 eskuratu du, eta %44,2 oposizioko hautagai nagusi Edmundo Gonzálezek, Venezuelako Hauteskunde Kontseilu Nazionalak emandako datuen arabera. Oposizioak iruzurra salatu du, eta chavismoak emaitzak errespetatzera deitu du. Madurok jarraian... [+]