Eroskik 109 milioi euroko etekinak izan ditu 2023an, aurreko urtean baino %70 gehiago
Mondragon taldeko banaketa kooperatiba baikor azaldu da 2023an izandako etekinekin; inflazioak eta kostuen gorakadak jotako testuinguru batean "sendotasunez" erantzun duela azaldu du. Espainiako Estatuan hedatzen jarraitzeko ahalmena eman dio horrek eta 74 supermerkatu eta frankizia gehiago ireki zituen iaz.
Eroskik, Mondragon Taldean langile gehien dituen banaketa kooperatibak –ia 27.400 lagun– bere etekinak nabarmen igo ditu 2023an: 109 milioi euro irabazi zituen iazko urtean, aurrekoan baino %70 gehiago. Hala jakinarazi du Rosa Carabel talde horretako zuzendari nagusiak, Bilbon asteazkenean egindako prentsaurrekoan.
Datu esanguratsuak eman ditu Eroski taldeak: 5.729 milioi euroko salmentak (+%6,3), 331 milioi euroko EBITDA (+%18,21) edo 259 milioi euroko etekin operatiboak (%+26,96). Gainera, 74 supermerkatu eta frankizia berri zabaldu ditu eta Espainiako Estatuan gehiago hedatu da. Hala, erkidego ugaritan ditu saltokiak, Andaluzian, Balear Uharteetan, Katalunian eta Galizian, besteak beste.
"Lan bikaina egin dugu inflazio aldi honetan", nabarmendu du Carabelek. Banaketa kooperatibako arduradunen esanetan 2023an inflazioak ez du etenik izan eta saiatu dira horrek bere bezeroei ahalik eta gutxien eragin diezaion: "Merkatuari 384 milioi euroko aurrezkia transferitu dio", diote, eskaintza eta deskontuei erreferentzia eginez.
Bestalde, azaldu dute Eroskik eta bere fundazioak gizarte ekintzara 23 milioi euro bideratu zituela iaz.
Eroskik zailtasunak izan ditu azken urteetan, bai 2020an pandemiaren ondorioz, zeinean galerak izan zituen, baina batez ere Capraboren erosketak eragindako zorraren ondorioz. Zor horren zati bat aldez aurretik amortizatu ahal izan du eta hartzekodunei 671 milioi euro ordaindu behar dizkie orain –duela hamarkada bat zor hori 2.500 milioi eurokoa zen–.
Biltegiko langileen borroka
Lan harremanetan ere izan ditu gorabeherak Elorrion egoitza duen kooperatibak 2023an. Biltegian Cecosa enpresak azpikontrataturiko langileek greba abiatu zuten abenduan, lan baldintza eskasak zirela eta: "Zortzi orduak zenbatzea nahi genuen, soldata-arloa handitzea, Bizkaiko elikagaien merkataritzaren hitzarmena aplikatzea, laneko osasun eta prebentzio neurri eraginkorrak..." azaldu zioten hedabide honi.
Hala, hainbat greba egunen ondoren akordioa egin zuten enpresarekin eta, hainbat hobekuntzez gain, soldata %22 igotzea lortu zuten, ELA sindikatuaren esanetan.
Ehundaka langile elkartu ostegunean Bilbon egin den giza katean “Lan baldintzak hobetu, hemen eta orain erabakita” lelopean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
.jpg)
Ikasturtea hasi denetik hirugarren greba eguna izan da ostegunekoa Nafarroako Hezkuntza Publikoan eta goizeko mobilizazioen ondoren, LAB, Steilas, ELA eta CCOO –protestaren deitzaileak– pozik agertu dira. Euri jasak eta hotzak lagundu ditu etengabe irakasleak... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Asteazkenean ekin zion Laudioko enpresak labea hozteko prozesuari, Eusko Jaurlaritzako teknikarien bermearekin. Langileak haserre eta "engainatuta" azaldu dira erakundeen jarrerarekin: "Gu babestera joan eta langileen ondoan egon behar zuena, ez da egon"... [+]
ELAk eta LABek EREa baztertu eta berau erretiratzea galdegin dute. Sindikatu biek gogoratu dute 2023an antzeko neurriak geldiaraztea lortu zutela mobilizazioen bitartez
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Arrantza handi eta industriala defizitarioagoa da sozialki, ekonomikoki eta ekologikoki arrantza txikiaren alboan; arrantza txikiak baino dirulaguntza publiko dezente gehiago jasotzen ditu; eta are, soilik laguntza horiei esker bizirauten du. Horixe erakutsi du Frantziako... [+]
Gaur egun, Gazan su-etena dago, eta ez dakigu noiz arte iraungo duen; bitartean, sarraskiak, anexioek, kolonizazioak eta era guztietako giza eskubideen urraketek bere horretan diraute gainerako lurralde okupatuetan. Jarraian irakurriko dituzunak ez dira kasu isolatuak,... [+]
Azken urteotan, industria politikaren kontzeptua hainbat mailatan indarrez berragertu da. Neoliberalismoaren mailua izandako erakundeak, Nazioarteko Diru Funtsak, gaur egun zera azpimarratzen du: merkatuek baliabideak modu eraginkorrean esleitzeko eta arazo horiek konpontzeko... [+]
Asteazken goizean goizetik Guardianeko dozenaka langile elkarretaratu dira Laudioko lantegiaren aurrean, eta inguruko enpresatako beharginak ere batu zaizkie elkartasunez. Guardianek asteazkenean labea itzaliko duela adierazi du eta hori oztopatzeko asmoz bildu dira. Enpresa... [+]
ChatGPT ez da dagoeneko "hainbesterako". Lehiakide biziago, eskuragarriago eta merkeago bat jarri zaio parean AEBetako eta mundu mailako liderrari: enpresa txinatar baten eskutik ikusi du argia DeepSeekek. Dantzan jarri da mundua, eta ez espresuki onerako. Mikrotxipen... [+]
.jpg)
Laudioko lantegiko zuzendaritzak astelehen honetan jakinarazi dio enpresa batzordeari behin betiko itxiko duela enpresa. Urtarrilaren 29an abiatuko dute ixteko prozesua. Egun berean egingo dute elkarretaratzea langileek eta ostegunean hasiko dute greba.
Plan berriak Baztango bailara lau zonalde historikoetan bereiztea proposatzen du. Ostatu turistiko berriak irekitzeko araudia ere hartuko du bere gain, definitutako hiri iraunkortasun adierazleen araberakoa izango dena.
EHGAMek Axel hotelaren irregulartasunei jarritako helegitearen inguruko isiltasun administratiboaren ondoren, hotelaren itxiera eskatzen du eta hainbat eragileekin batera prentsaurrekoa eman dute.