Uztailaren 20an Eusko Jaurlaritzak emandako datuen arabera, 80 pertsonak eman du positibo Ermuan uztailaren 15etik 19ra bitartean. Horren aurrean, Ermuko udalak tabernetan neurri hauek hartu ditu: edukiera erdira murriztea, barran ezin kontsumitu ahal izatea eta tabernak 23:30ean ixtea.

Horrez gain, Juan Carlos Abascal Ermuko alkateak Facebook-eko bere orrian adierazi du "festa alternatiboak" zigortzeko eskaera egingo duela, eta antolatzaileei ohartarazi die "osasun publikoaren aurkako delitutzat" har daitezkeela ekintza horiek. Idatzi horretan azaldu duenez, udalari iritsi zaio herritar batzuek "txupinazoak edo ekintza alternatiboen jarduerak" antolatzeko duten asmoaren berri.