Erreferenduma egingo dute 2016an Zeelanda Berrian, euren banderatik Erresuma Batukoa kentzeko
John Key Zeelanda Berriko lehen ministroak bultzatutako ekimena da. Herrialdeko banderak “ikur esanguratsuago bat” behar duela adierazi du, “estatu moderno eta independente” bat delako.
Erresuma Batuaren kolonia izan zenetik 100 urtetik gora igaro diren arren, Zeelanda Berriko banderan Union Jacka ageri da oraindik. Keyk, aldatzeko unea dela eta, 2016an bozkatzeko aukera luzatu die herritarrei.
The Guardianek jaso duenez, herrialdeko banderan zilarrezko garoa agertzea gustatuko litzaioke lehen ministroari, atzealde beltzaren gainean. Zeelanda Berriko zenbait kirol taldek dagoeneko erabiltzen dute sinbolo hori, All Blacks rugby taldeak esaterako.
Martxoan egindako inkestek betiko banderaren aldeko joera erakusten dute oraindik: %52,6 aldaketaren aurka zeuden orduan, eta %40,6 alde.
Bandera aldatu, baina erregina mantendu
Australian ere izan dira bandera aldatzeko aldizkako eskaerak, baina bigarren erabaki batekin lotu izan dute beti aldaketa hori: Australia errepublika izan beharko litzatekeen ala ez.
John Keyk, ordea, bi gai horiek banandu ditu Zeelanda Berrian. Herrialderako ikur berria nahi duen arren, bera monarkikoa dela esan du, eta hortaz, Ingalaterrako erreginak euren estatuburu izaten jarraituko duela.
2015ean egingo dute lehen erreferenduma, bandera berrien diseinuak aukeratzeko. 2016an, berriz, berriaren eta zaharraren artean aukeratu ahal izango dute herritarrek.
Sexu-lanaren gaineko eztabaida pil-pilean dago berriro ere mugimendu feministaren barruan. Batzuek iritzi argiak dauzkate, beste batzuek ez dakite oso ondo nola kokatu. Lynzi Armstrong ikertzailea Donostian izan zen azaroan bere azken liburua aurkezten, eta haren azalpenak... [+]
Munduko merkataritza blokerik handiena osatu dute hamabost herrialde hauek: Asiako hego-ekialdeko hamar herrialde, Hego Korea, Txina, Japonia, Australia eta Zeelanda Berria. Azaroaren 15ean izenpetu dute RCEP merkatu libreko hitzarmen hau.
Urriaren 17ko hauteskundeetan Zeelanda Berrian eutanasia eta marihuanaren kontsumoa legeztatzeari buruz erabaki zuten herritarrek. Eutanasiari dagokionez, hautesleen % 62,5ek legeztatzearen alde bozkatu du, eta % 33,8k aurka. Kalamua legearen barruan kontsumitzeaz, aldiz,... [+]
Herrialdeko barne-turismoa bultzatzeko, langileek denbora libre gehiago eta ordutegien malgutasun handiagoa izan behar dutela adierazi du Jacinda Ardernek. Herrialdean behin baino gehiagotan izan dute lau eguneko lan astearen eztabaida, eta konfinamenduan horren eraginkortasuna... [+]
68 diputatuk alde eta 51ak kontra bozkaturik, ez da gehiago Zeelanda Berriko Krimenen Legean kausitzen abortuarena. Garaipen handia, hamarkada luzeetan eskubide horren alde aritu diren feministentzako.
Munduko 40 pertsona aberatsenetakoa den Elon Muskek aurkeztu berri du SpaceX, gizakiak Ilargira bezala Martera eraman ahal izango omen dituen espazio-ontzia. Bezperan, milioika jende kalera irtenak ziren mundu osoan agintariei eskatzeko klimaren hondamendia geldiaraz dezatela... [+]
Inperio britainiarreko kapitain James Cook Zeelanda Berrira heldu zenetik 250 urte bete direla ospatzen ari dira. Urriaren hasieran Erresuma Batuko Gobernuko ordezkari batek lehen aldiz maoriak hil izana “deitoratu“ du. Hitz hutsak direla salatu dute maorien... [+]
Erasoa gertatu eta berehala lau pertsona atxilotu dituzte. Bat erasoan parte hartzeaz akusatua, hiltzailea izatearen susmopean dago. Beste bi ikerketapean daude. Laugarrena libre.
Zeelanda Berriko lehen ministro ohia eta Nazio Batuen Erakundeko Garapen Programako idazkari ohia da Helen Clark (Hamilton, Zeelanda Berria, 1950). Munduko emakume liderrik eraginkorrenetakoa, ustelkeriaren aurka egin duen lana nabarmendu izan dute. Hitzaldiak ematen ditu... [+]
Zeelanda Berriko errugbi izarra, LGBTI kolektiboaren borrokan liderra eta herrialdeko komunitate indigenaren defendatzaile sutsua da Louisa Wall maoria (1972). Parlamentari dihardu, britainiarren kolonizazioak utzitako ondorioei aurre egitea helburu.
Zeelanda Berriko Zespri enpresa ezagunak garatu du. Duela urte gutxi kiwi hori gozoa kaleratu zuen. Orain kiwi berde gozoago bat sortzeko lanetan ere ari da. Baina bere 20. urteurrenean gorria du berri nagusia.
AEB, Europar Batasuna eta beste zenbait herrialde sekretupean negoziatzen ari diren TISA akordioko dokumentu batek erakutsi duenez, osasungintza merkaturatzea aztertzen ari dira mundu osoko hainbat herrialde.
Zeelanda Berriak erreferenduma egingo du herrialdeko bandera aldatu ala ez erabakitzeko. Lehen Ministro John Keyk iragarri du. Egungo banderak bazter batean Erresuma Batuko ikurra du eta herritar askorentzat konnotazio kolonialista du.