Erraustegia geratu eta osasuna babesteko aldarriak Kontxa inguratu du
Covid19-aren eraginez, ezohiko segurtasun neurri artean egin dute aurten, Kontxako Banderaren bigarren jardunaldi egun honetan, Zubietako erraustegia geratu eta osasuna babesteko giza katea. Hondakinak erraustea, klima aldaketan sakontzea dela gogorarazi dute, Alderdi Ederren hasi, Kontxa zeharkatu eta Donostiako udaletxe atarian amaitu duten mobilizazioan.
"Erraustegirik ez, osasuna bai!" aldarriak oihartzun zabala izan du igande honetan Kontxako badian. Zubietako erraustegia geratu eta herritarron osasuna babestearen aldeko giza katea egin dute Donostian, estropadetako bigarren jardunaldi egun honetan. Erraustegiaren Aurkako Mugimenduak deitutako mobilizazioarekin bat egin dute eragile anitzek; tartean, LAB, ELA edota CCOO sindikatuek, EHBildu, Ezker Anitza, Alternatiba alderdiek...
Azaroaz geroztik probaldi fasean jada lehengaiak erretzen izan eta laster, Zubieta gaineko planta guztiz martxan jarri asmo dutela ohartarazi nahi zuten gaurko mobilizazioarekin, "urte askotan instalazio hau bultzatu duten talde politiko (PNV, PSE), Foru Aldundi, GHK eta enpresek (Urbaser, Murias, LKS, Altuna y Uria...). Bere tximiniei kea darie hilabete hauetan eta zoritxarrez laster frogatu ahal izango da askotan salatu ditugun pozoinak inguruan zabaltzen ari direla".
Egoera horren aurrean ordea, "urte askotan errausketaren aurka eta hondakinen kudeaketa arrazional baten alde ari garenok borrokan jarraitzen eta jarraituko dugu, askotan esan bezala badagoelako errausketa baino osasuntsuagoa, ekologikoagoa eta merkeagoa den alternatiba", antolatzaileen esanetan.
Giza kate mugikorra
Bizi dugun osasun krisialdira egokitutako giza katea izan da aurtengoa, "denon ahaleginez erraustegia gelditzea" xede zuena. Ilaran, partaideen artean segurtasun tartea bermatuta, musukoekin eta geldialdirik egin gabe osatu dute bidea. Beste urteetan, estropadak amaitu artean Kontxako hondartzan egoten dira. Aurten ez, Donostiako udaletxe ataritik abiatu, Alderdi Eder eta aipatu hondartza zeharkatu ditu, handik Perla aldera jo dute eta bueltan berriz, udaletxe atariraino.
Bidean etengabekoak izan dira errausketaren aurkako eta osasunaren aldeko oihuak, baita erraustegiaren sustatzaileei zuzenduriko "zuen negozioa, gure miseria" gisako aldarriak ere.
Pankartetako batek argi zioen; "lotsagarria. Errausketa=klima aldaketa". Herritarrek eskutan eraman dituzten aldarrietan ere, gogorazi dute "zuen negozioa, gure minbizia" dela edota "zuen negozioak gure osasuna kaltetzen du". Agintariei zuzenduriko mezuak ere baziren tartean; errausketaren aurrean, alternatibak badirela gogoraraziz.
Horren aldekoa, gipuzkarron osasuna, ingurumena eta ekonomia babestuko dituzten alternatiben aldekoa baitzen, urte luzeren ostean, gaur ere berriz egin beharrean aurkitu diren giza katea.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.
Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.
Ia bi hamarkada luzez egin duten moduan, "errausketarik ez!" aldarrikatu eta oihukatu dute, Kontxako Banderaren bigarren eta azken jardunaldi egun honetan, Donostiako hondartza inguratu duen giza katean.