Erraustegia eta makro-kartzela egin nahi dituzten lekura martxa deitu du Gipuzkoa Zutikek
Gipuzkoa Zutikek jakinarazi du irailaren 23an, igandean, Gipuzkoako Aldundiak erraustegia eta makro-kartzela egin nahi ditueen lekura martxa deitzen duela. "Gipuzkoako Aldundia arazo handi bat sortzen ari da alferrikako azpiegitura hau inposatu nahian. 30 kilometroko erradioan bizi garen ehunka milaka lagun arrisku larrian jarriko gaitu, 24 orduz minbizi hodei bat sortzen ariko baita, eta haizeak batera eta bestera mugituko du. Nola onartu halakorik?", diote.
Prentsara bidalitako oharrean diote munduak erraustegiak atzean utzi behar dituela. "Airea kutsatzen, diru publikoa bidegabe xahutzen eta klima berotzen ari dira axolagabe batzuk". Azken astean hiru erraustegi proiektu bertan behera utzi dituztela azpimarratu dute: Buenos Airesen bat, Mexiko Hirian beste bat eta Sidneyn azkena. "Nola ulertu, jendea bide horri uko egiten ari denean, Gipuzkoan halako bat egitea? Hobe bai erraustegian xahutu nahi duten dirutzaren laurdenaren laurdena jasangarritasunean eta birziklatze tasak hobetzeko neurri errealetan inbertituko balituzte! Oso ongi demostratuta dago, erraustegia ez dela behar, alternatibak badaudela".
"Erraustegia gaur egungo politika neoliberalaren sinbolo" gisa ikusten dute. "Erraustegi hau ez du inork nahi, soilik denon dirua den diru publikotik milioika euroko kontratua jaso nahi duten horiek. Gainera, ez da ahaztu behar, Urbaser multinazionala ikertua izaten ari dela herrialde askotan politikariei komisioa ordaintzearren kontratu publikoen truke. EAJ alderdia ere, Araban lehertu zaion De Miguel auziak erakusten du, komisioak kobratzen ibili dela urte askotan Euskal Herrian kontratuen trukean. Zer arraio ari da gertatzen hemen? Egia exijitzen dugu", salatu dute.
Ikasturte honetan Ainhoa Intxaurrandieta eta Iñaki Errazkinen kasua salatzeko, Intxarrandietak berak eta Igor Meltxorrek emandako Angula Ustelak hitzaldietan "erraustegiaren proiektua ustelkeria kasu agerikoa" dela argi geratu dela uste dute. Adibide ugari zerrendatu dituzte: GHKtik lapurtutako ordenagailuak, FCCri oparitutako kamioiak, swap maileguen kontratuak, hauek ospatzeko diru publikoarekin bankariak angulatara gonbidatu izana, eta Intxaurrandieta eta Errazkini era pertsonalean 40 milioi euro baino gehiago leporatzea. "Ez da onargarria" beren hitzetan.
Iazko martxaren laburpen bideo hau egin zuen Gipuzkoa Zutikek.
Makro kartzelaren gaiak ere arreta merezi duela uste dute. "Nola onartuko dugu herritarrok erraustegitik 100 metrora izugarrizko kartzela bat eraikitzea? Nola onartu presoak gas kamera horretan sartzea urtetarako? Baina zer arraio da hau?".
Europako hainbat protestarekin sintonian
Iaz egin zuen Gipuzkoa Zutikek martxa lehen aldiz eta Alemaniako Ende Gelände mugimenduko kideak bertan parte hartu zutela oroitarazi dute. "Europa osoan klimaren aurkako eta alferrikakoak diren proiektuen aurkako mugimendu desobedienteak indarra hartzen ari dira. Izan Alemanian, Txekian, Herbehereetan... gu ere hor kokatzen gara". Agerian utzi nahi dute jende askok ez duela erraustegia eta makro kartzelaren proiektuekin bat egiten.
Ondorengo bideoan Alemaniako aipatu mugimenduaren bideo bat.
Dei egin dute herrietan hitzorduak jarri eta zutabeetan elkarrekin joatera.
Iraultza Txikien Akanpada asteburu osoan
Gogorarazi nahi izan dute "bestelako Euskal Herri bat amesten duten herri mugimendu eta herritarrentzat" Iraultza Txikien Akanpada kanpaldia deitu duela Lurralde Askea mugimenduak Zubietan asteburu horretarako. Deialdiarekin bat egiten dutela jakinarazi dute. Martxa igandean izango da, 16:00etan Zubieta herritik hasita.
.jpg)
Lau bloke nagusi izango ditu ekimenak:
1- Hainbat gairi buruzko eztabaida eta gogoeta. "Arerioaren puntu ahulak bilatzeaz gain, geure buruen kontraesanak bilatuko ditugu", diote Lurralde Askea-ko kideek. "Nolako militantzia ereduak praktikatzen ditugu? Zer konpromiso klase hartzen ditugu? Zer irakatsi digu Kataluniako prozesuak? Eralda al dezakegu Euskal Herria behetik eta ezkerretik gure mugimendu zuri eta sozioekonomikoki integratuetatik? Nola findu borroka moldeak, aliantzak, gatazkak eta biolentziak? Zer nolako elkarrizketa askatzailea eraiki daitezke erakunde eta herri mugimenduen artean?"
