Ernalkuntza lagundua lesbianei baita bikotean ez diren emakumeei ere zabaltzearen alde egin du Frantziako Legebiltzarrak
Bioetika legea hirugarren aldikoz bozkatu du Frantziako Legebiltzarrak eta alde agertu da gehiengoa: 84 alde, 43 kontra eta hiru abstentzio. Ekainaren 24an bozkatuko dute berriz ere senatariek.
Ekainaren 9ko gauean burutu bozketan bioetika legearen alde bozkatu dute Frantziako Legebiltzarreko gehienek: 84k alde egin dute, 43k kontra eta hiru abstenitu dira. Hirugarren aldikoz bozkatu dute gobernuaren lege-proiektua, prozedura legegileari segi, senatariak eta diputatuak testu berari buruz direlako posizionatu behar, hots, emendakinen bidez testua moldaturik baldin bada berriro bideratu behar izaten dute bozketa.
Hori horrela, eztabaida gehien sortzen duen neurria pasa da: bikotean diren emakume heterosexualen gisara, lesbianek eta bakarrik bizi diren emakumeek ukanen dute ernalkuntza lagundua jasotzeko eskubidea; eta Gizarte Segurantzak ordainduko die guztiei.
Oroit gara otsailean senatariek bioetika legea ez zutela bere horretan bozkatu: atzera bota zuten bikotean ez ziren emakumeek ernalkuntza lagundua jasotzeko aukera, eta nahiz eta lesbianentzat onartu, Gizarte Segurantzak gastuak ordaintzeko bidea haatik moztu zieten.
Ekainaren 24ean berriz ere bozkatua izanen da bioetika legea Senatuan eta ondotik, ekainaren 29an Legebiltzarrak du berriz ere bozkatu beharko.
Transgeneroak diskriminaturik
Orain arte bezala, transgeneroek ezingo dute ernalkuntza lagundua bideratu, diputatuek baztertu dutelako aukera. Ondoko neurrien aurka agertu dira ere: post-mortem ernalkuntza lagundua, hots, hildako bikotearen gametoekin ernalkuntza bideratzeko aukera; baita bi emakumeek obozitoak elkarri emateko aukera ere (ROPA izenez ezaguna den teknika).
Legea aitzina baldin badoa, orain arte ez bezala, esperma emailearen identitatea edota honi buruzko datuak jasotzen ahalko ditu umeak hemezortzi urtetatik goiti (adina, ezaugarri fisiko batzuk ala beste). Eztabaida handiak sortu dituen aldaketa da azken hau, esperma emailearen anonimotasunaren bukaera dakarrelako legeak.
GPA edo haurdunaldi subrogatu bidez atzerrian sorturiko umearekilako filiazioa aitortua izanen zaie bikoteko biei, haurdunaldi subrogatuan agertzen ez den pertsonak adoptatzen baldin badu umea. 2019an Frantziako Kasazio Gorteak harturiko erabakia baino gogorragoa dute beraz lege-proiektuak dakarren bidea. Hain zuzen, 2019an Justiziak erabaki zuen gurasotasuna bikoteari aitortzea, ez eta aita biologikoari soilik.
Epaimahaiaren esanetan, dokumentala beharrezkoa da "bizikidetzari espazioa emateko", eta era berean, ez ahazteko urte luzez lesbianismoak ez duela ikusgarritasunik izan. Filminen dago ikusgai.
'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon... [+]
Joten erritmora harro erakusten du luma Itxi Guerra aktibista antikapazitistak (Madril, 1998). Gorputz desgaituek bizi dituzten biolentziak balioztatzeko eta sistemari aurre egiteko saretzearen garrantziaz mintzatu da. Gorputzaren bizigarritasuna aldarrikatu du:... [+]
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
Maiatzaren 5ean mobilizatzeko deia luzatu dute 800 eragilek Politis komunikabidean plazaraturiko iritzi artikulu baten bitartez. Tartean daude besteak beste, Annie Ernaux idazlea, Hiesaren aurka dabilen Act Up elkartea, Planning Familial talde feminista ezaguna,... [+]
Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Etxe honetan askok ezagutzen dute Elena Guinea: 2021eko abenduan aldizkariaren azalean agertu zen, titi bakarrarekin eta irribarretsu, alboan zituela Sandra Barkaiztegi eta Olatz Mercader. Iñurri elkartearen (Min)bizi podcastean entzungo zuten beste hainbatek —Argia... [+]
Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]
Eliza katolikoak abenduaren 18an argitaratu zuen Fiducia supplicans agirian bikote homosexualak bedeinkatzeko aukera eman zuen. Abenduaren 29an, beste agiri baten bidez, Marc Aillet Baionako apezpikuak Aita Santuaren hitzak bere modura interpretatu zituen. Bere elizbarrutiko... [+]
Eraildako Trans Pertsonen Behatokiak egindako “Trans hilketen monitorizazioa” txostenean 2021eko urriaren 1etik 2022ko irailaren 30era 44 herrialdeetan izandako 327 pertsona transen hilketak salatu dira.
Bermeoko Udalak Elantxoben larunbatean gertatutako erasoa gaitzetsi du, eta Anitzak Bilbao LGTBIQ+ elkarteak asteartean Bilbon gertatutakoa.
Ángeles Cruz zinemagilea da, baina ahaztu itzazu industria horren dinamika patriarkal, arrazista eta kapitalista guztiak. Misteka herri indigenakoa eta lesbiana izanik, "komunitatea" da Cruzek gehien errepikatzen duen hitzetako bat. Hortik egiten du zinema, eta... [+]