Erraustegiaren aurkako giza katea antolatu dute igandean
Kirola eta aldarrikapena uztartuko dituzte igandean Donostian. Kontxako Bandera jokatuko dute, baina zertxobait lehenago, 11.30ean, erraustegiaren aurkako giza katea osatzeko deia egin dute. Erraustegiaren Aurkako Mugimenduak, Errausketaren Aurkako Herri Plataformen Koordinakundeak eta Donostia Bizirik herri plataformak antolatu dute protesta ekintza; hainbat sindikatuk, alderdi politikok eta talde ekologistek bat egin dute. Kontxako lehen arrapaladan jarri dute hitzordua.
Nahiz eta lanak aurrera doazen, eta banku eta enpresekin sinatutako kontratuak indarrean dauden, erraustegiaren aurkako ekintzaileek ez dute etsi nahi. "Hobe da lehenbailehen gelditzea". Zubietan eraikitzen ari den azpiegitura gelditzeko ez ezik, eskatu dute hondakinen birziklapen sistema eraginkorra Gipuzkoa osora zabaltzeko.
Giza katearen antolatzaileen arabera, sobera arrazoi daude zaborrak erretzeko planta ez jartzeko. Nagusia ondokoa da: ez da beharrezkoa. "2017an Gipuzkoan 150.000 tona errefus sortu ziren, eta joera da gero eta gutxiago sortzea. Agintariek esan dute 2022an %70era helduko garela". Hortaz, urtean 70.000 tona errefus sortzera heldu daiteke Gipuzkoa, baina erraustegia 200.000 tona urtean hartzeko diseinatu dute. "Nondik ekarriko dituzte labeak betetzeko faltako zaizkien bi herenak?". Izan ere, ekintzaileen susmoa da atzerriko zaborra ere erreko dutela Zubietan.
Errefusa tratatzeko alternatibak badaudela azaldu dute erraustegiaren kontrakoek. "Inertizazioa, konpostatzearen antzeko prozesu baten bidez, merkeagoa eta osasuntsuagoa da". Hain justu, nabarmendu dute osasunarentzako "oso kaltegarria" dela zaborra erraustea. "Mundu osoko ikerketetan frogatu dute. Gipuzkoan ere sendagile askok behin eta berriz salatu dute askotariko minbiziak sortu daitezkeela".
Bestalde, alor ekonomikoa dago. Eraikuntza eta funtzionamendua oso garestia da. "1.000 milioi euro baino gehiago gipuzkoarron poltsikotik aterako dira, ustelkeria kasutan zipriztindutako multinazional baten eskuetara".
Albiste hau Txintxarrik argitaratu du eta ARGIAra ekarri dugu CC by-sa lizentzia baliatuta
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]