2- Herri boterea eraikitzen jarraitzeko estrategiak partekatu eta adostuko dira. "Egungo egoera politikoarekin ados ez gaudenon sareak josi, aliantzak eraiki, borroka puntualak antolatu datorren udaberrirako".
3- Bizitza burujabetza landu da: Parte hartzaileek martxan dauden esperientzia komunitarioak ezagutuko dituzte, alor hauetan: elikadura burujabetza, etxebizitza, zaintza, energia, enplegua, finantzak...
&4- Irailaren 23an ekimen kolektibo bat egingo dute. Aurrerago emango dute horren berri, egitarau zehatza argitaratzearekin bat.
"Bizitza erdigunean jarriko dugu", dio Lurralde Askeak. "Eremu antipatriarkala izango da, antikapitalista, komunitarioa, autoeratua eta autokritikoa, borrokalaria eta alaia".
Epaiketa prozesua abiatu du ostegun honetan gazte antolakundeak. 2023an egindako bi ekimenen ondorioz 290.500 euroko zigor ekonomikoa jarri dio Eusko Jaurlaritzak. Ekonomikoki "ito eta desagerrarazteko" mekanismoa dela salatu du Ernaik.
Gutxi ateratzen naiz azken urteetan. Askotan esan dut, badakit, baina badaezpada ere. Bertso saio batera joan naiz gaur. “Bejondeizula”. Bai, horregatik abisatu dut gutxi ateratzen naizela, pentsatzen dut zuek kultur ekitaldi askotara joaten zaretela, eta... [+]
Milaka lagun bildu dute Indarkeria Matxistaren Kontrako Egunean deitutako manifestazio eta elkarretaratzeek. Gizon, hedabide eta erakundeei zuzendu zaie Mugimendu Feminista.
.jpeg)
Paris 365 elkarteak 15 urteurrena ospatu zuen larunbatean Geltokin. 15 urte gosariak, bazkariak eta afariak egunean euro baten truke zerbitzatzen urteko 365 egunetan horren beharra duten guztiei. “Atsedenik gabe”, azpimarratu nahi izan zuten bezala. Horrez gain,... [+]
Azken asteetan albiste izan da Gasteizko Errota auzoa, urriaren 8az geroztik delinkuentziaren aurkako eta segurtasunaren aldeko mobilizazioak egiten baitituzte zenbait auzokidek asteartero, bi lonja huts okupatu zituzten gazte migratzaile batzuk jo-puntuan jarrita. Inguruan... [+]
Zestoako Iraeta auzoko Amilibia baserria eta lurra kolektibizatzeko 100.000 euro batzea falta du Amillubi proiektuak, lehen urte honetan 310.000 euro eskuratu baititu. Biolurrek abiatutako proiektu agroekologiko honek dagoeneko jarri du lurra martxan, sektorearen beharrei... [+]
Udan izandako indarkeria kasuen gorakada batetik, eta hainbat gizonezkok mugimendu feministak antolaturiko ekitaldiak boikotatu dituztela bestetik, Bortziriak, Xareta, Azkain, Bertizarana, Malerreka eta Baztango mugimendu feministek, erakunde publikoen konpromiso irmoa exijitu... [+]
Atxuriko irakasle eta ekintzaile batek uko egin dio akordioari kontzientzia arrazoiak direla eta. Voxek bost urteko kartzela-zigorra eskatzen du auzokidearentzat, Fiskaltzak aldiz zazpi hilabeteko espetxe-zigorra hauteskunde-delituagatik eta hiru hilabeteko isuna mehatxu... [+]
Euskarari Puzka azken kanpainan 16.000 saski saldu dituzte, eta euskararen alde lan egiten duten elkarteentzat bideratuko zaie lortutako etekina.
Azaroaren 20an Donostiako Le Bukowski tabernan abiatuko dute elkarlanean egindako jaialdia. 40 artista, aktibista, pentsalari eta kolektibok hartuko dute parte. Amaiera Gasteizen izango da, ZAS espazioan.
Korrika kari, 36 migratzaileri muga trabeskatzeko laguntza bideratzeagatik epaituko dituzten zazpi ekintzaileei elkartasuna adierazteko batu dira hainbat eragile J´accuse [Salatzen dut] kolektiboan. Urtarrilaren 26an eginen dute manifestazioa Irungo Ficobatik Hendaiara... [+]
Palestina, mediatikoki aurkeztua ez den bezala, aipatu zen joan den larunbatean Makean, mintzaldi, tailer, merkatu eta kontzertuen bidez.
Asteburu honetan Euskalduna Jauregian Euskadiko Etxebizitza eta Dekorazio Higiezinen-aretoa egon da. Sustatzaile eta higiezinen agentziek eraikuntza berriko promozioak eta bigarren eskuko etxebizitzak eskaini dituzte partikular eta profesionalen erosketa eta inbertsiorako... [+]
Egin berri dira Euskal Herriko Emakume* Abertzaleen Topaketa Feministak, azaroaren 16an, Laudion. Trantsizio feminista dimentsio guztietan lelopean 500 feminista elkartu ziren. Egun osoz amets egin zuten, utopiak lortzeko bidea marrazteko eta mugimenduko kideak ilusioz betetzeko.
Duela bost urte Bilboko Atxuri auzoan Voxen diskurtsoaren aurka mobilizatu ziren bederatzi gazte epaituko dituzte. Goizean bildu dira Bilboko Probintzia Auzitegiaren aurrean zenbait kide, akusatuen absoluzioa eskatzeko eta faxismoaren gorakada salatzeko.