Ernaik isunak salatu eta independentzia aldarrikatu du Donostiako manifestazioan
Amaiur Egurrola Ernairen bozeramaileak azaldu du Ernairen aurkako operazioari erantzuteko bildu direla, “baina batez ere gazteria independentista kalean dagoela esateko”. Eusko Jaurlaritzak ia 300.000 euroko isuna ezarri die Ernaiko 133 kideri, Aitor Zelaia eta Galder Barbadoren espetxeratze agindua salatzeko Bilbon eta Gasteizen egin zituzten bi ekimenetan identifikatu ondoren.
Kontxako estropadak bukatu ondoren egin du manifestazioa Ernai gazte antolakundeak. “Bat eginez independentziara” leloa erakutsi dute pankartan eta bidean ondoko leloak entzun dira: gazte borroka, gazte antolakuntza, euskal gazteria aurrera eta ez gaituzte geldituko.
Amaiur Egurrola Ernaiko bozeramaileak adierazi du manifestazioaren helburua “Donostiako kaleak independentziaren aldarriz betetzea” izan dela. Azpimarratu du Ernairen kontrako operazioak “posizio politiko bat isilarazteko nahia” duela: “[Posizio hori] gazteria independentistarena da eta horregatik kaleak hartzen jarraituko dugu”. Gogorarazi du isunaren ondoriozko behar ekonomikoei erantzuteko crowdfunding kanpainak martxan segitzen duela. Euskal gazteriari hemendik aurrera antolatuko dituzten ekimenetan parte hartzeko deia egin dio, eta bereziki, udaberrian egingo duten “Gazteon eskutik” ekimenera gonbidatu ditu gazteak.
Ia 300.000 euroko isuna
Maiatzean, isunaren berri jakinda, "Ernai ekonomikoki itotzen eta politikoki deuseztatzen" saiatzea leporatu zion gazte antolakundeak Eusko Jaurlaritzari. Aitor Zelaia eta Galder Barbadoren espetxeratze agindua salatzeko Bilbon eta Gasteizen egin zituzten bi ekimenetan identifikatutako 133 kideei, bakoitzari 1.500 eta 2.500 euro arteko isunak bidali zizkien Jaurlaritzak Mozal Legea baliatuta. Guztiak batuta, orotara 290.500 euro dira.
https://x.com/GureBideoak/status/1832763975781515614
Milaka lagun Donostian, Ernai gazte antolakundeak deitutako manifestazioan:pic.twitter.com/VlxLToFWAD— Gure bideoak (@GureBideoak) September 8, 2024
Gasteizko Auzitegiko laugarren aretoak ebatzi du Gasteizko isunak bertan behera uztea, eta Bilboko isun batzuk 2.500 eurotik 1.800era murriztea, "gehiegikeria" egon zela argudiatuta. Ernairen arabera, Segurtasun Sailak "arbitrariotasunez" eta... [+]
Isunak baliogabetzeko helegitea jarri zuten Ernaiko gazteek eta arrazoi eman die epaileak. Naiz-ek eman du epaiaren berri eta ostegun honetan 10:30ean eginen du prentsaurrekoa Ernaik, zehaztapen guztiak plazaratzeko.
Epaiketa prozesua abiatu du ostegun honetan gazte antolakundeak. 2023an egindako bi ekimenen ondorioz 290.500 euroko zigor ekonomikoa jarri dio Eusko Jaurlaritzak. Ekonomikoki "ito eta desagerrarazteko" mekanismoa dela salatu du Ernaik.
Apirilean Jaurlaritzako Segurtasun Sailak gazte antolakundeko 133 kideri jarritako isunen harira manifestua aurkeztu du Ernaik. Euskal Herriko 32 eragile sozial, sindikatu eta alderdi politikok egin dute bat idatziarekin. Isunek antolakundea “itoarazi eta politikoki... [+]
"Espainolismoa goratzen duen sinbolorik" ez dutela nahi adierazi dute antolakundeko kideek. Euskal Herri antifaxista aldarrikatzeko ekintza izan da Nafarroan gelditzen zen azkenengo zezena botatzea, ekintza zuzenaren bideoa zabaltzearekin batera.
“Españolismoaren eta faxismoaren normalizazioan” Hispanitatearen egunak jokatzen duen papera salatzeko urriaren 12an Tafallan mobilizatuko da Ernai. “Gu, Nafarroako etorkizuna gara, haiek, aldiz, iragana. Faxismoak herri honetan lekurik ez duela argi... [+]
Ernai Gazte Antolakundeko 133 kideri isunak jarri dizkiete, Aitor Zelaia eta Galder Barbadoren espetxeratzearen aurka mobilizatzeagatik. 290.500 euro dira guztira, eta diru bilketa bat jarri dute martxan, herriak ere ekarpenen bat egin dezan. Ibone Alonso eta Aizpea Uranga... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
Gazte antolakundeak "amorrua anbizio bilakatzeko gaitasuna" azpimarratu du. Atxiloketa prozesuaren atzean dagoena salatzea ez ezik, Ernairen norabidea zehaztu du.
Bilbon, Espainiako Gobernuaren ordezkariordetzan egin dute ekintza; Gasteizen, Ertzaintzaren komisaldegi atarian. Ertzaintza gazteen aurka oldartu da, eta Gasteizen bost pertsona atxilotu ditu.
Sakea egin zuen Olaia Inziartek ostegun iluntzean Elorrioko Gazte Topagunean. Oronozkoak izan zuen antolatutako kontzertuen karpa txikia irekitzeko ardura. Eta are, txiki geratu zen Ezker Pareta abeslariaren harridurarako. Orduek aurrera egin ahala, baina, indarrak gordetzea... [+]